​ដោយ​: សុខុម / ស្ទឹងត្រែងៈ លោក ទន់ វុទ្ធី អនុប្រធាន​មន្ទីរ​សុខាភិបាល ខេត្តស្ទឹងត្រែង បានឱ្យ​រស្មី​កម្ពុជា​ដឹងថាៈ រថយន្ត​សម្រាប់​ដឹក​សំណាក​វិភាគ​ជំងឺ​កូ​វីដ ១៩ ពី​ខេត្តស្ទឹងត្រែង ទៅ​រាជធានី​ភ្នំពេញ បាន​រង​ការឆាបឆេះ នៅវេលា​ម៉ោងជាង ២ រំលងអធ្រាត្រ ឈានចូល​ថ្ងៃទី​១០ ខែមីនា ឆ្នាំ​២០២១ នៅផ្ទះ​របស់លោក ឡុ​ច សេង​អ៊ាង ប្រធានការិយាល័យ​រដ្ឋ​បាល មន្ទីរ​សុខាភិបាល​ខេត្ត ស្ថិតនៅ​ភូមិ​ព្រែក សង្កាត់​-​ក្រុង​ស្ទឹងត្រែង ខេត្តស្ទឹងត្រែង ។​

​ក្រោយពី​មាន​ហេតុការណ៍ កើតឡើង កងកម្លាំង​មាន​សមត្ថកិច្ច បាន​កំពុង​ចុះ​ស្រាវជ្រាវ រក​មូលហេតុ នៃ​ការឆេះ​រថយន្ត​នេះ ហើយ​បើតាម​ការប៉ាន់ស្មាន របស់​សមត្ថកិច្ច រថយន្ត​នេះ ឆេះ​អស់ពី ៧០ ទៅ ៨០ ភាគរយ​៕/V