ជប៉ុន​ផ្តល់​ថវិកា​ជិត​៣ លាន​ដុល្លារ​ដល់​គណៈកម្មកា​រទ​ន្លេ​មេគង្គ

ដោយៈ ជា សីហៈ​/​ភ្នំពេញៈ នៅថ្ងៃនេះ​រដ្ឋាភិបាល​ជប៉ុន​បានផ្តល់​ថវិកា​ចំនួន ២,៩ លាន​ដុល្លារ​ដល់​គណៈកម្មការ​ទ​ន្លេ​មេគង្គ (MRC) ដើម្បី​អនុវត្ត ផែនការ​យុទ្ធសាស្ត្រ​ថ្មី របស់ខ្លួន​ដោយ​ស្វែងរក​ការជំរុញ​ការអភិវឌ្ឍ​ប្រកបដោយ​ការទទួលខុសត្រូវ​នៅក្នុង​តំបន់​។​

​លោក អាន ពេជ្រ ហា​ដា ( An Pich Hatda) នាយក​ប្រតិបត្តិ​លេខាធិការដ្ឋាន​គណៈ ក​ម្មា​ធិ​ការ​ទន្លេមេគង្គ​បាន​ថ្លែង​នៅក្នុង​ពិធី​ចុះហត្ថលេខា​មួយ​នៅ​ទីស្នាក់ការ​លេខាធិការដ្ឋាន MRC ក្នុង​ទីក្រុង​វៀងចន្ទន៍ នៅថ្ងៃនេះ​ថា ជំនួយ​នេះ​មាន​រយៈពេល ៤ ឆ្នាំ គឺ​ចាប់ពី​ឆ្នាំ ២០២១ ដល់​ឆ្នាំ ២០២៤ ។

​លោក​បាន​បន្តថា មូលនិធិ​នេះ​នឹង​បង្កើន​ដល់​គណៈកម្មការ​ទន្លេមេគង្គ និង​ប្រទេស​ជា សមាជិក​របស់ខ្លួន​គឺ​កម្ពុជា ឡាវ ថៃ និង​វៀតណាម​ឲ្យ​មាន​សមត្ថភាព​តាមដាន និង​វាយ តម្លៃ​បរិស្ថាន​ទឹកទន្លេ​និង​សម្រប​ខ្លួន​ទៅនឹង​ការផ្លាស់ប្តូរ​ទូទៅ​។​

​ថវិកា​ថ្មី​ត្រូវបាន​ផ្តល់​បន្ថែម​លើ​ថវិកា​ចំនួន ៣,៩​លាន​ដុល្លារ​អាមេរិក​ដែល​ផ្តល់​ដោយ ប្រទេស​ជប៉ុន​កាលពី​ឆ្នាំមុន​ដើម្បី​ជំរុញ​ប្រព័ន្ធ​ព្យាករណ៍​ទឹកជំនន់​និង​គ្រោះរាំងស្ងួត​របស់​តំបន់ ។ ក្នុងនាម​ជា​ដៃគូ​អភិវឌ្ឍន៍​យូរអង្វែង​របស់ MRC ប្រទេស​ជប៉ុន បានផ្តល់​ថវិកា​ជាង ២១ លាន​ដុល្លារ​អាមេរិក ដើម្បី​គាំទ្រ​ដល់​ការគ្រប់គ្រង​ទឹកជំនន់ និង គ្រោះរាំងស្ងួត​ប្រព័ន្ធ​ធា​រា សាស្ត្រ ការផ្លាស់ប្តូរ អាកាសធាតុ​និង​ការគ្រប់គ្រង​បរិស្ថាន​។​

​ទន្លេមេគង្គ​និង​ដៃទន្លេ​របស់ខ្លួន​គឺជា​ប្រភព​នៃ​ជីវិត ដែលមាន​ប្រមាណ​ជា ៧០​លាន​នាក់ នៅក្នុង​អាង​ទន្លេមេគង្គ​ក្រោម​៕​/PC

ទីតាំងផ្សាយពាណិជ្ជកម្ម

- Advertisment -

Most Popular