Home ព័ត៌មានអន្តរជាតិ យោធា​មី​យ៉ាន់...

យោធា​មី​យ៉ាន់​ម៉ា​ទាមទារ​ឥណ្ឌា​អោយ​ប្រគល់​ប៉ូលិស​រត់ចោលជួរ នៅ​ពេល​ជន​ស៊ីវិល​មី​យ៉ាន់​ម៉ា​រាប់សិប​នាក់​រង់ចាំ​ចូល​ឥណ្ឌា​

​ប្រែ​សម្រួលៈ​វាសនា​/​ហ្គូ​វ៉ា​ហា​ទី​៖​អាជ្ញាធរ​មី​យ៉ាន់​ម៉ា​បាន​ស្នើសុំ​ឥណ្ឌា​អោយ​ប្រគល់​ខ្លួន​ប៉ូលិស​ជាច្រើន​នាក់ ដែល​បាន​ឆ្លង​ព្រំដែន​ទៅ​សុំ​ការ​ជ្រកកោន​នៅ​ឥណ្ឌា ដើម្បី​គេចវេះ​មិន​អនុវត្ត​បទបញ្ជា​យោធា​ដែល​​បាន​ដណ្តើម​អំណាច​ពី​រដ្ឋាភិបាល​ស៊ីវិល​កាលពី​ខែ​មុន នេះ​បើ​តាម​ការបញ្ជាក់​ពី​មន្ត្រី​ឥណ្ឌា​ម្នាក់​។​

​ប្រភព​ព័ត៌មាន​ឥណ្ឌា បានអោយដឹងថា ប៉ូលិស​មី​យ៉ាន់​ម៉ា​និង​សមាជិក​គ្រួសារ​របស់​គេ​ជាង​៤០​នាក់ បាន​ឆ្លង​ព្រំដែន​ចូល​ឥណ្ឌា​និង​សុំ​ការ​ជ្រកកោន​នៅ​ទី​នោះ​នៅ​ប៉ុន្មាន​ថ្ងៃ​មកនេះ នៅ​ពេល​កង​សន្តិ​​សុខ​មី​យ៉ាន់​ម៉ា​បង្កើន​ការបង្ក្រាប​លើ​អ្នក​ប្រឆាំង​នឹង​រដ្ឋប្រហា​រ​។​

​មន្ត្រី​ម្នាក់​បាន​ប្រាប់​សារព័ត៌មាន​បរទេស​កាល​ពី​ថ្ងៃ​សៅរ៍​ថា​ជនជាតិ​មី​យ៉ាន់​ម៉ា​៤៨​នាក់ រួម​មាន​ប៉ូលិស​៨​នាក់​បាន​ចូល​មក​ក្នង​រដ្ឋ មី​ហ្សូ​រ៉ាម របស់​ឥណ្ឌា​។​

​ក្នុងពេល​ជាមួយគ្នា មាន​សេចក្តីរាយការណ៍​ថា ជនជាតិ​មី​យ៉ាន់​ម៉ា​រាប់សិប​នាក់​កំពុង​រង់ចាំ​ត្រង់​ព្រំដែន​ជាប់​ឥណ្ឌា ដើម្បី​ឆ្លង​ព្រំដែន​ចូល​ទៅ​ឥណ្ឌា​ផងដែរ នៅពេល​សន្តិសុខ​ព្រំដែន​ឥណ្ឌា​បង្កើន​ការ​ល្បាត​​យាមកាម​មិនអោយ​មាន​ការឆ្លង​ព្រំដែន​។​

​មន្ត្រី​ឥណ្ឌា​ម្នាក់​បាន​និយាយថា យ៉ាងហោច​ណាស់​ជន​ស៊ីវិល​៨៥​នាក់ កំពុង​រង់ចាំ​ត្រង់​ព្រំដែន​ដើម្បី​ចូល​ឥណ្ឌា​។​

​សារព័ត៌មាន​ឥណ្ឌា​ក៏​បាន​រាយការណ៍​ថា អ្នក​ដែល​បាន​ភៀសខ្លួន​ចូល​ឥណ្ឌា​រួមមាន​ប៉ូលិស និង​មន្ត្រី​មូលដ្ឋាន​ដែល​មិន​ព្រម​អនុវត្ត​បទបញ្ជា​របស់​យោធា​៕

​មាន​ចលនា​ភៀសខ្លួន​ចេញ​នៅពេល​ក្នុងប្រទេស​កងកម្លាំង​សន្តិសុខ​បន្ត​បង្ក្រាប​ការប្រឆាំង​តវ៉ា​របស់​ប្រជាជន​

 

 

ទីតាំងផ្សាយពាណិជ្ជកម្ម

Previous article​សមាគម​អ្នកកាសែត​អាជីព​(SPJ)​បាន​អំពាវនាវ​អោយ​ដោះលែង​អ្នកកាសែត​នៃ​ទីភ្នាក់ងារ​សារព័ត៌មាន​AP លោក​ថេន ច​និង​អ្នកយក​ព័ត៌មាន​៥​នាក់​ទៀត​ដែល​ត្រូវ​​បាន​ចាប់ខ្លួន​ក្នុងពេល​យក​ព័ត៌មាន​អំពី​ការប្រឆាំង​តវ៉ា​នៅ​ក្នុង​ប្រទេស​អាស៊ី​អាគ្នេយ៍​មួយ​នេះ​។​
Next articleអាជ្ញាធរ​មី​យ៉ាន់​ម៉ា​បាន​ស្នើសុំ​ឥណ្ឌា​អោយ​ប្រគល់​ខ្លួន​ប៉ូលិស​ជាច្រើន​នាក់ ដែល​បាន​ឆ្លង​ព្រំដែន​ទៅ​សុំ​ការ​ជ្រកកោន​នៅ​ឥណ្ឌា ដើម្បី​គេចវេះ​មិន​អនុវត្ត​បទបញ្ជា​យោធា​។ ប៉ូលិស​មី​យ៉ាន់​ម៉ា​និង​សមាជិក​គ្រួសារ​របស់​គេ​ជាង​៤០​នាក់ បាន​ឆ្លង​ព្រំដែន​ចូល​ឥណ្ឌា​និង​សុំ​ការ​ជ្រកកោន​នៅ​ទី​នោះ​នៅ​ប៉ុន្មាន​ថ្ងៃ​មកនេះ។ជនជាតិ​មី​យ៉ាន់​ម៉ា​រាប់សិប​នាក់ក៏​កំពុង​រង់ចាំ​ត្រង់​ព្រំដែន​ជាប់​ឥណ្ឌា ដើម្បី​ឆ្លង​ព្រំដែន​ចូល​ទៅ​ឥណ្ឌា​ផងដែរ នៅពេល​សន្តិសុខ​ព្រំដែន​ឥណ្ឌា​បង្កើន​ការ​ល្បាត​​យាមកាម​មិនអោយ​មាន​ការឆ្លង​ព្រំដែន​។​
- Advertisment -

Most Popular