​ដោយៈ ជា សីហៈ​/​ភ្នំពេញៈ សភាពាណិជ្ជកម្ម​អាម៉េរិក​នៅ​កម្ពុជា​បាន​រាយការណ៍ លោក ប្រ៊ី​តុ​ន ស៊ី​យ៉ា​រ៉ូ​នី ( Bretton Sciaroni)​ជា​វិនិយោគិន​អាមេរិក​ទីមួយ​ដែល​មក​បណ្តាក់ទុន​នៅ​កម្ពុជា បាន​បាត់​បង់ជីវិត ។

លោក ប្រ៊ី​តុ​ន ស៊ី​យ៉ា​រ៉ូ​នី បានមក​ប្រទេស​កម្ពុជា​ជា​លើកដំបូង​ក្នុង​ឆ្នាំ ១៩៩៣ ដើម្បី​ជួយ​យុទ្ធនាការ​លទ្ធិ​​ប្រជា​ធិបតេយ្យ​លើកដំបូង​របស់​ប្រទេស​។

​លោក​បាន​បម្រើ​ការងារ​ជាទី​ប្រឹក្សា​ច្បាប់​របស់​រាជរដ្ឋាភិបាល​កម្ពុជា​ចាប់តាំងពី​ឆ្នាំ ១៩៩៦ ជា​តំណែង​ដែល​មាន​ថា​នៈ​ស្មើ​រដ្ឋមន្ត្រី​ហើយ​ជា​មេធាវី​បរទេស​ដែល​បម្រើការ​យូរ​ជាងគេ​បំផុត​នៅក្នុង​ប្រទេស​។ មេធាវី​និង​វិនិ​យោគិន​អាមេរិក​ម្នាក់​ធ្លាប់​ធ្វើការ​នៅឯ​សេត​វិមាន​ផងដែរ​។

​លោក ប្រ៊ី​តុ​ន ស៊ី​យ៉ា​រ៉ូ​នី បានក្លាយ​ជាទី​ប្រឹក្សា​ដ៏​សំខាន់​របស់​រាជរដ្ឋាភិបាល​កម្ពុជា​និង​ជា​អ្នកឯកទេស​ដែល​បាន​ជួយ​រៀបចំ​សេចក្តីព្រាងច្បាប់​អាជីវកម្ម​សំខាន់ៗ​។

លោក វីលៀម ហៃ​ឌ៍ ( William A. Heidt) អតីត​ឯកអគ្គរដ្ឋទូត​សហរដ្ឋអាម៉េរិក​ប្រចាំ​នៅ​ប្រទេស​កម្ពុជា​ធ្លាប់បាន​អត្ថាធិប្បាយ​ថា​“ លោក ប្រ៊ី​តុ​ន ស៊ី​យ៉ា​រ៉ូ​នី គឺជា​មេធាវី​បរទេស​ដំបូង​គេ​ម្នា​ក់នៅ​កម្ពុជា​នៅ​ដើម​ទសវត្ស ១៩៩០ បន្ទាប់ពី​លទ្ធិប្រជាធិបតេយ្យនៅ​កម្ពុជា​ត្រូវបាន​ស្តារឡើងវិញ​។

លោក​គឺជា​សសរស្តម្ភ​មួយ​នៃ​សហគមន៍​ជំនួញ​របស់​សហរដ្ឋអាមេរិក​ចាប់តាំងពី​ពេលនោះ​មក​ដោយ​ជំរុញ​ការវិនិយោគ​របស់​សហ​រដ្ឋ​អាមេរិក​នៅ​កម្ពុជា​តាមរយៈ​ក្រុមហ៊ុន​ច្បាប់​របស់គាត់​និង​តួនាទី​ជា​ប្រធានសភា​ពាណិជ្ជកម្ម​អាម៉េរិក​។​

​លោក​បាន​ទទួលមរណភាពនៅ​អាយុ ៦៩ ឆ្នាំ ៕សរន