ដោយៈ ប​.​ជ័យ / បន្ទាយ​មាន​ជ័​យៈ នគរបាលព្រហ្មទ័ណ្ឌនៃស្នងការដ្ឋានខេត្តបន្ទាយមានជ័យសហការនឹងខេត្តសៀ មរាប កាលពីម៉ោងជាង៩យប់ថ្ងៃទី៤ ខែមីនា ឆ្នាំ២០២១ ចាប់បានជនសង្ស័យម្នាក់ករណីរំលោភ សម្លាប់ ប្លន់យកទ្រព្យដោយអារ ក នារីស្រស់ស្អាតវ័យក្មេងម្នាក់ ដែលជាបុគ្គលិកកាសុីណូមួយនៅនៅក្រុងប៉ោយប៉ែត។

លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យប្រាបកាសែតរស្មីកម្ពុជាកាលពីយប់ថ្ងៃទី៤ខែមីនាឆ្នាំ២០២១ ថា រូបថតដែលរស្មីកម្ពុជាទទួលលបានពីសមត្ថកិច្ចនគរបាលជំនាញព្រហ្មទ័ណ្ឌ ហើយសូមបង្ហាញជូនប្រិយមិត្តអ្នកអាននេះ ជារូបជនសង្ស័យមែន ។ ប៉ុន្តែ លោកមិនប្រាប់បន្ថែមជាពិស្តារទេ ដោយហេតុថា សមត្ថកិច្ចនៅបន្តស្រាវជ្រាវរកជនពាក់ព័ន្ធសិន។ ហើយបើគ្មានអ្វីជាឧបសគ្គទេ នគរបាលខេត្តបន្ទាយមានជ័យនឹងផ្តល់ព័ត៌មានដល់សារព័ត៌មាននៅព្រឹកឬរសៀលថ្ងៃទី៥ ខែមីនា ឆ្នាំ២០២១ នេះ ។

សូមរំលឹកថា នារីរងគ្រោះបាន​ត្រូវ​ឃាតក អារ ក ចាក់លើដងខ្លួន ហើយយកអាវទ្រនាប់ចងដៃ ហើយបាន​ស្លាប់ ក្នុង​ថ្លុកឈាមនៅលើគ្រែពូកនៅក្នុង​បន្ទប់ផ្ទះជួល​មួយ ម្តុំ​គ្លីនិក​នគរ​រាជ្យ ស្ថិត​ក្នុងភូមិ​ក្បាលស្ពាន​១ សង្កាត់​ប៉ោយ ប៉ែត ក្រុង​ប៉ោយប៉ែត កាលពី​វេលាយប់ ថ្ងៃទី​២ ខែមីនា ឆ្នាំ​២០២១ ។​

 

​នារី​រងគ្រោះ ឈ្មោះ ហួន ស្រី អាយុ ២២ ឆ្នាំ ជា​បុគ្គលិកផ្នែក Slot Super Machine បម្រើ​ការងារ ក្នុង​កាស៊ីណូពូ​លី ម្តុំក្លឹប​នាគ​ទិព្វ​២ (​កាស៊ីណូ​ក្រៅ​ប្លុក កាស៊ីណូ​ចាស់ ដែល​ជនជាតិខ្មែរ អាច​ចូល​លេង​បាន ឬ​ហៅ​ក្រុម​កាស៊ីណូ​ខ្មែរ​)៕