ដោយៈ សៅ​វ៉ាន់ឌី / ព្រះ​វិហារៈ លោក ប្រាក់ សុវណ្ណ អភិបាលខេត្ត​ព្រះវិហារ និង​ក្រុមការងារ នៅ​ព្រឹក​ថ្ងៃទី​១៧ ខែមីនា ឆ្នាំ​២០២១ នេះ បាន​នាំយក​អំណោយ សម្ភារ​ការពារ​ជំងឺ​កូ​វីដ ១៩ ចែកជូន​ដល់​ពន្ធនាគារ និង​មណ្ឌល​ធ្វើ​ច​តា​ឡី​ស័ក ក្នុង​ខេត្តព្រះវិហារ សរុប​ចំនួន ៣ កន្លែង​។​

​លោក ប្រាក់ សុវណ្ណ បាន​ថ្លែង​ដោយ​សូមឱ្យ​មន្ត្រី​អនុរក្ស​ពន្ធនាគារ បង្កើន​ការប្រុងប្រយ័ត្ន​ខ្ពស់ ចំពោះ​ជន​ជាប់ឃុំ ត្រូវឱ្យ​គាត់​ពាក់​ម៉ាស់ និង​សម្អាត​ដៃ​ជាប្រចាំ ក្នុងពេល​ជួប​គ្រួសារ និង​ខាង​គ្រួសារ ត្រូវការពារ​ដូចគ្នា និង​រក្សា​គម្លាត​ពីគ្នា យ៉ាងតិច ១ ម៉ែត្រ​កន្លះ ។​

​ក្រោយពី​សំណេះសំណាល​រួច អភិបាលខេត្ត បានប្រគល់​អំណោយ រួមមាន ម៉ាស់ ៥០ អាកុល ៩០​លីត្រ ទឹក ២០ កេះ ថវិកា ២ លាន​រៀល​។​

​នៅ​ថ្ងៃ​ដដែល​នោះដែរ លោក ប្រាក់ សុវណ្ណ និង​ក្រុមការងារ បាន​បន្ត​ចូលជួប​សំណេះសំណាល ជាមួយ​លោកគ្រូ​អ្នកគ្រូ ដែល​ប្រចាំការ នៅ​សាលាបឋមសិក្សា ស្ថាពរ ដែល​នឹង​ត្រៀម​រៀបចំ ធ្វើ​មណ្ឌល​ច​ត្តា​ឡី​ស័ក​។ អភិបាលខេត្ត បានប្រគល់​ជូន នៅ​ថវិកា​ដល់​លោកគ្រូ អ្នកគ្រូ​ចំនួន ១២ នាក់ ក្នុង​ម្នាក់ៗ ទទួលបាន ចំនួន ៤ ម៉ឺន​រៀល និង​ម៉ាស់​ចំនួន ៤ ដុំ​។ ចំណែក​ក្រុមការងារ គ្រូពេទ្យ​ប្រចាំ នៅ​ទីនោះ ទទួលបាន​ម៉ាស់ ៥​ដុំ ទឹក ១០​យួរ អាកុល ១០​លីត្រ និង​ថវិកា ៥ លាន​រៀល ជា​អំណោយ​សម្ដេច​តេ​ជោ ហ៊ុន សែន ហើយ​ក្រុមគ្រូពេទ្យ ១៣ នាក់ ម្នាក់ៗ ទទួលបាន​ថវិកា ២ ម៉ឺន​រៀល ផងដែរ ក្នុង​មណ្ឌល​ច​ត្តា​ឡី​ស័ក​កំរិត​២ ផ្ទះសំណាក់​គ្រូបង្រៀន ក្នុង​ក្រុង​ព្រះវិហារ​៕/V​