Home ព័ត៌មានជាតិ សន្តិសុខ រថយន្ត​ធុន​ធំ...

រថយន្ត​ធុន​ធំ​បើក​លឿន​បុក​ម៉ូតូ​មួយគ្រឿង​ពេញទំហឹង បណ្ដាល​ឲ្យ​បុរស​ម្នាក់​ស្លាប់​ភ្លាមៗ​

ដោយ​: សម្បត្តិ / ភ្នំពេញ​: រថយន្ត​ធន​ធំ​ម៉ាក​ហ៊ីយ៉ាន់ដាយ​បើកបរ​ក្នុង​ល្បឿន​លឿន បុក​ម៉ូតូ​មួយគ្រឿង​ចំ​ពេញទំហឹង បណ្ដាល​ឲ្យ​បុរស​ម្នាក់ ដួល​បោក​ផ្ទប់​នឹង​ថ្នល់​ស្លាប់​ភ្លាមៗ នៅនឹងកន្លែង កាលពី​វេលា​ម៉ោង​៥ និង​៣០​នាទី​ល្ងាច ថ្ងៃទី​២៦ ខែកុម្ភៈ ឆ្នាំ​២០២១ ស្ថិតនៅតាម​បណ្ដោយ​ផ្លូវ​២០០៤ ក្នុង​សង្កាត់​កា​កាប​ទី​១ ខណ្ឌ​ពោធិ៍​សែន​ជ័យ រាជធានី​ភ្នំពេញ​។​

​ជនរងគ្រោះ​មានឈ្មោះ តូច សារ៉េត ភេទ​ប្រុស អាយុ​៤៥​ឆ្នាំ មុខរបរ​រត់​ម៉ូតូឌុប ស្នាក់នៅ​ផ្ទះជួល សង្កាត់​ចោមចៅ​៣ ខណ្ឌ​ពោធិ​សែន​ជ័យ​។

​បើតាម​ប្រភពព័ត៌មាន​នៅ​កន្លែងកើតហេតុ បាន​ឲ្យ​ដឹងថា នៅ​មុនពេល​កើតហេតុ គេ​ឃើញ​ម៉ូតូ​មួយគ្រឿង​ម៉ាក​ស្មាស់​រ៉េ​វូ ពណ៌​ខៀវ ពាក់​ស្លាក​លេខ ភ្នំពេញ 1X-5387 ជិះ​ម្នាក់ឯង ធ្វើដំណើរ​តាម​បណ្ដោយ​ផ្លូវ​២០០៤ ក្នុង​ល្បឿន​ល្មម ទិសដៅ​ពី​ជើង​ទៅ​ត្បូង ខណៈ​មកដល់​ចំណុចកើតហេតុ​ខាងលើ ស្រាប់​តែមាន​រថយន្ត​មួយគ្រឿង​ទៀត​ម៉ាក​ហ៊ីយ៉ាន់ដាយ ពណ៌​ស​ពាក់​ស្លាក​លេខ ភ្នំពេញ 3E-7022 ធ្វើដំណើរ​ស្រប​ទិស​គ្នា ក្នុង​ល្បឿន​លឿន​ក៏បាន​ជ្រុល​ទៅបុក​ម៉ូតូ​ម៉ាក​ស្មាស់​រ៉េ​វូ ចំ​ពីក្រោយ​ចំ​ពេញទំហឹង បណ្ដាល​ឲ្យ​បុរស​ម្នាក់​ដួល​បោក​ផ្ទប់​នឹង​ថ្នល់​ស្លាប់​ភ្លាមៗ​នៅ​កន្លែងកើតហេតុ​។ ចំណែកឯ តៃកុង​រថយន្ត​បង្ក​ម៉ាក​ហ៊ីយ៉ាន់ដាយ បាន​បើក​ទៅមុខ​ប្រហែល​២០០​ម៉ែត្រ ចុះ​រត់គេចខ្លួន​បាត់ស្រមោល​ភ្លាមៗ​តែម្តង​។​

​ក្រោយពេល​កើតហេតុ សមត្ថកិច្ច​មូលដ្ឋាន​បាន​ចុះមក​ដល់ទី​តាំង​កន្លែង​កើតហេតុ រួច​បាន​ទំនាក់ទំនង​ទៅខាង​សមត្ថកិច្ច​ជំនាញ​ចរាចរណ៍​ផ្លូវគោក​ឲ្យ​ចុះមក​វាស់វែង​យក​ម៉ូតូ​រងគ្រោះ និង​រថយន្ត​បង្ក​យកទៅ​រក្សាទុក​នៅ​ស្នងការដ្ឋាន​នគរបាល​រាជធានី​ភ្នំពេញ​រង់ចាំ​ធ្វើការ​ដោះស្រាយ​គ្នា​នៅពេល​ក្រោយ​។ ចំណែកឯ សាកសព​ជនរងគ្រោះ ត្រូវបាន​សមត្ថកិច្ច​ធ្វើ​កំណត់ហេតុ​រួច​ប្រគល់​ជូនទៅ​ក្រុមគ្រួសារ​សាច់ញាតិ​យកទៅ​ធ្វើបុណ្យ​តាម​ប្រពៃណី​៕​

ទីតាំងផ្សាយពាណិជ្ជកម្ម

- Advertisment -

Most Popular