Home ព័ត៌មានអន្តរជាតិ ចិន​ពន្លះ​អាម...

ចិន​ពន្លះ​អាម៉េរិក​ចំពោះ​ការ​ធ្វើ​ឱ្យ​អន្តរាយ​ដល់​សន្តិភាព​ក្នុង​តំបន់​ខណៈ​នាវា​ពិឃាដ​អាម៉េរិក​ឆ្លងកាត់​តាម​ច្រក​សមុទ្រ​តៃវ៉ាន់​

​ប្រែ​សម្រួល : កញ្ញា​ដា​លី​ស ៖ កងទ័ព​រំដោះប្រជាជន​ចិន​បាន​ពន្លះ​សហរដ្ឋ​អាម៉េរិក​នៅ​ថ្ងៃ​ព្រហស្បតិ៍​នេះ​ខណៈ​នាវា​ពិឃាដ​អាម៉េរិក​ឈ្មោះ USS Curtis Wilbur បាន​ឆ្លងកាត់​ច្រក​សមុទ្រ​តៃវ៉ាន់​។​

​អ្នកនាំពាក្យ​យោធា​ចិន​បាន​ចោទប្រកាន់​អាម៉េរិក​នៅក្នុង​សេចក្តីថ្លែងការណ៍​មួយ​អំពី​ការ​ធ្វើ​ឱ្យ​អន្តរាយ​ដល់ “​សន្តិភាព​និង​ស្ថិរភាព​” ក្នុង​តំបន់​ខណៈ​កងទ័ពជើងទឹក​អាម៉េរិក​កំពុង​អនុវត្ត​​នូវ​អ្វី​ដែល​ខ្លួន​ពណ៌នា​ថា​ជា “​ការឆ្លងកាត់​ធម្មតា​”​។​

​ចំណែកឯ​កង​នាវាចរណ៍​ទី​៧ របស់​កងទ័ពជើងទឹក​អាម៉េរិក​បាន​និយាយ​នៅក្នុង​សេចក្តីថ្លែងការណ៍​មួយ​ថា នាវា USS Curtis​បាន​អនុវត្ត​ការឆ្លងកាត់​តាម​ច្រក​តៃវ៉ាន់​ស្របតាម​ច្បាប់​អន្តរជាតិ​​ហើយ​ការឆ្លងកាត់​របស់​នាវា​តាម​ច្រក​សមុទ្រ​នេះ​បង្ហាញ​ពី​ការប្តេជ្ញា​ចិត្ត​របស់​សហ​រដ្ឋ​អាម៉េរិក​ចំពោះ​តំបន់​ឥ​ណ្ឌូ​-​ប៉ាស៊ីហ្វិក ដែល​សេរី​និង​បើក​ទូលាយ​។​

​កង​នាវាចរណ៍​ទី ៧ បាន​បន្ថែម​ថា​យោធា​អាម៉េរិក​នឹង​បន្ត​ហោះហើរ ធ្វើ​នាវាចរណ៍ និង​ធ្វើ​ប្រតិបត្តិការ​នៅ​គ្រប់​កន្លែង​ណា ដែល​ច្បាប់​អន្តរជាតិ​អនុញ្ញាត​៕

​នាវា​ពិឃាដ​អាម៉េរិក​ឈ្មោះ USS Curtis Wilbur ឆ្លងកាត់​ច្រក​សមុទ្រ​តៃវ៉ាន់​នៅ​ថ្ងៃ​ព្រហស្បតិ៍​នេះ

ទីតាំងផ្សាយពាណិជ្ជកម្ម

- Advertisment -

Most Popular