កាលពីថ្ងៃអាទិត្យ ថ្ងៃទី១៤ ខែមីនា ឆ្នាំ២០២១ លោក ជា ពិសី អភិបាលខណ្ឌប្ញស្សីកែវ បានដឹកនាំលោកស្រី សួស សូលីដា អភិបាលរងខណ្ឌ ប្រធាន-អនុ ប្រធានការិយាល័យ ចំណុះរចនាសម្ព័ន្ធរដ្ឋបាលខណ្ឌ មន្ត្រីរាជការ នៃរដ្ឋបាលខណ្ឌ កម្លាំងនគរបាល និងសណ្ដាប់ធ្នាប់ខណ្ឌ ចុះទៅចែកស្បៀងអាហារ ជូនដល់ប្រជាពលរដ្ឋ ដែលកំពុងធ្វើចត្តាឡីស័ក នៅតាមទីតាំងចំនួន៤ ដែលបានជាប់ពាក់ព័ន្ធនឹងអ្នកដែលបាន វិជ្ជមាននឹងមេរោគ កូវីដ១៩ នៅក្នុងព្រឹត្តិការណ៍ សហគមន៍ ២០ កុម្ភៈ រួមមាន ចំនួន២ ទីតាំង នៅក្នុងភូមិស្ពានខ្ពស់ និង ១. ទីតាំង នៅក្នុងភូមិក្រោលគោ សង្កាត់គីឡូម៉ែត លេខ៦ និងចំនួន១ ទីតាំងទៀត នៅក្នុងភូមិបាក់ទូក សង្កាត់ទួលសង្កែទី១ ខណ្ឌប្ញស្សីកែវ ដែលមានប្រជាពលរដ្ឋ សរុបចំនួន ១២ គ្រួសារ។
