Home ព័ត៌មានអន្តរជាតិ តុលាការ​អាម៉េ...

តុលាការ​អាម៉េរិក​បើកសវនាការ​កាត់ទោស​អ្នកកាសែត​ស្រី ពី​បទ​រំខាន​ការងារ​របស់​ប៉ូលិស​

​ប្រែ​សម្រួល : កញ្ញា​ដា​លី​ស ៖ មន្ត្រីប៉ូលិស​បាន​ផ្តល់​សក្ខីកម្ម​កាលពី​ថ្ងៃ​ចន្ទទី​៨​មីនា​ថា​គាត់​បាន​ចាប់ខ្លួន​អ្នកសារព័ត៌មាន​ម្នាក់​នៅ​ឯ​ការតវ៉ា​របស់​ក្រុម​ចលនា Black Lives Matter​កាលពី​ឆ្នាំមុន​នៅ​​រដ្ឋ​អាយ​អូ​វ៉ា បន្ទាប់ពី​នាង​មិន​ព្រម​ចាកចេញ នៅពេល​ដែល​គាត់​បាញ់​ផ្សែង​ម្រេច​ដើម្បី​បំបែក​ហ្វូង​មនុស្ស​។​

​មន្ត្រីប៉ូលិស​នៅ​ទីក្រុង​ដេស​ម៉​យ​ណេ​ស ឈ្មោះ លូក វី​ល​សុន និយាយថា គាត់​មិន​បានដឹងថា នាង អង់​ដ្រេ សា​ហូ​រី ជា​អ្នកយកព័ត៌មាន​នៅ​ទីក្រុង​ដេស​ម៉​យ​ណេ​ស​នោះ​ទេ​នៅពេលដែល​គាត់​ឆ្លើយតប​​ទៅ​នឹង​កន្លែង​ដែល​មាន​ភាពវឹកវរ ដែល​ក្រុមបាតុករ​កំពុងតែ​បំបែក​បង្អួច​ហាង​និង​គប់​ដុំថ្ម​និង​ដប​ទឹក​ដាក់​ប៉ូលិស​នៅ​ខាងក្រៅ​ផ្សារ Merle Hay កាលពី​ថ្ងៃទី ៣១ ខែ​ឧសភា​។​

​លោក​វី​ល​សុន​និយាយថា​គាត់​បាន​បាញ់ថ្នាំ​គីមី​បង្ក​ការ​ក្រហល់ក្រហាយ​នេះ​ចេញពី​ឧបករណ៍​បាញ់​ឧស្ម័ន​បង្ហូរទឹកភ្នែក​ដើម្បីឱ្យ​ទូលាយ​ចំណតរថយន្ត​ពាណិជ្ជកម្ម​ហើយ​វា​មាន​ប្រសិទ្ធភាព​ក្នុង​ការ​កម្ចាយ​ក្រុមមនុស្ស​ទាំងនោះ​រួម​ទាំង​មិត្ត​ប្រុស​របស់​នាង​សា​ហូ​រី ឈ្មោះ ស្ពេន​សឺ រ៉ូប​ណេ​ត​។ ប៉ុន្តែ​លោក​និយាយថា នាង​សា​ហូ​រី​មិន​ព្រម​ចេញ​ទៅ​ណា​សោះ ទោះបីជា​ថ្នាំ​បាញ់​ម្រេច​ដែល​អាច​បណ្តាលឱ្យមាន​អារម្មណ៍​ក្រហាយ​​និង​ងងឹតភ្នែក​បណ្តោះអាសន្ន​ក៏ដោយ​។​

​លោក​វី​ល​សុន​បាន​ផ្តល់​សក្ខីកម្ម​ថា “​នៅពេលដែល​ខ្ញុំ​យល់​ថា​នាង​មិន​ព្រម​ចាកចេញ ខ្ញុំ​ត្រូវតែ​ចាត់វិធានការ​” ដោយ​បន្ថែម​ថា លោក​នៅតែ​មិន​ទាន់​ដឹង​ថា​នាង​ជា​នរណា​។​

​លោក​វី​ល​សុន ដែល​ពាក់​មួកសុវត្ថិភាព​និង​របាំង​ការពារ​ឧស្ម័ន​និយាយថា គាត់​បាន​ចូល​ទៅ​ជិត​ហើយ​ចាប់​នាង​សា​ហូ​រី​ដោយ​ដៃ​ឆ្វេង​របស់គាត់ ខណៈ​គាត់​កំពុងកាន់​បំពង់​បាញ់​ម្រេច​នៅ​ដៃស្តាំ​។​គាត់​និ​​យាយ​ថា​គាត់​បាន​បាញ់​ផ្សែង​ម្រេច​បន្ថែមទៀត​នៅពេលដែល​លោក​រ៉ូប​ណេ​តត្រឡប់មកវិញ​ហើយ​ព្យាយា​មទាញ​យក​នាងសា​ហូរី​ចេញពី​ដៃ​របស់​គាត់​ដោយ​បាញ់​ផ្សែង​ម្រេច​ដាក់​អ្នក​ទាំង​ពីរ​នៅ​ចម្ងាយ​​កៀក​ម្តងទៀត​។​

​លោក​វី​ល​សុន​បាន​ផ្តល់​សក្ខីកម្ម​នៅ​ថ្ងៃ​ដំបូង​នៃ​ការជំនុំជម្រះ​ក្តី​លើ​នាង​សា​ហូ​រី​និង​លោក​រ៉ូប​ណេត​ទាក់ទង​បទល្មើស​មជ្ឈិម​ពោលគឺ​ពួកគេ​មិន​ព្រម​បំបែក​ខ្លួន​និង​ជ្រៀតជ្រែក​សកម្មភាព​របស់​ប៉ូលិស​។ ក្រុម​រដ្ឋ​អាជ្ញា​បាន​ជំរុញ​រឿង​ក្តី​របស់​ពួកគេ​ទោះបី​មាន​សម្ពាធ​ក្នុង​តំបន់​ក្នុងប្រទេស​និង​នៅលើ​ឆាក​អន្តរជាតិ​ដើម្បី​ទម្លាក់​ចោល​កិច្ច​ប្រឹងប្រែង​ដ៏​កម្រ​ដើម្បី​ដាក់ទណ្ឌកម្ម​អ្នកយក​ព័ត៌មាន​ក៏ដោយ​។​

​ប្រសិនបើ​ផ្តន្ទាទោស ពួកគេ​នឹង​ត្រូវ​ពិន័យ​រាប់រយ​ដុល្លារ និង មាន​កំណត់ត្រា​បទល្មើស​ក្នុង​ប្រវត្តិរូប​របស់​ពួកគេ​។ ចៅក្រម​ក៏​អាច​កាត់​ឱ្យ​ពួក​គេ​ជាប់គុក​ម្នាក់​៣០​ថ្ងៃ​លើ​បទ​ចោទ​នី​មួយៗ ទោះបី​ករណី​ដាក់គុក​អ្នកកាសែត​នៅ​អាម៉េរិក​ជា​រឿង​កម្រ​ក៏ដោយ​៕

​នាង អង់​ដ្រេ សា​ហូ​រី អាច​នឹង​ជាប់គុក​៣០​ថ្ងៃ​ពី​បទ​រំខាន​ការងារ​ប៉ូលិស

ទីតាំងផ្សាយពាណិជ្ជកម្ម

- Advertisment -

Most Popular