Home ព័ត៌មានអន្តរជាតិ លោក​វ៉ាង យី ន...

លោក​វ៉ាង យី និយាយថា អាម៉េរិក​កំពុង​រំខាន​សន្តិសុខ​នៅ​សមុទ្រ​ចិន​ខាងត្បូង​

ប្រែ​សម្រួល : កញ្ញា​ដា​លី​ស​/​ប៉េកាំង ៖ អ្នកការទូត​កំពូល​របស់​ចិន​បាន​ចោទប្រកាន់​សហរដ្ឋ​អាម៉េរិក​និង​បស្ចិម​ប្រទេស​ផ្សេង​ទៀត​ពី​ការរំខាន​ដល់​ស្ថិរភាព​ក្នុង​តំបន់​នៅ​សមុទ្រ​ចិន​ខាងត្បូង​សូម្បី​ខណៈ​​ដែល​លោក​កំពុង​ជំរុញ​ឱ្យ​បណ្តា​ប្រទេស​អាស៊ី​អាគ្នេយ៍ “​ពន្លឿន​ទៅមុខ​” ជាមួយ​នឹង​ការចរចា​លើ​ក្រម​ប្រតិបត្តិ​មួយ​ដើម្បី​គ្រប់គ្រង​ជម្លោះ​ដែន​ទឹក​និង​ដែនដី​នៅ​ក្នុង​សមុទ្រ​ដែល​មាន​ការប្រកួតប្រជែង​​គ្នា​នេះ​ក៏ដោយ​។​

​នៅក្នុង​សន្និសីទ​កាសែត​ប្រចាំ​ឆ្នាំ​ដែល​មាន​រយៈពេល​ជាង ៩០ នាទី រដ្ឋមន្ត្រីការបរទេស​ចិន​លោក​វ៉ាង យី​បាន​ព្រមាន​ម្តង​ហើយ​ម្តងទៀត​កុំឱ្យ​សហរដ្ឋ​អាម៉េរិក​ជ្រៀតជ្រែក​ចូល​កិច្ចការ​ផ្ទៃក្នុង​របស់​ខ្លួន ទោះបីជា​លោក​បាន​បង្ហាញ​បំណង​ចរចា​សម្រុះសម្រួល​ជាមួយ​រដ្ឋបាល​ថ្មី​របស់​លោកបៃ​ដិន ដោយ​អំពាវនាវ​ឱ្យមាន​កិច្ចពិភាក្សា​និង​កិច្ចសហប្រតិបត្តិការ​ក៏ដោយ​។​

​ទំនាក់ទំនង​ទ្វេភាគី​បាន​ធ្លាក់ចុះ​ដល់​កម្រិត​ទាប​ជា​ប្រវត្តិសាស្ត្រ​ក្រោម​រដ្ឋបាល​ត្រាំ ដោយ​ភាគី​ទាំងពីរ​បាន​ចូលរួម​ក្នុង​ជម្លោះ​លើ​បញ្ហា​នានា​រួមមាន​ពាណិជ្ជកម្ម បច្ចេកវិជ្ជា ជំងឺ​រាតត្បាត និង​កោះ​តៃវ៉ាន់​។​

​ឆ្លើយតប​នឹង​សំណួរ​របស់​កាសែត The Straitstimes លោក​និយាយ​កាលពី​ថ្ងៃអាទិត្យ​ទី​៧​មីនា​ថា​”​បណ្តា​ប្រទេស​ក្នុង​តំបន់​និង​ជុំវិញ​ពិភពលោក​ក្នុង​ប៉ុន្មាន​ឆ្នាំ​ថ្មីៗ​នេះ​អាច​មើល​ឃើញ​យ៉ាង​ច្បាស់​ថា​កត្តា​​សម្រាប់​អស្ថិរភាព​និង​ហានិភ័យ​សន្តិសុខ​នៅក្នុង​សមុទ្រ​ចិន​ខាងត្បូង​គឺ​ភាគច្រើន​កើតចេញពី​កម្លាំង​មកពី​ខាង​ក្រៅ​តំបន់​”​។​

​លោក​បាន​និយាយថា​ចិន​និង​អាស៊ាន​បាន​ឈាន​ដល់​ការយោគយល់​គ្នា​ស្តីពី​ការថែរក្សា​សន្តិភាព​និង​ស្ថិរភាព​នៅ​សមុទ្រ​ចិន​ខាងត្បូង​ប៉ុន្តែ​សហរដ្ឋ​អាម៉េរិក​និង​បណ្តា​ប្រទេស​លោកខាងលិច​មួយចំនួន​ចង់​ឃើញ​អស្ថិរភាព​នៅ​ក្នុង​តំបន់​។ លោក​បន្ថែមថា ពួកគេ​ប្រើប្រាស់​គោលការណ៍​សេរីភាព​នៃ​ការធ្វើ​នាវាចរណ៍​ដើម្បី “​បង្កើន​ភាព​តានតឹង​” និង​បង្កើត​ការបែងចែក​ក្នុងចំណោម​ប្រទេស​នៅក្នុង​ដែនទឹក​ដែល​​មាន​ជម្លោះ​។​

​សហរដ្ឋ​អាម៉េរិក​និង​សម្ព័ន្ធមិត្ត​របស់ខ្លួន​ដូចជា​អូស្ត្រាលី​និង​អង់គ្លេស​បាន​ធ្វើ​ប្រតិបត្តិការ​នាវាចរណ៍​នៅ​ទីនោះ​ជា​ញឹកញាប់​ដើម្បី​ប្រឆាំង​នឹង​ការទាមទារ​ទឹកដី​របស់​ចិន​ដែល​ត្រួតស៊ីគ្នា​ជាមួយ​ម៉ាឡេស៊ី វៀតណាម ព្រុយ​ណេ ហ្វីលីពីន​និង​កោះ​តៃវ៉ាន់​៕

ឧទ្ធម្ភាគចក្រ MH-60R Sea Hawk ចុះចត​លើ​នាវា USS Ronald Reagan នៅ​សមុទ្រ​ចិន​ខាងត្បូង​កាលពី​ថ្ងៃទី ១៧ កក្កដា ឆ្នាំ ២០២០

ទីតាំងផ្សាយពាណិជ្ជកម្ម

Previous articleអ្នកការទូតកំពូលរបស់ចិនបានចោទប្រកាន់សហរដ្ឋអាម៉េរិកនិងបស្ចិមប្រទេសផ្សេងទៀតពីការរំខានដល់ស្ថិរភាពក្នុងតំបន់នៅសមុទ្រចិនខាងត្បូងសូម្បីខណៈ ដែលលោកកំពុងជំរុញឱ្យបណ្តាប្រទេសអាស៊ីអាគ្នេយ៍ “ពន្លឿនទៅមុខ” ជាមួយនឹងការចរចាលើក្រមប្រតិបត្តិមួយដើម្បីគ្រប់គ្រងជម្លោះដែនទឹកនិងដែនដីនៅក្នុងសមុទ្រដែលមានការប្រកួតប្រជែង គ្នានេះក៏ដោយ។
Next articleមហាសេដ្ឋីបារាំង លោក អូលីវីយ៉េ ដាសូល (Olivier Dassault)និងជាអ្នកនយោបាយនិងជាផ្នែកនៃត្រកូលផលិតយន្តហោះ Dassault បានស្លាប់ក្នុងការធ្លាក់ឧទ្ធម្ភាគចក្រមួយកាលពីថ្ងៃអាទិត្យ។ដាសូល អាយុ៦៩ឆ្នាំ បានស្លាប់នៅម៉ោងប្រមាណ៦ល្ងាចនៅពេលឧទ្ធម្ភាគចក្ររបស់លោកធ្លាក់នៅជិតរមណីយដ្ឋានឆ្នេរសមុទ្រដឺវីលនៅបារាំងភាគពាយព្យ។
- Advertisment -

Most Popular