Home ព័ត៌មានសំខាន់ៗ កសិករ​ទទួលបាន...

កសិករ​ទទួលបាន​ចំណូល​ជាង​៧៨​លាន​ដុល្លារ​ពី​ការជួយ​អន្តរាគមន៍​ផ្តល់​ពូជស្រូវ​ពី​ប្រមុខ​រាជរដ្ឋាភិបាល​

ដោយៈ​ពៅ​និមល​/​ភ្នំពេញៈ​លោក​រដ្ឋមន្ត្រី​ក្រសួងកសិកម្ម​រុក្ខាប្រមាញ់​និង​នេសាទ​វេ​ង សាខុន​បានបង្ហាញ​នូវ​ការ​គណនា​មួយ​ថា ប្រាក់ចំណូល​សរុប​ដែល​ទទួលបាន​ពី​ការលក់​ស្រូវ​របស់​ប្រជាកសិករ​ដែល​បានមកពី​​គ្រាប់​ពូជស្រូវ​អន្តរាគមន៍​របស់់សម្តេច​តេ​ជោ នាយករដ្ឋមន្ត្រី​គឺអាច​មាន​ចំនួន​ប្រមាណ​ជាង​៧៨​លាន​ដុល្លារ​អាម៉េរិក​ខណៈដែល​គ្រាប់ពូជ​ទាំងនេះ​រដ្ឋាភិបាល​ចំណាយ​លើ​ការទិញ​និង​ដឹកជញ្ជូន​ចំណាយ​ត្រឹមតែ​ជាង​៤​លាន​ដុល្លារ​។​

កសិករ​ទទួលបាន​ចំណូល​ជាង​៧៨​លាន​ដុល្លារ​ពី​ការជួយ​អន្តរាគមន៍​ផ្តល់​ពូជស្រូវ​ពី​ប្រមុខ​រាជរដ្ឋាភិបាល​(រូបថតហ្វេសប៊ុកលោក វេង សាខុន)

​លោក​រដ្ឋមន្ត្រី​បាន​សរសេរ​នៅក្នុង​ហ្វេ​ស​ប៊ុ​ក​ផ្ទាល់ខ្លួន​ថា​ព្រះរាជាណាចក្រ​កម្ពុជា​នៅក្នុង​ឆ្នាំ​២០២០​កន្លង​ទៅបាន​ជួបប្រទះ​នឹង​គ្រោះធម្មជាតិ​ចំនួន​ពីរដង​។ គឺ​គ្រោះរាំងស្ងួត​ដើមរដូវ​វស្សា និង​គ្រោះ​ជំនន់​ទឹកភ្លៀង​នៅ​ចុងរដូវ​វស្សា​ដែល​ធ្វើឱ្យប៉ះពាល់​ដល់​ផ្ទៃដី​ដាំ​ដុះ​ដំណាំ កសិកម្ម​ប្រមាណ​ជា ៥៦០ ០០០ ហិកតា​។ ជាពិសេស​ដំណាំ​ស្រូវ​បាន​ប៉ះពាល់​សរុប​ចំនួន ៤៤៩ ៧៩៧​ហិកតា​ដែល​ក្នុងនោះ ខូចខាត​ទាំងស្រុង​ចំនួន ១៥៤ ៣២៨ ហិកតា ស្ថិតនៅក្នុង​១៩​ខេត្ត​។

​លោក​បន្តថា​ដើម្បី​ចូលរួម​រំលែក​ទុក្ខលំបាក​របស់​ប្រជាកសិករ​និង​ក្នុង​គោលបំណង​ជំរុញ​ផលិតកម្ម​ស្បៀង​បន្ទាប់ពី​ទទួលរង​គ្រោះទឹកជំនន់ សម្តេច​តេ​ជោ​បាន​ដាក់ចេញ​បទបញ្ជា​ឲ្យ​បញ្ចេញ​គ្រាប់ពូជ​ស្រូវស្រាល​មិន​ប្រកាន់​រដូវ​ជាបន្ទាន់​បន្តបន្ទាប់ អស់​គ្រាប់​ពូជស្រូវ​ចំនួន ៦ ៥៧៦ តោន ដើម្បី​អន្តរាគមន៍​ចែកជូន​ដល់​គ្រួសារ​កសិករ​ចំនួន ៦៩ ៨១៦​គ្រួសារ​សម្រាប់ធ្វើ​ការស្តា​រ​ដំណាំ​ស្រូវ​ឡើងវិញ​លើ​ផ្ទៃដី ប្រមាណ ៦៥ ៧៦០​ហិកតា​។ ដោយមាន​កិច្ចសហការ​យ៉ាង​ជិតស្និទ្ធ​ជាមួយ​គណៈកម្មាធិការ​ជាតិ​គ្រប់គ្រង​គ្រោះមហន្តរាយ ស្ថាប័ន​ពាក់ព័ន្ធ និង​អាជ្ញាធរ​មូលដ្ឋាន​ដី​គ្រប់​លំដាប់ថ្នាក់ បានធ្វើ​អន្តរាគមន៍​ផ្តល់​គ្រាប់​ពូជស្រូវ​ជូន​កសិករ​ធ្វើការ​ស្តា​រលើ​ការដាំដុះ​ឡើង វិញ​បាន​ទាន់ពេលវេលា ហើយ​បាន​ប្រព្រឹត្ត​ទៅដោយ​រលូន​។

កសិករ​ទទួលបាន​ចំណូល​ជាង​៧៨​លាន​ដុល្លារ​ពី​ការជួយ​អន្តរាគមន៍​ផ្តល់​ពូជស្រូវ​ពី​ប្រមុខ​រាជរដ្ឋាភិបាល​(រូបថតហ្វេសប៊ុកលោក វេង សាខុន)

​លោក​រដ្ឋមន្ត្រី​បាន​បន្ត​នូវ​ការ​គន់គូរ​បែប​គណិតវិទ្យា​ថា​តាម​ការ​គណនា​ការចំណាយ​សម្រាប់​ទិញ​គ្រាប់ពូជ​ស្រូវ​និង​ការដឹកជញ្ជូន​គ្រាប់ពូជ​សម្រាប់​ចែក​កសិករ​អស់​ថវិកា​ប្រមាណ​៤,៥៣​លាន​ដុល្លារ​ក្នុងការ​ឆ្លើយតប​ទៅនឹង​អនុសាសន៍​ដ៏​ខ្ពង់ខ្ពស់​ពី​សំណាក់​សម្តេច​តេ​ជោ​នាយករដ្ឋមន្ត្រី​ក្នុង​ការស្តារ​ការខូចខាត​ដំណាំ​ស្រូវ​ឡើងវិញ​ក្រោយ​ទឹកជំនន់​បានចាប់ផ្តើម​ពី​ដើមខែ​វិច្ឆិកា រហូតដល់​ដើមខែ​ធ្នូ ឆ្នាំ​២០២០​។ លទ្ធផល​នៃ​ការ​ស្តារឡើងវិញ​មកដល់ពេលនេះ​គឺ​បាន​ប្រមូល​ផល​បណ្តើរៗ និង​អាច​បញ្ចប់​នៅ​ដើមខែ​មេសា ឆ្នាំ​២០២១​ខាងមុខនេះ​។​តាមរយៈ​ការចុះពិនិត្យ​និង​វាយតម្លៃ​កន្លងមក​បានបញ្ជាក់​ឲ្យ​ដឹងថា​ស្ថានភាព​លូតលាស់​របស់​ដំណាំ​ស្រូវ​ដែល​បាន​ស្តារឡើងវិញ​ស្ទើ​តែ​ទាំងអស់​មានការ​លូតលាស់​បានល្អ​ប្រសើរ​ហើយ​នៅ​តំបន់​មួយចំនួន​ក៏បាន​ការប្រមូល​ផល​ស្រូវ​ជា​បណ្តើ​រហើយ​ដែរ រីឯ​ទិន្នផល​ស្រូវ​សើម​ដែល​ទទួលបាន​ពី ៣ ទៅ ៦,៥​តោន​ក្នុង​មួយ​ហិកតា (​មធ្យម ៤,៥​តោន​/​ហិកតា​) អាស្រ័យ​លើ​ស្ថានភាព​ដី និង​លទ្ធភាព​ផ្គត់ផ្គង់​ទឹក​សម្រាប់​ស្រោចស្រព​។ ចំពោះ​ទីផ្សារ​ស្រូវ​វិញ ឆ្នាំនេះ​កសិករ​សប្បាយចិត្ត ព្រោះ​តម្លៃ​ស្រូវ​ថ្លៃ​ជាង​រាល់​ឆ្នាំ គឺ​ពី​៩៥០ ដល់ ១ ១០០​រៀល​ក្នុង​គីឡូក្រាម​។
​លោក​បន្តថា​”​តាម​ការ​គណនា​ប្រាក់ចំណូល​សរុប​ដែល​ទទួលបាន​ពី​ការលក់​ស្រូវ​របស់​ប្រជាកសិករ​ដែល​មក​ទទួល​គ្រាប់​ពូជស្រូវ​អន្តរាគមន៍​ពី សម្តេច​តេ​ជោ​នាយករដ្ឋមន្ត្រី គឺអាច​មាន​ចំនួន​ប្រមាណ​ជាង ៧៨ លាន​ដុល្លារ​អាម៉េរិក​”៕​សរន​

កសិករ​ទទួលបាន​ចំណូល​ជាង​៧៨​លាន​ដុល្លារ​ពី​ការជួយ​អន្តរាគមន៍​ផ្តល់​ពូជស្រូវ​ពី​ប្រមុខ​រាជរដ្ឋាភិបាល​(រូបថតហ្វេសប៊ុកលោក វេង សាខុន) កសិករ​ទទួលបាន​ចំណូល​ជាង​៧៨​លាន​ដុល្លារ​ពី​ការជួយ​អន្តរាគមន៍​ផ្តល់​ពូជស្រូវ​ពី​ប្រមុខ​រាជរដ្ឋាភិបាល​(រូបថតហ្វេសប៊ុកលោក វេង សាខុន) កសិករ​ទទួលបាន​ចំណូល​ជាង​៧៨​លាន​ដុល្លារ​ពី​ការជួយ​អន្តរាគមន៍​ផ្តល់​ពូជស្រូវ​ពី​ប្រមុខ​រាជរដ្ឋាភិបាល​(រូបថតហ្វេសប៊ុកលោក វេង សាខុន)

កសិករ​ទទួលបាន​ចំណូល​ជាង​៧៨​លាន​ដុល្លារ​ពី​ការជួយ​អន្តរាគមន៍​ផ្តល់​ពូជស្រូវ​ពី​ប្រមុខ​រាជរដ្ឋាភិបាល​(រូបថតហ្វេសប៊ុកលោក វេង សាខុន)

ទីតាំងផ្សាយពាណិជ្ជកម្ម

Previous articleរដ្ឋបាលខេត្ត​ព្រះសីហនុ ប្រកាសផ្អាកការធ្វើ​អាជីវកម្ម ដឹកជញ្ជូន​អ្នកដំណើរ​ចេញ ចូល​ខេត្ត​ព្រះសីហនុ មួយរយៈ តែ​លើកលែង ចំពោះ​រថយន្ត​ដឹកទំនិញ ដោយមាន​អ្នកបើកបរ តែ​ពីរ​នាក់ និង​រថយន្ត​សង្គ្រោះបន្ទាន់​។​
Next articleលោក​រដ្ឋមន្ត្រី​ក្រសួងកសិកម្ម​​វេ​ង សាខុន​បានបង្ហាញ​នូវ​ការ​គណនា​មួយ​ថា ប្រាក់ចំណូល​សរុប​ដែល​ទទួលបាន​ពី​ការលក់​ស្រូវ​របស់​ប្រជាកសិករ​ដែល​បានមកពី​​គ្រាប់​ពូជស្រូវ​អន្តរាគមន៍​របស់់សម្តេច​តេ​ជោ នាយករដ្ឋមន្ត្រី​គឺអាច​មាន​ចំនួន​ប្រមាណ​ជាង​៧៨​លាន​ដុល្លារ​អាម៉េរិក​ខណៈដែល​គ្រាប់ពូជ​ទាំងនេះ​រដ្ឋាភិបាល​ចំណាយ​លើ​ការទិញ​និង​ដឹកជញ្ជូន​ចំណាយ​ត្រឹមតែ​ជាង​៤​លាន​ដុល្លារ​។​
- Advertisment -

Most Popular