Home ព័ត៌មានអន្តរជាតិ តុលាការ​ថៃ​អន...

តុលាការ​ថៃ​អនុញ្ញាត​អោយ​រដ្ឋមន្ត្រី​៣​នាក់​នៅ​ក្រៅ​ឃុំ​

​ប្រែ​សម្រួលៈ​វាសនា​/​បាងកក​៖​តុលាការ​ថៃ​មួយ​នៅ​ថ្ងៃ​សុក្រ​នេះ​បានអនុញ្ញាត​អោយ​រដ្ឋមន្ត្រី​៣​នាក់​ដែល​ទើប​ត្រូវបាន​ដកហូត​មុខ​តំណែង​នៅ​សប្តាហ៍​នេះ​ក្រោយ​ត្រូវ​តុលាការ​ផ្តន្ទាទោស​អោយ​ជាប់គុក​​ចំពោះ​កំហុស​ដឹកនាំ​បះបោរ​ប្រឆាំង​រដ្ឋាភិបាល​កាលពី​ឆ្នាំ​២០១៤​នោះ បង់ប្រាក់​ធានា​ខ្លួន​នៅ​ក្រៅ​ឃុំ​រង់ចាំ​ការប្តឹង​ឧទ្ធរណ៍​។​

​អ្នក​ទាំង​បី រួមជាមួយ​ឥស្សរជន​នយោបាយ​សំខាន់ៗ​៥​រូប​ទៀត បាន​ស្ថិត​ចំណោម​មេដឹកនាំ​២៦​នាក់​នៃ​ក្រុម​គណៈកម្មាធិការ​កែ​ទំរង់​ប្រជាធិបតេយ្យ​របស់​ប្រជាជន​(PDRC)​ដែល​ត្រូវបាន​ផ្តន្ទាទោស​ដាក់​​គុក​កាលពី​ថ្ងៃ​ពុធ​ដោយ​តុលាការ​ព្រហ្មទណ្ឌ​ថៃ​។​

​ក្រោម​រដ្ឋធម្មនុញ្ញ​ថៃ ការផ្តន្ទាទោស​នេះ​នាំ​អោយ​រដ្ឋមន្ត្រី​ឌីជីថល រដ្ឋមន្ត្រី​អប់រំ​និង​អនុរដ្ឋមន្ត្រី​គមនាគមន៍ បាត់បង់​មុខតំណែង​របស់​គេ​ក្នុង​គណៈរដ្ឋមន្ត្រី​របស់​លោក​ប្រា​យុទ្ធ ចាន់​អូ​ចា ។​

​រដ្ឋមន្ត្រី​ឌីជីថល លោក ពុត​ទី​ពង់ ពុន​ណា​កាន់​តា បាន​ទៅ​ដល់​តុលាការ​ព្រហ្មទណ្ឌ​នៅ​ក្រុង​បាងកក​កាលពី​ថ្ងៃ​២៤​កុម្ភៈ​

​ពួក​មេដឹកនាំ PDRC​ត្រូវបាន​ដាក់ទោស​ចំពោះ​ការបះបោរ​ប្រឆាំង​រដ្ឋាភិបាល ការរំខាន​ការបោះឆ្នោត និង​បាន​ចូលលុកលុយ​ក្នុង​អាគារ​រដ្ឋ​ក្នុងអំឡុងពេល​តវ៉ា​ប្រឆាំង​នឹង​រដ្ឋាភិបាល​របស់​លោកស្រី​យី​ង​​ឡាក់ ស៊ីណា​វ៉ាត មុន​លោក​ប្រា​យុទ្ធ​ដឹកនាំ​ទាហាន​ធ្វើ​រដ្ឋប្រហារ​នា​ឆ្នាំ​២០១៤​។​ក្រុម​នេះ​ផ្សំគ្នា​ដោយ​កម្លាំង​ជាតិ​និយម​និង​រាជានិយម​ដែល​បាន​បង្កចលាចល​បើកផ្លូវ​អោយ​មាន​រដ្ឋប្រហារ​ទម្លាក់​រដ្ឋាភិបាល​​ស៊ីវិល​៕

​ឥស្សរជន​ក្រុម PDRC​ដើរចេញ​ពី​ពន្ធនាគារ​ក្រុង​បាងកក​កាលពី​ថ្ងៃ​សុក្រ រួម​មាន​អតីតរដ្ឋមន្ត្រី​ក្នុង​គណៈរដ្ឋមន្ត្រី​របស់​លោក​ប្រា​យុទ្ធ ផងដែរ​

ទីតាំងផ្សាយពាណិជ្ជកម្ម

- Advertisment -

Most Popular