Home ព័ត៌មានជាតិ សេដ្ឋកិច្ច ក្រសួង​សាធារណ...

ក្រសួង​សាធារណ​ការពិភាក្សា​អំពី​តម្លៃ​លេខ​ចុះបញ្ជី​ពិសេស​ផ្ទាល់ខ្លួន

​ដោយៈ ជា សីហៈ​/​ភ្នំពេញៈ នៅថ្ងៃនេះ លោក ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ​និង​ដឹកជញ្ជូន បាន​ដឹកនាំ​កិច្ចប្រជុំ​ពិនិត្យ​វឌ្ឍនភាព​ការងារ និង​ពិភាក្សា​លើ តម្លៃ​លេខ​ចុះបញ្ជី​ពិសេស​ផ្ទាល់ខ្លួន​របស់​គណៈកម្មកា​រ​អន្តរក្រសួង​គ្រប់គ្រង​ការលក់​លេខ​ចុះបញ្ជី រថយន្ត​។

​កិច្ចប្រជុំ​នេះ​ផ្តោតជាសំខាន់​លើ​ការពិភាក្សា​វឌ្ឍនភាព​ការងារ​ទាក់ទង​នឹង​ការគ្រប់គ្រង​ការចុះបញ្ជី​យានយន្ត និង​រូបមន្ត​កំណត់​តម្លៃ​លក់​លេខ​ពិសេស​ផ្ទាល់ខ្លួន​នៅក្នុង​ប្រព័ន្ធ​អន​ឡាញ សំដៅ​ធានាបាន នូវ​ការគ្រប់គ្រង និង​ការប្រមូល​ចំណូល​ថវិកាជាតិ​ឱ្យបាន​ច្រើនឡើង​ថែមទៀត​។

​លោក​ទេសរដ្ឋមន្ត្រី បាន​ជំរុញ​លើកទឹកចិត្ត​ឱ្យ​សមាជិក​សមាជិកា​គណៈកម្មកា​រ​អន្តរក្រសួង​ខិតខំ​ប្រឹងប្រែង​ចុះ​ផ្សព្វផ្សាយ​អំពី​ការលក់​លេខ​ពិសេស​ផ្ទាល់ខ្លួន​ទៅកាន់ បណ្ដា​ក្រុមហ៊ុន​ឯកជន​ធំៗ​នានា​ដែលមាន​បំណង​ចង់​ប្រើប្រាស់​លេខ​ពិសេស​ផ្ទាល់ខ្លួន ដើម្បី​កៀងគរ​ចំណូល​ថវិកាជាតិ​ឱ្យបាន​ច្រើន​ថែមទៀត​៕

ទីតាំងផ្សាយពាណិជ្ជកម្ម

- Advertisment -

Most Popular