សហភាព​សហព័ន្ធ​យុវជន​កម្ពុជា និង​វើ​ល​ប្រ៊ី​ដ គ្រុប សហការគ្នា​បណ្តុះបណ្តាល​ជំនាញ​និង​ផ្តល់ឱកាស​ការងារ​ដល់​យុវជន​

ដោយ​: សុផល / ភ្នំពេញ​: សហភាព​សហព័ន្ធ​យុវជន​កម្ពុជា (​ស​.​ស​.​យ​.​ក​.) និង​ក្រុមហ៊ុន​វើ​ល​ប្រ៊ី​ដ​គ្រុប (World Bridge Group) នា​រសៀល​ថ្ងៃទី​០៤ ខែមីនា ឆ្នាំ​២០២១ បាន​ចុះហត្ថលេខា​លើ​អនុស្សរណៈ​យោគយល់​ស្តីពី​កិច្ចសហប្រតិបត្តិការ​លើ​ការបណ្តុះបណ្តាល​យុវជន និង​ការផ្តល់​ឱកាស​ការងារ ក្រោម​អធិបតីភាព លោក​ហ៊ុន ម៉ា​នី ប្រធាន​សហភាព​សហព័ន្ធ​យុវជន​កម្ពុជា និង អ្នកឧកញ៉ា សៀ ឬ​ទ្ធី ប្រធាន​ក្រុមប្រឹក្សាភិបាល​ក្រុមហ៊ុន​វើ​ល​ប្រ៊ី​ដ គ្រុប​។

​គោលបំណង​នៃ​ការចុះ​អនុស្សរណៈ​យោគយល់​ស្តីពី​កិច្ចសហប្រតិបត្តិការ​លើ​ការបណ្តុះបណ្តាល​យុវជន​និង​ការផ្តល់​ឱកាស​ការងារ​នេះ​គឺ​ដើម្បី​អនុញ្ញាតឱ្យ​ស្ថាប័ន​ទាំងពីរ​សហការគ្នា ក្នុងការ​ផ្តល់ឱកាស​កា​រងារ និង​ការបណ្តុះបណ្តាល​ជំនាញ​នានា​ដល់​យុវជន​ដើម្បី​ឈានឆ្ពោះ​ទៅកាន់​អាជីព​ការងារ​ជាក់លាក់​មួយ​។​ទន្ទឹមនេះ​ដោយ​យល់ឃើញ​ពី​តួនាទី និង​ការចូលរួម​ដ៏​សំខាន់​របស់​យុវជន​ក្នុង​ការជំរុញ​ការអភិវឌ្ឍ​សង្គមជាតិ​ការចុះ​អនុស្សរណៈ​យោគយល់​នេះ​ទៀតសោត​នឹង​ផ្ដល់​ជា​វេទិកា​ចែករំលែក​បទពិសោធន៍​ក៏ដូចជា​ចំណេះដឹង​ល្អៗ ដើម្បី​ជាការ​បំផុសគំនិត​ដល់​យុវជន​ក្នុងការ​អភិវឌ្ឍ​ខ្លួន និង​ជា​ជំនួយស្មារតី​សម្រាប់​ការត្រៀមខ្លួន​ក្នុងការ​អនុវត្ត​ការងារ​ជាក់ស្ដែង ។​

​សូម​ជម្រាបជូន​ផងដែរ​ថា​ដោយ​ឈរលើ​ទស្សនៈ​ថា​«​យុវជន​គឺជា​ទំពាំង​ស្នង​ឬ​ស្សី​និង​ជា​ធនធាន​សម្រាប់​ការអភិវឌ្ឍ​កម្ពុជា​នាពេលនេះ​និង​ទៅ​អនាគត​»​សហភាព​សហព័ន្ធ​យុវជន​កម្ពុជា បាន និង​កំពុង​បំពេញការងារ​យ៉ាងសកម្ម​លើ​កិច្ចការ​លើកកម្ពស់​សម​ត្ថ​ភាព​យុវជន និង​អភិវឌ្ឍ​ធនធានមនុស្ស​ដោយ​សម្រេច​បាន​នូវ​ការងារ​ជាអាទិ៍​រួមមាន​៖ (១) ការផ្តល់​ឱកាស​ឱ្យ​យុវជន​អាច​ចូលរួម​ក្នុង​សកម្មភាព​សង្គម (២)​ការ​បង្កើតជា​វេទិកា​និង​កម្មវិធី​បណ្តុះបណ្តាល​ផ្សេងៗ​ដែល​ផ្ដល់​ជា​ប្រយោជន៍​ជូន​ដល់​យុវជន​ដើម្បី​អភិវឌ្ឍ​សមត្ថភាព ទាំង​ផ្នែក​កាយសម្បទា ចំណេះដឹង និង​ស្មារតី (៣) ការរៀបចំ​វគ្គ​បំប៉ន​សម្រាប់​សិស្ស​ថ្នាក់​ទី​១២ និង​(៤)​ការចូលរួម​ជាមួយរ​ដ្ឋា​ភិ​បាល​ក្នុង​កំណែទម្រង់​ប្រព័ន្ធ​អប់រំ ដោយ​ផ្តោតលើ​ការងារ​សង្កេតការណ៍​ប្រឡង​មធ្យមសិក្សា​ទុតិយភូមិ​។ ជាមួយគ្នា​នោះ ពាក់ព័ន្ធ​នឹង​ការបណ្តុះបណ្តាល​យុវជន និង​ការផ្តល់​ឱកាស​ការងារ ស​.​ស​.​យ​.​ក​. បាន​យកចិត្តទុកដាក់​ក្នុងការ​គៀរគរ និង​ស្វែងរក​កម្មវិធី​អាហារូបករណ៍​ទាំង​ក្នុង​និង​ក្រៅប្រទេស សម្រាប់​ផ្តល់ជូន​ដល់​យុវជន​ជា​សិស្សានុសិស្ស និង​និស្សិត​ជា​បន្តបន្ទាប់​រៀងរាល់ឆ្នាំ​។

​ដោយឡែក សម្រាប់​ក្រុមហ៊ុន​វើ​ល​ប្រ៊ី​ដ​គ្រុប គឺជា​ក្រុមហ៊ុន​ធំ​មួយ​នៅក្នុង​ប្រទេស​កម្ពុជា​ដែល​កំពុង​ប្រតិបត្តិការ​អាជីវកម្មរ​បស់​ខ្លួន​លើ​វិស័យ​ដែលមាន​សក្តានុពល ដូចជា​វិស័យ​ដឹកជញ្ជូន សំណង់ អចលនទ្រព្យ ហិរញ្ញវត្ថុ ចំណីអាហារ និង​ភេសជ្ជៈ សេវា​បញ្ចាំ សេវា Outsourcing និង e-commerce​។ កន្លងមក ក្រុមហ៊ុន​វើ​ល​ប្រ៊ី​ដ​គ្រុប ធ្លាប់បាន​បើកឱកាស​ដល់​យុវជន យុវនារី ឱ្យ​ចូលរួម​ក្នុង​កម្មវិធី​ហ្វឹកហាត់​ការងារ​ពិសេស​មួយ (Management Trainee Program) ដែលមាន​រយៈពេល​២​ឆ្នាំ សម្រាប់​សិក្ខាកាម​អភិវឌ្ឍ ចំណេះដឹង ជំនាញ​របស់ខ្លួន​តាម​រយៈ​ការហ្វឹកហាត់​ការងារ​ពេញ​ម៉ោង​រយៈពេល​២​ឆ្នាំ ដើម្បី​ក្លាយជា​អនាគត​អ្នកដឹកនាំ​។​

​តាមរយៈ​កិច្ចសហការ​រវាង សហភាព​សហព័ន្ធ​យុវជន​កម្ពុជា និង​ក្រុមហ៊ុន​វើ​ល​ប្រ៊ី​ដ​គ្រុប នេះ មិន​ត្រឹមតែ​បានផ្ដល់​ឱកាស​ដល់​យុវជន​កម្ពុជា​ក្នុងការ​ស្វែងរក​បទពិសោធ​ន៍​ការងារ​ផ្សេងៗ​នោះទេ ប៉ុន្តែ​ក៏​នឹង​ជំរុញ​ដល់​ការទំនាក់ទំនង​រវាង​ស្ថាប័ន​ទាំងពីរ​ឱ្យ​កាន់​តែមាន​ភាព​ស្អិតរ​មួ​ត និង​រឹងមាំ​ផងដែរ​៕​

ទីតាំងផ្សាយពាណិជ្ជកម្ម

- Advertisment -

Most Popular