ចង្កំ , មៀន , ចង្កុលណី , ចង្កូមស្កា , ចង្កួយ​

​ដោយៈ ដកស្រង់​ពី​វចនានុក្រម សម្តេច​សង្ឃរាជ ជួន ណាត​

​ចង្កំ​

​នាមសព្ទ​

​វត្ថុ​មាន​រង្វង់​មូល​គេ​ធ្វើ​ដោយ​ដែក​, ដោយ​លោហជាតិ​ផ្សេងៗ មាន​ស្ពាន់​ជាដើម ឬ ដោយ​ប្រាក់ . . . មាន​សណ្ឋាន​ជាមៀន​សម្រាប់​ដាក់​ស្រោប​ដង​អ្វីៗ​
​ចង្កំដងកាំបិត​, ចង្កំចុងដំបង . . . ។​

​មៀន​

​នាមសព្ទ​

​ចង្កំ​វែង​ស្រោប​គល់​ដងកាំបិត ឬ​ផ្គាក់​ជាដើម ឲ្យ​ជាប់​មាំ ត្រង់​អ​ន្សា​
​មៀនកាំបិត ។​

​នាមសព្ទ​

​ឈ្មោះ​ឈើ​មួយ​ប្រភេទ ជា​ដំណាំ​ស្រុក ផ្លែ​មូលៗ ទំហំ​ខ្នាត​មេដៃ វេលា​ទុំ​មាន​ក្លិន​សាច់​ក្រអូប មាន​រសផ្អែម ប្រើ​ជា​បង្អែម​
​បបរមៀន ( បបរ​ដែល​លាយ​សាច់​ផ្លែ​មៀន ) ។​
​មៀនព្រៃ ឈ្មោះ​ឈើ​មួយ​ប្រភេទ ស្លឹក​ធំ​ជាង​មៀន តែ​ផ្លែ​តូច​ជាង សាច់​ស្ដើង ក្លិនក្រអូប​ស្រដៀង​នឹងមៀន​ដែរ ។​

​ចង្កុលណី​

(​ចង់​-​កុល​-​ល៉ៈ​ណី​)

​នាមសព្ទ​

​ឈ្មោះ​វារិជជាតិ​មួយ​ប្រភេទ ពួក​ឈូក​, មាន​កេសរផ្កា​ច្រើន​ស្រទាប់​, ផ្កា​បែក​ជា​ខ្នែង​ត​ពីគ្នា​ជា​បី ឬ ជា​បួន​ទៅទៀត​ក៏មាន ។​

​ចង្កូមស្កា​

​នាមសព្ទ​

​រុក្ខជាតិ​មួយ​ប្រភេទ​ដើម​តូច ស្លឹក​មូល​ជម មាន​បន្លា​តូច​វែងៗ ស្លឹក​ប្រើ​ជា​បន្លែ​ស្ល​កកូរ​បាន ។​

​ចង្កួយ​

​នាមសព្ទ​

​រំពាស់​, ចុង ដូច​យ៉ាង​រំពាស់​ធ្នូ ឬ ចុង​ស្មា ចុង​កែងដៃ ជាដើម​
​ចង្កួយធ្នូ​, ចង្កួយស្មា​, ចង្កួយដៃ ។​

ទីតាំងផ្សាយពាណិជ្ជកម្ម

- Advertisment -

Most Popular