ញ៉ិកញ៉ក់ , ម្ញ៉ិកម្ញ៉ក់ , ង៉ិកង៉ក់ , ញ៉ាំញ៉ើ , អន​

​ដោយៈ ដកស្រង់​ពី​វចនានុក្រម សម្តេច​សង្ឃរាជ ជួន ណាត​

​ញ៉ិកញ៉ក់​

​កិរិយាវិសេសន៍​

​ដែល​ង៉ិកង៉ក់ រម៉េះរម៉ោះ​ដោយ​អាការ​មាយា ( ច្រើន​និយាយ​ចំពោះតែ​ស្ត្រី ឬ​កូនក្មេង )
​ដើរ​ញ៉ិកញ៉ក់​; ដំណើរ​ញ៉ិកញ៉ក់​, ឫក​ញ៉ិកញ៉ក់ ( ម​. ព​. ញ៉ាំញ៉ើ ផង ) ។​

​គុណសព្ទ​

​ដែល​ង៉ិកង៉ក់ រម៉េះរម៉ោះ​ដោយ​អាការ​មាយា ( ច្រើន​និយាយ​ចំពោះតែ​ស្ត្រី ឬ​កូនក្មេង )
​ដើរ​ញ៉ិកញ៉ក់​; ដំណើរ​ញ៉ិកញ៉ក់​, ឫក​ញ៉ិកញ៉ក់ ( ម​. ព​. ញ៉ាំញ៉ើ ផង ) ។​

​ម្ញ៉ិកម្ញ៉ក់​

​កិរិយាវិសេសន៍​

​ដែល​ធ្វើ​ឫក​ឬ​អាការ​ញ៉ិកញ៉ក់​
​ឫក​ម្ញ៉ិកម្ញ៉ក់​; ធ្វើ​ម្ញ៉ិកម្ញ៉ក់ ( ច្រើនតែ​ស្ត្រី ) ។​

​គុណសព្ទ​

​ដែល​ធ្វើ​ឫក​ឬ​អាការ​ញ៉ិកញ៉ក់​
​ឫក​ម្ញ៉ិកម្ញ៉ក់​; ធ្វើ​ម្ញ៉ិកម្ញ៉ក់ ( ច្រើនតែ​ស្ត្រី ) ។​

​ង៉ិកង៉ក់​

​កិរិយាសព្ទ​

​ងេកងោក​, ធ្វើ​មាយា​ញ៉ិកញ៉ក់ (​ម្ញ៉ិកម្ញ៉ក់​) ។​

​កិរិយាវិសេសន៍​

​ដែលមាន​ដំណើរ​ញ៉ិកញ៉ក់​
​ដើរ​ង៉ិកង៉ក់​, ធ្វើ​ង៉ិកង៉ក់ ។​

​ញ៉ាំញ៉ើ​

​កិរិយាវិសេសន៍​

​ញ៉ិកញ៉ក់​, ញ៉ែងញ៉ង​
​ដើរ​ញ៉ាំញ៉ើ​, ដំណើរ​ញ៉ាំញ៉ើ ។​

​គុណសព្ទ​

​ញ៉ិកញ៉ក់​, ញ៉ែងញ៉ង​
​ដើរ​ញ៉ាំញ៉ើ​, ដំណើរ​ញ៉ាំញ៉ើ ។​

​អន​

​គុណសព្ទ​

( ស​. អ្ច់​ន អ​. ថ​. អន ) ទន់​, ស្រទន់ : សម្បុរ​អន សម្បុរ​ស្រទន់​, សម្បុរ​ស្រគាំ​; ខៀវ​អន ខៀវខ្ចី ។ ព​. កា​. សម្រាប់​កវី​ប្រើ​តាម​ត្រូវការ​, ដូចជា​កាព្យ​ថា កញ្ញា​ឈ្មោះ​អន និង​នាង​គូកន ពាក់អាវ​អន​ខ្ចី ដំណើរ​ញ៉ែងញ៉ង ញ៉ិកញ៉ក់​ល្វត​ល្វៃ មុខមាត់​ប្រិ​ម​ប្រី​យ៍ សម្ដី​ស្រទន់ ។ ឬមួយ​បែប​ទៀតថា ទ្រង់ទ្រាយ​ស្រឡន ឆវីវណ្ណ​អន មុខមាត់​ស្រស់បស់ ពេញ​ទាំង​សព៌ាង្គ រូបរាង​ទាំងអស់ សុទ្ធសឹងតែ​ស្រស់ ឥត​ទាស់ភ្នែក​ឡើយ ។​

នាមសព្ទ​

​ឈ្មោះ​បទ​ភ្លេងបុរាណ​ខ្មែរ​មួយបែប​
​ភ្លេង​អន ។​
​គេ​លេង​នៅពេលដែល​ត្រូវសុំ​ឲ្យ​កូនស្រី​ចេញពី​ល្វែង​ចន្ទន៍​ខាងក្នុង​មក​ក្រាប​ផ្ទឹម​ជាមួយនឹង​កូនប្រុស​ជា​គូ​គ្នា​, ប្រើ​ក្នុង​ពិធី​អាវាហមង្គល​; គេ​ច្រៀង​ថា​
​អន​អើយ​ស្រី​អន សុំ​បើក​វាំងនន អញ្ជើញ​អន​មក​ផ្ទឹម លុះ​ផ្ទឹម​រួចហើយ អញ្ជើញ​សន្សឹម ដើរចូល​តែត្រឹម ល្វែង​ចន្ទន៍​ខាងក្នុង ។ ល ។ រាយ​ទំនុក​យ៉ាងណា​នោះ ស្រេច​នឹង​ការ​ឈ្លាសវៃ​ស្ទាត់ជំនាញ​របស់​អ្នក​ច្រៀង​ដែល​ច្រៀង​រាយ​ទំនុក​មិន​ឲ្យ​ឆ្គង ។​

ទីតាំងផ្សាយពាណិជ្ជកម្ម

- Advertisment -

Most Popular