​ប្រែ​សម្រួលៈ​វាសនា​/​យ៉ាងហ្គោន​៖ អ្នក​ប្រឆាំង​តវ៉ា​នៅ​មី​យ៉ាន​ម៉ា បាន​សម្លឹង​ទៅ​រក​ខ្សែ​ស្នួ​ដើម្បី​ព្យួរ​សារុង​ស្ត្រី​កាត់​ទទឹង​ផ្លូវ ក្នុង​បំណង​រារាំង​បង្អាក់ ឬ​ពន្យឺត​ចលនា​របស់​ប៉ូលិស​និង​ទាហាន​ដោយសារតែ​​ប្រពៃណី​នៃ​ប្រទេស​នេះ ចាត់ទុក​ការដើរ​ក្រោម​ស្នួ​ហាល​សារុង​ស្ត្រី​នាំអោយ​បុរស​ស៊យ​ឬ ជួប​សំណាងអាក្រក់​។​

​ក្នុង​ការប្រឈមមុខ​ចុងក្រោយ​នេះ គេ​ឃើញ​សារុង​របស់​ស្ត្រី ឬ​ពេល​ខ្លះ​ខោស្លី​របស់​នារី ត្រូវបាន​ហាល​ឬ​ចង​ព្យួរ​នៅ​នឹង​ស្នួ​កាត់​ទទឹង​ផ្លូវ​។​

​អ្នក​ប្រឆាំង​តវ៉ា​អាយុ​២០​ឆ្នាំ​ម្នាក់​បាន​និយាយថា​« ហេតុផល​គឺថា ការព្យួរ​សារុង​កាត់​ផ្លូវ ដោយសារ​យើង​មានជំនឿថា បើ​បុរស​ណា​ឆ្លងកាត់​ក្រោម​វា វា​អាច​នាំ​ចង្រៃ​ដល់​អ្នក​នោះ​។​តែ​យុវជន​ជំនាន់​នេះ​មិន​​ជឿ​វា​ទេ តែ​ពួក​ទាហាន​នៅ​ជឿ ហើយ​នេះ​ជា​ចំណុចខ្សោយ​របស់​ពួកគេ​។​ធ្វើ​ដូចនេះ វា​ចំណេញ​ពេល​បើ​ពួកគេ​ធ្វើដំណើរ​មក​កាន់​ពួកយើង​ក្នុងករណី​អាសន្ន​»​។​

​រូបភាព​ក្នុង​វីដេអូ​បង្ហោះ​ក្នុង​បណ្តាញ​សង្គម បង្ហាញ​កងសន្តិសុខ​រុះរើ​ចោល​ស្នួ​កាត់​ទទឹង​ផ្លូវ មុន​ពេល​ពួកគេ​ធ្វើដំណើរ​ទៅ​មុខ​។​

​ជំនឿ​តាម​ប្រពៃណី​ភូមា បុរស​ណា​ដើរ​ក្រោម​សារុង ខោ​លី​អូ​ឬ​អាវទ្រនាប់​ស្ត្រី​ដែល​ប្រើ​ហើយ វា​មិន​ត្រឹមតែ​នាំមក​សំណាងអាក្រក់​តែ​ធ្វើ​អោយ​បុរស​នោះ​ទន់ជ្រាយ​ដូច​ស្រី​ថែម​ទៀត​៕

​ស្នួ​ហាល​សារុង​ស្ត្រី​កាត់​ទទឹង​ផ្លូវ នៅ​ពីមុខ​កង​សន្តិ​សុខ​និង​អ្នកប្រឆាំង​តវ៉ា​នៅ​មី​យ៉ាន់​ម៉ា​