Home ព័ត៌មានជាតិ សន្តិសុខ ស្ត្រី​ម្នាក់...

ស្ត្រី​ម្នាក់ បើក​ម៉ូតូ​ទាក់​ដៃចង្កូត ដួល​ត្រូវ​រថយន្ត​កិន បណ្តាលឱ្យ​ស្លាប់​

ដោយៈ ស​រិ​ទ្ធ / កណ្ដាលៈ ស្ត្រី​ម្នាក់ បាន​ស្លាប់ ពេល​បើក​ម៉ូតូ​ទាក់​ដៃចង្កូត​ម៉ូតូ មួយគ្រឿង​ទៀត បណ្ដាល​ឲ្យ​ដួល ចូល​ក្រោម​កង់​រថយន្ត នៅ​ថ្ងៃទី ៧ ខែមីនា ឆ្នាំ​២០២១ វេលា​ម៉ោង ៦​និង​៥០​នាទី​យប់ នៅលើ​ផ្លូវជាតិ​លេខ​២១ ស្ថិតក្នុង​ភូមិ​ព្រែក​ស្នង ឃុំ​ព្រែក​គយ ស្រុក​ស្អាង ខេត្តកណ្តាល​។​

​មន្ត្រីនគរបាល​ចរាច​រណ៍ ស្រុក​ស្អាង បាន​ឲ្យ​ដឹងថា ជនរងគ្រោះ​ឈ្មោះ អូន ចាន់ថា ភេទ​ស្រី អាយុ ៣២​ឆ្នាំ មាន​ទីលំនៅ​ភូមិ​លេខ​១ សង្កាត់​ស្វាយ​រលំ ក្រុង​តាខ្មៅ ខេត្តកណ្ដាល បើក​ម៉ូតូ​ម៉ាក Honda Zoomer X ពណ៌​ខ្មៅ​លាយ​លឿង ពាក់​ស្លាក​លេខ កណ្ដាល 1AE-5917​។​ចំណែក​រថយន្ត​មិន​ស្គាល់​ម៉ាក បើកបរ​ដោយ ជន​មិន​ស្គាល់​អត្តសញ្ញាណ​ម្នាក់​។​

​ប្រភព​ដដែល បាន​បន្តថា នៅ​មុនពេល​កើតហេតុ បានឃើញ​ស្ត្រី​រងគ្រោះ បាន​បើក​ម៉ូតូ ក្នុងទិសដៅ ពី​ខាងជើង ទៅខាង​ត្បូង (​តាខ្មៅ​-​ជ្រៃ​ធំ​) លុះ​មកដល់​កន្លែងកើតហេតុ ក៏បាន​ប៉ះ​ជាមួយ​ដៃចង្កូត ម៉ូតូ​មួយគ្រឿង​ទៀត ដែល​មិន​ស្គាល់​ម៉ាក និង​មិន​ស្គាល់​អត្តសញ្ញាណ ហើយក៏​បាន​ដួល​ខ្ទាត ទៅ​ចូល​ក្រោម​កង់ រថយន្ដ​មួយគ្រឿង​ទៀត ដែល​បើកបរ​ច្រាសទិស​គ្នា ក៏ត្រូវ​កង់​រថយន្ត​នោះ កិន​បណ្ដាលឱ្យ​អ្នកបើកបរ ម៉ូតូ Honda zoomer ស្លាប់​នៅនឹងកន្លែង​កើតហេតុ ។​

​ក្រោយពី​បានទទួល​ព័ត៌មាន​នេះ​ភ្លាម សមត្ថកិច្ច​ជំនាញ បាន​ចុះមក​ពិនិត្យ និង​វាស់វែង កន្លែងកើតហេតុ និង​យក​វត្ថុតាង ទៅ​រក្សាទុក នៅ​អធិការដ្ឋាន​នគរបាល ស្រុក​ស្អាង ដើម្បី​កសាង​សំណុំរឿង តាម​នីតិវិធី​។ ចំណែក​សាកសព ត្រូវបាន​ប្រគល់ ជូន​ក្រុមគ្រួសារ យកទៅ​ធ្វើបុណ្យ​តាម​ប្រពៃណី ។​

​តាម​ការសន្និដ្ឋាន​រប​ស់ សមត្ថកិច្ច បានឱ្យដឹងថា ករណីនេះ បណ្ដាលមកពី​អ្នកបើក​ម៉ូតូ ទាំងពីរ​គ្រឿង មានការ​ធ្វេសប្រហែស ខ្ជីខ្ជា ខ្វះ​ការប្រុងប្រយ័ត្ន បើកបរ​ក្នុង​ល្បឿន​លឿន ទើប​បណ្ដាលឱ្យមាន គ្រោះថ្នាក់​ចរាចរណ៍ កើតឡើង​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular