​ដោយៈ បាយ័ន / សៀមរាបៈ ការិយាល័យ​អប់រំ យុវជន និង​កីឡា នៃ​រដ្ឋបាល​ស្រុក​ពួក ខេត្តសៀមរាប បានប្រកាស​ផ្អាក​ការរៀន សាលារៀន​មួយចំនួន ក្នុងស្រុក​ពួក ជា​បណ្ដោះអាសន្ន រយៈពេល ២ សប្ដាហ៍ ចាប់ពី​ថ្ងៃទី​៩ ខែមីនា ឆ្នាំ​២០២១​។​

​លោក កែ វណ្ណ​នី ប្រធានការិយាល័យ​អប់រំ យុវជន និង​កីឡា នៃ​រដ្ឋបាល​ស្រុក​ពួក បាន​មានប្រសាសន៍ នៅក្នុង​លិខិត​មួយច្បាប់ ចុះ​ថ្ងៃទី​៩ ខែមីនា ឆ្នាំ​២០២១ ជម្រាបជូន លោក​ប្រធាន​មន្ទីរអប់រំ យុវជន និង​កីឡា​ខេត្ត​ថាៈ ក្រោយ​កិច្ចពិភាក្សា​ជាមួយ​លោក​អភិបាល នៃ​គណៈ​អភិបាលស្រុក​ពួក នៅ​រសៀល​ថ្ងៃទី​៩ ខែមីនា ឆ្នាំ​២០២១ វេលា​ម៉ោង ២​និង​៣០​នាទី បានសម្រេច​ផ្អាក​សាលា​ទាំងអស់ ក្នុង​ឃុំ​ទាំង ៤ រួមមានៈ ១.​ឃុំ​ខ្នាត ៦​សាលា , ២.​ឃុំ​ពួក ៥ សាលា , ៣.​ឃុំ​សំរោង​យា ៣ សាលា និង ៤. ឃុំ​កែវ​ពណ៌ ៥ សាលា ៕/V