Home ព័ត៌មានជាតិ សន្តិសុខ រថយន្តពីរគ្រឿ...

រថយន្តពីរគ្រឿងបុកគ្នាកៀបមនុស្សជាប់ក្នុងកាបីនរងរបួសធ្ងន់

ដោយៈចាន់តូ/ភ្នំពេញៈស្រ្តីម្នាក់និងបុរស ម្នាក់របួសធ្ងន់ដោយសារកៀបជាប់ក្នុងកាប៊ីនរថយន្ត បន្ទាប់ពីបើករថយន្តទៅបុករថយន្តដឹកមេស៊ីម៉ង់ត៍ដែលចតចោលនៅលើផ្លូវកាលពីម៉ោងជាង៣យប់រំលងអធ្រាត្រឈានចូលថ្ងៃចន្ទ ទី១ ខែមីនា ឆ្នាំ២០២១ត្រង់ចំណុចខាងត្បូងសាលាកូរ៉េប្រមាណ ប្រហែល ៥០ម៉ែត្រ ស្ថិតនៅក្នុងភូមិភ្លូផ្អែម សង្កាត់គោករការ ខណ្ឌព្រែកព្នៅ ។

ជនរងគ្រោះមោះ សូរ ភាព ភេទស្រី អាយុ៤៥ឆ្នាំ ជនជាតិខ្មែរ រស់នៅភូមិស្គុះ សង្កាត់ស្វាយក្រវ៉ាន់ក្រុងច្បារមន ខេត្តកំពង់ស្ពឺ ។ ចំណែកអ្នកបើកបរមិនត្រូវបានស្គាល់ឈ្មោះនោះឡើយដោយបើករថយន្តដឹកថ្មតូចៗក្បាលពណ៌ស ពាក់ផ្លាកលេខ ភ្នំពេញ3F.3040កៀបជាប់រងរបួសធ្ងន់។ចំណែករថយន្តដឹកមេសុីម៉ង់ត៍ក្បាលពណ៌ស ពាក់ផ្លាកលេខភ្នំពេញ3A.8556
អ្នកបើកគេច ខ្លួនបាត់។

តាមប្រភពពីប្រជាពលរដ្ឋបាន ប្រាប់ឲ្យដឹងថាដំបូងឡើយមានរថយន្តដឹកមេស៊ីម៉ង់ត៍ម៉ាកហ៊ីយ៉ាន់ដាយដែលចតលើចិញ្ចើមផ្លូវ តាមបណ្ដោយផ្លូវ វិមានឈ្នះឈ្នះបែរក្បាលទៅទិសខាងជើង ។ខណ:កំពុងតែចតក៏ស្រាប់តែមាន រថយន្តដឹកថ្មតូចៗ បើកតាមបណ្ដោយផ្លូវវិមានឈ្នះឈ្នះ ទឹសដៅពីត្បូងមកជើងក្នុងល្បឿនលឿន ក៏រេចង្កូតមកខាងស្ដាំដៃទៅបុកចំពីចំហៀងខាងឆ្វេងខាងក្រោយរថយន្តដឹកមេស៊ីម៉ង់ត៍ចំកង់ខាងក្រោយ ។ រថយន្តមិនទាន់អស់ល្បឿនបានទៅមុខប្រមាណ២០ម៉ែត្រក៏ររចង្កូតមកស្ដាំដៃបុកចូលមុខផ្ទះប្រជាពលរដ្ឋធ្លាក់ចូលប្រឡាយលូទឹកស្អុយបណ្តាលឲ្យរបួសស្រ្តីម្នាក់ដែលរួមដំណើរជាមួយត្រូរបាន ប្រជាពលរដ្ឋទាញចេញយកទៅសង្គ្រោះភ្លាមៗ។ចំណែកឯតៃកុងកៀបជាប់នៅក្នុងរថយន្តរហូតដល់ខាងសង្គ្រោះបន្ទាន់ផ្នែក 711 កងពលតូច ង70 បានមកជួយសង្គ្រោះកាត់ដែកចេញយកតែកុងដែលកៀបយកទៅសង្គ្រោះនៅឯមន្ទីរពេទ្យលោកសង្ឃ។

ក្រោយពីកើតហេតុសមត្ថកិច្ចជំនាញចុះមកវាស់វែងស្ទូចយករថយន្តទាំងពីរគ្រឿងទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញរងចាំដោះស្រាយគ្នានៅពេលក្រោយ៕សរន

ទីតាំងផ្សាយពាណិជ្ជកម្ម

- Advertisment -

Most Popular