Home ព័ត៌មានសំខាន់ៗ ផ្ទុះ​ការតវ៉ា...

ផ្ទុះ​ការតវ៉ា​បន្ទាប់ពី​ចាប់​ផ្សឹក​ព្រះចៅអធិការ​វត្ត​ដំរី​ផុង​

ដោយ​:​សុខុម​/​ស្ទឹងត្រែង​:គណៈកម្មការ​ព្រះ​មេគណ​ខេត្ត ,​មន្ទីរ​ធម្មការ​បាន​ផ្សិត​ព្រះចៅអធិការ​វត្ត​ដំរី​ផុង​ឃុំ​កោះ​សំពាយ​ស្រុក​សៀម​បូក កាលពី​ថ្ងៃទី​២​ខែមីនា​ម្សិលមិញ​។​លុះដល់​ព្រឹក​ថ្ងៃទី​៣​ខែមីនា​ពុទ្ធបរិស័ទ​អតីត​ព្រះចៅអធិការ​វត្ត​ដំរី​ផុង​បាននាំគ្នា​មក​តវ៉ា​ទាមទារ​រក​យុត្តិធម៌​នៅមុខ​សាលាខេត្ត​ស្ទឹងត្រែង​។ប៉ុន្តែទន្ទឹមនេះ​រដ្ឋបាលខេត្តបាលចេញសេចក្តីប្រកាសដែលបង្ហាញពីកំហុសរបស់អតីតចៅអធិការរូបនេះផងដែរ។

អតីតព្រះចៅអធិការ​ព្រះនាម​រុំ ជឿន​វត្ត​វត្ត​មហា​សែន​ជ័យ​សិរី​មាន​រិ​ទ្ធិ​(​ហៅ​វត្ត​ដំរី​ផុង​)​និងក្រុមអ្នកតវ៉ា

គួររំលឹកថា​ថ្ងៃទី​២៨​ខែកុម្ភៈ​កន្លងទៅ​ថ្មី​នេះ​គណៈកម្មការ​អាចារ្យវត្ត​រួម​និង​ពុទ្ធបរិស័ទ​ចំណុះជើងវត្ត​ទាំងមូល​បាននាំគ្នា​មក​ប្រមូលផ្តុំ​នៅក្នុង​វត្ត​មហា​សែន​ជ័យ សិរី​មាន​រិ​ទ្ធិ​ហៅ​វត្ត​ដំរី​ផុង ដើម្បី​ស្នើសុំ​ទៅដល់​សម្តេចព្រះ​សង្ឃនាយក ព្រះ​មេគណ​ខេត្ត មន្ទីរ​ធម្មការ​ខេត្ត និង​អាជ្ញា​ធរមាន​សមត្ថកិច្ច បើក​ការ​ស៊ើប​អ​ងេ្ក​ត​ស្រាវជ្រាវ​ករណី​បណ្ដឹង​ចោទប្រកាន់ថា ព្រះចៅអធិការ​វត្ត​ដំរី​ផុង​ប្រព្រឹត្ត​ខុសបី ព្រះ​វិន័យ​សង្ឃ​។​ប៉ុន្តែ​ទោះជា​មានការ​តវ៉ា​ដូចនេះ​ក្តី​ក៏​ការ​ផ្សឹក​ព្រះចៅអធិការ​វត្ត​អង្គន​នេះ​នៅតែ​ដំណើរការ​ដដែល​។​

​អាជ្ញាធរ​ភូមិ ឃុំ ស្រុក​បាន​ចោទប្រកាន់​ទៅលើ​ព្រះចៅអធិការ​ព្រះនាម​រុំ ជឿន​វត្ត​វត្ត​មហា​សែន​ជ័យ​សិរី​មាន​រិ​ទ្ធិ​(​ហៅ​វត្ត​ដំរី​ផុង​)​ស្ថិតក្នុង ភូមិ​ដំរី​ផុង ឃុំ​កោះ​សំពាយ លើ​ចំណុច​ជាច្រើន​។​

អតីតព្រះចៅអធិការ​ព្រះនាម​រុំ ជឿន​វត្ត​វត្ត​មហា​សែន​ជ័យ​សិរី​មាន​រិ​ទ្ធិ​(​ហៅ​វត្ត​ដំរី​ផុង​)​

​អតីត​ព្រះចៅអធិការ​វត្ត​ដំរី​ផុង​ព្រះនាម​រុំ​ជឿន បាន​បញ្ជាក់ថា​ព្រះអង្គ​គង់នៅ​វត្ត​ពោធិ​អង្គ​សេរី​វង្ស​ក្នុងស្រុក​ចំការលើ ខេត្តកំពង់ចាម​។​តែ​ដោយមាន​ការមូល​មតិ​ជា​ឯកច្ឆ័ន្ទ​ពី​គណ​:​កម្ម​ការ​អាចារ្យវត្ត​ពុទ្ធបរិស័ទ​ចំណុះជើងវត្ត​និង​មាន​អាជ្ញាធរ​បញ្ជាក់​លិខិតស្នាម​ទទួលស្គាល់​ត្រឹមត្រូវ ទើប​ព្រះអង្គ​និមន្ត​មក​គង់​ចាំ​វស្សា​ហៅ​វត្ត​ដំរី​ផុង​តាំងពី​ឆ្នាំ​២០១៩ រហូតមកដល់​បច្ចុប្បន្ន​។​

អតីត​ចៅអធិការ​វត្ត​បានលើកឡើង​នៅ​ព្រឹក​ថ្ងៃទី​៣​ខែមីនា​នៅពេល​ជួបជុំ​ជាមួយ​ពុទ្ធបរិស័ទ​ចំណុះជើងវត្ត​មុខ​សាលាខេត្ត​ស្ទឹងត្រែង​ថា​អាជ្ញាធរ​រួមគំនិត​គ្នា​ប្តឹង​ចោទថា​ទី​១​មាន​ស្រី​,​ទី​២.​លក់​ដី​វត្ត​យកលុយ​ចែកគ្នា​និង​ទី​៣.​លក់​ដី​សាលាឆទាន​ចាស់​យក​ធ្វើ​មាន​ធ្វើ​បានដាក់​ធនាគារ​។ អតីត​ព្រះចៅអធិការ​វត្ត​ដដែល​បាន​អះអាងថា​ព្រះអង្គ​ពុំបាន​ប្រព្រឹត្តិ​ដូច​ការប្តឹង​ចោទ​ពី​អាជ្ញាធរ​ខាងលើ​នោះឡើយ ។​នេះ​ជា​លេស​មានគំនិត​បំបែកបំបាក់​សង្ឃ​តែប៉ុណ្ណោះ​។​

អ្នកស្រី​ហាក់​សុខឿន​មេភូមិ​ដំរី​ផុង​បាន​ប្រាប់​កាលពី​ថ្ងៃទី​១​ខែមីនា​ថា​កាលពី​ដើមឡើយ​នៅ​ភូមិ​ដំរី​ផុង​នេះ​ពុំមាន​ព្រះសង្ឃ​ទេ​។​ហេតុនេះ​ទើបបាន​ផ្តួចផ្តើម​មូលមតិ​គ្នា​ជាមួយ​ក្រុមប្រឹក្សាឃុំ​រួម​និង​ប្រជាពលរដ្ឋ​ជាច្រើន​គ្រួសារ​ទៅ​និមន្ត​ព្រះសង្ឃ​ព្រះនាម​រុំ ជឿន នៅឯ​ខេត្តកំពង់ចាម​មក​ធ្វើជា​ចៅអធិការ​វត្ត​មហា​សែន​ជ័យ​សិរី​មាន​រិ​ទ្ធ​ស្ថិតនៅ​ភូមិ​ដំរី​ផុង​ឃុំ​កោះ​សំពាយ​។​លោក​បានមក​គង់​តាម​ការ​និមន្ត​របស់​ពុទ្ធបរិស័ទ​ចំណុះជើងវត្ត និង​អាជ្ញាធរ​មូលដ្ឋាន​។ រយៈពេល​ព្រះអង្គ​មក​គង់នៅ​វត្ត​ថ្មី លោក​ក៏បាន​កសាង​វត្ត​អារាម​នៅទីនេះ ចាប់​តាំង​ឆ្នាំ​២០១៩ រហូតមកដល់​ឆ្នាំ​២០២១​នេះ ក៏មាន​រកាំរ​កុះ​ចោទប្រកាន់ថា លោក​ខុស​វិន័យ​សង្ឃ​យ៉ាងណា​នោះ អ្នកស្រី​ក៏​មិនដឹង​ច្បាស់​ដែរ គ្រាន់តែ​ដឹងថា​អ្នកស្រី​បាន​ទៅ​និមន្ត​លោក​មកពី​ខេត្តកំពង់ចាម​ពិត​ប្រាក​មែន​។ ត្រង់​រឿង​អីៗ​ផ្សេងៗ​ទៀត អ្នកស្រី​មិនដឹង​ទេ​។​

អតីតព្រះចៅអធិការ​ព្រះនាម​រុំ ជឿន​វត្ត​វត្ត​មហា​សែន​ជ័យ​សិរី​មាន​រិ​ទ្ធិ​(​ហៅ​វត្ត​ដំរី​ផុង​)​

លោក សួយ ខាំ​វៀន មេឃុំ​កោះ​សំពាយ​បាន​ប្រាប់ថា រឿងរ៉ាវ​អធិការ​វត្ត មហា​សែន​ជ័យ សិរី​មាន​រិ​ទ្ធ​នេះ​ថា​មាន​កំហុស​វិន័យ​សង្ឃ យ៉ាងណា​នោះ​លោក​ក៏​មិនសូវ​ដឹង​ច្បាស់​ដែរ​។ បើ​ចង់ដឹង​ច្បាស់លាស់​ទាល់តែ​សួរ​ទៅ​អភិបាលស្រុក​សៀម​បូក​ទៅ​ដឹង​ហើយ​។

​ចំណែក​លោក ថោង ស្រា​ន់ អភិបាលស្រុក​សៀម​បូក​បានបញ្ជាក់​ប្រាប់ថា បញ្ហា​លោក រុំ ជឿន ដែលជា​ចៅអធិការ​វត្ត​មហា​សែន​ជ័យ សិរី​មាន​រិ​ទ្ធ នោះ​កំហុស​របស់លោក​មាន​ច្រើន ដែល​មិនអាច​វាចា​បានទេ​។ បើ​ចង់បាន​ព័ត៌មាន​ច្បាស់លាស់​គ្រប់​ជ្រុងជ្រោយ​ទាល់តែ ទាក់ទង​សួរ​ទៅ​ព្រះអង្គ នូ ចាន់ថា ព្រះ​មេគណ​ខេត្ត​ជា​អ្នកគ្រប់គ្រង​ព្រះសង្ឃ​នៅក្នុង​ខេត្ត​សឹ្ទ​ង​ត្រែង​ទាំងមូល​នោះ​ទៅ​ដឹង​ពី​កំហុស លោក​នោះ​ហើយ ។​

ព្រះ​តេជគុណ នូ ចាន់ថា ព្រះ​មេគណ​ខេត្ត​មាន​ថេរៈ​ដីកា​ថា​: ករណី​លោក​រុំ ជឿន ចៅអធិការ​វត្ត មហា​សែន​ជ័យ សិរី​មាន​រិ​ទ្ធ នោះ​គឺ​លោក​អភិបាលស្រុក​សៀម​បូក លោក ថោង ស្រា​ន់ ហើយ​និង​អាជ្ញាធរ​ជា​មូលដ្ឋាន​បី​ទៅ​បួន​នាក់​បាននាំគ្នា​មកប្តឹង​ចៅអធិការ​វត្ត មហា​សែន​ជ័យ សិរី​មាន​រិ​ទ្ធ ថា​លោក​មាន​ស្រី លក់​ដី និង​លក់​សាលាឆាន់ និង​យក​ដី​វត្ត​ទៅ​ដាក់​ធនាគារ​ទៀតផង​។

ពុទ្ធ​បរិ​ស័​ទ្ធ​ចំណុះជើងវត្ត និង​គណ​:​កម្ម​ការ​វត្ត​មហា​សែន​ជ័យ សិរី​មាន​រិ​ទ្ធិ​(​ហៅ​វត្ត​ដំរី​ផុង​) បាន​សម្តែង​នូវ​ការមិន​ពេញចិត្ត ទៅលើ​អាជ្ញាធរ​ភូមិ ឃុំ ស្រុក​សៀម​បូក បានរួម​គំនិត​គ្នា​ប្តឹង​មួលបង្កាច់​បណ្តេញ​ព្រះចៅអធិការ​វត្ត​ដំរី​ផុង ចេញពី​វត្ត​ដោយ​គ្មាន​មូលដ្ឋាន និង​វត្ថុតាង​ច្បាស់លាស់​ដើម្បី​ដាក់បន្ទុក​នោះឡើយ​។​ពួកគាត់​សូម​ឲ្យ​អាជ្ញាធរ​បើក​ការស៊ើបអង្កេត​ឡើងវិញ​៕​សរន​

អតីតព្រះចៅអធិការ​ព្រះនាម​រុំ ជឿន​វត្ត​វត្ត​មហា​សែន​ជ័យ​សិរី​មាន​រិ​ទ្ធិ​(​ហៅ​វត្ត​ដំរី​ផុង​)​

ទីតាំងផ្សាយពាណិជ្ជកម្ម

- Advertisment -

Most Popular