​ដោយៈ ភ្នំ​ស្វាយ​/​បន្ទាយ​មាន​ជ័​យៈ នៅ​ក្រុង​សិរីសោភ័ណ​មិនមាន​ការបំពាន​បម្រាម ដូចជា​ប្រព្រឹត្តល្មើស​លួច​បើក​KTV. ក្លិប​…​ទៀត​ទេ នា​អំឡុង​ផ្ទុះ​កូ​វីដ​១៩ ជា​សហគមន៍​។​

លោក ហ៊ឹ​ល រ៉ា​យ៉ា អភិបាលក្រុង​និង​ជា​ប្រធាន​គណៈបញ្ជាការ​ឯកភាព​រដ្ឋបាល​ក្រុង​សិរីសោភ័ណ កាលពី​ម៉ោង​៩​យប់​រហូតដល់​ជិត​រំលងអធ្រាត្រ​ថ្ងៃទី​១១ ខែមីនា​បាន​ដឹកនាំ​និង​រួមជាមួយ​លោក​លឹម តិច​ឆេង សមា​ជិក​​ក្រុមប្រឹក្សា​ក្រុង លោក​វរសេនីយ៍​ស៊ី ឌី អធិការនគរបាល​ក្រុង លោក​វរសេនីយ៍​យ៉ាន់ សុវណ្ណ មេបញ្ជាការ​មូលដ្ឋាន​ក​ង​រាជ​អាវុធហត្ថ​ក្រុង វរសេនីយ៍​អ៊ុក ស៊ី​វីន មេបញ្ជាការ​ផ្នែក​សឹក​រង​ក្រុង​និង​ជា​សមាជិក​គណៈបញ្ជា​ការ​ឯកភាព​រដ្ឋបាល​ក្រុង បាន​ដឹកនាំ​មន្ត្រី និង​កងកម្លាំង​ទាំង​៣​ប្រភេទ ចុះ​ល្បាត​តាម​ភូមិសាស្ត្រ​ក្នុង​ក្រុង ពិសេស ពិនិត្យមើល ទីតាំង KTV ក្លិប កម្សាន្ត​(​ខារ៉ាអូខេ​,​ឌី​ស្កូ​តែ​ក​) និង​បៀរហ្គាឌិន ហាង​ផឹកស៊ី ..​ទាំង​ឡាយ​។​

​លោក​ហ៊ឹ​ល រ៉ា​យ៉ា បាន​ឲ្យ​ដឹងថា តាមរយៈ​ការពិនិត្យ​ជាក់ស្តែង​ឃើញថា​នៅ​ក្រុង​សិរីសោភ័ណ​មិនមាន​ការបំពាន​បម្រាម​នា​អំឡុង​ផ្ទុះ​កូ​វីត​១៩ សហគមន៍​ទេ​៕​