រដ្ឋបាល​រាជធានី ប្រកាស​ឧបត្ថម្ភ​ថវិកា ដល់​អ្នកធ្វើ​ច​ត្តា​ឡី​ស័ក នៅ​ភ្នំពេញ ក្នុង​១​គ្រួសារ ទទួលបាន​ថវិកា ៣០ ម៉ឺន​រៀល និង​អង្ករ ២០ គីឡូ រយៈពេល ១៥ ថ្ងៃ​

ដោយៈ រ៉ា​ម៉ន / ភ្នំពេញៈ នៅ​ថ្ងៃទី​១ ខែមីនា ឆ្នាំ​២០២១ នេះ រដ្ឋបាល​រាជធានី​ភ្នំពេញ បានប្រកាស​ឧបត្ថម្ភ​ថវិកា ដល់​អ្នកធ្វើ​ច​ត្តា​ឡី​ស័ក​ទាំងអស់ នៅ​រាជធានី​ភ្នំពេញ ក្នុង​១​គ្រួសារ ទទួល​ថវិកា ២ ម៉ឺន​រៀល ក្នុង ១ ថ្ងៃ រយៈពេល ១៥ ថ្ងៃ សរុប ៣០ ម៉ឺន​រៀល និង​អង្ករ ២០ គីឡូក្រាម​។ នេះ​បើតាម​សេចក្តីជូនដំណឹង របស់​សាលា​រាជធានី​ភ្នំពេញ ចុះ​នៅ​ថ្ងៃទី​១ មីនា នេះ​។​

​ក្នុង​សេចក្តីជូនដំណឹង​នេះ បានបញ្ជាក់​ថាៈ យោងតាម​អនុសាសន៍ ដ៏​ខ្ពង់ខ្ពស់​របស់ សម្ដេច​តេ​ជោ ហ៊ុន សែន នាយករដ្ឋមន្ត្រី នៃ​កម្ពុជា នា​ថ្ងៃទី​១ ខែមីនា ឆ្នាំ​២០២១ ក្នុងការ ជួយ​សម្រួល ដល់​ជីវភាព​របស់​ប្រជាពលរដ្ឋ ដែលមាន​ការពាក់ព័ន្ធ ដោយផ្ទាល់​នឹង ព្រឹត្តិការណ៍ «​សហគមន៍ ២០ កុម្ភៈ​» រដ្ឋបាល​រាជធានី​ភ្នំពេញ សូម​ជម្រាប​ជូនដំណឹង ដល់​ប្រជាពលរដ្ឋ​ទាំងអស់ ក្នុង​រាជធានី​ភ្នំពេញ ឱ្យបាន​ជ្រាបថា រដ្ឋបាល​រាជធានី​ភ្នំពេញ នឹង​ឧបត្ថម្ភ​ថវិកា របស់​រាជរដ្ឋាភិបាល ជូន​ប្រជាពលរដ្ឋ ដែល​ធ្វើ​ច​ត្តា​ឡី​ស័ក​ទាំងអស់ នៅ​រាជធានី ភ្នំពេញ ក្នុង​១​គ្រួសារ ទទួលបាន​ថវិកា ចំនួន ២​ម៉ឺន​រៀល ក្នុង​០១​ថ្ងៃ រយៈពេល ១៥​ថ្ងៃ សរុប​ចំនួន ៣០ ម៉ឺន​រៀល និង​អង្ករ ទម្ងន់ ២០ គីឡូក្រាម​។​

​រដ្ឋបាល​រាជធានី​ភ្នំពេញ បានបញ្ជាក់​បន្ថែមថាៈ រដ្ឋបាល​រាជធានី​ភ្នំពេញ នឹង​ផ្តល់ជូន ប្រជាពលរដ្ឋ ដែលមាន​លក្ខណៈសម្បត្តិ ទាំង ៤ ដូចខាងក្រោមៈ ១. អ្នកពាក់ព័ន្ធ​ផ្ទាល់ ជាមួយនឹង​ព្រឹត្តិការណ៍ «​សហគមន៍ ២០ កុម្ភៈ​» , ២. អ្នក​ដែល​បានទទួល​ការធ្វើ​តេស្ត ហើយ​លទ្ធផល​អវិជ្ជមាន , ៣.​អ្នក​ដែល​ធ្វើ​ច​ត្តា​ឡី​ស័ក នៅតាម​ផ្ទះ និង​សណ្ឋាគារ , ៤.​អ្នក​ដែលមាន​ជីវភាព​ខ្វះខាត​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular