សមត្ថកិច្ច ឃាត់ខ្លួនបុរសម្នាក់ ផឹកស្រាស្រវឹង វាយឪពុកបង្កើតរបស់ខ្លួននឹងដងចប ដល់ស្លាប់

បុរសម្នាក់ បានផឹកស្រាស្រវឹង ទាស់សំដីគ្នា ជាមួយឪពុកបង្កើត ហើយបានប្រើដងចប វាយឪពុកបង្កើតរបស់ខ្លួន បណ្ដាលឲ្យស្លាប់ភ្លាមៗ នៅកន្លែងកើតហេតុ ហើយជាមួយគ្នានេះ ជនសង្ស័យ ក៏បានវាយទៅលើមនុស្សចាស់ ៣ នាក់ផ្សេងទៀត បណ្ដាលឱ្យរងរបួសធ្ងន់ធ្ងរ ថែមទៀត។ ហេតុការណ៍នេះ បានបង្កឱ្យមានការភ្ញាក់ផ្អើល នៅវេលាម៉ោងជាង ១ រសៀល ថ្ងៃទី២៦ ខែកុម្ភៈ ឆ្នាំ២០២១ នៅភូមិស្លារ ឃុំតាអូរ ស្រុកគិរីវង់ ខេត្តតាកែវ។