ដោយបាយ័ន/សៀមរាប÷ កាលពីរសៀល ថ្ងៃទី២៣ ខែមីនានៅត្រង់ចំណុច​ចន្លោះបង្គោលគីឡូម៉ែត្រលេខ​ ១៥-១៦ស្ថិតនៅភូមិតានី​ ឃុំរុនតាឯក ស្រុកបន្ទាយស្រី​ មានករណីគ្រោះថ្នាក់ចរាចរណ៍មួយរវាងរថយន្ត និងរថយន្ត បណ្តាលឲ្យមានរងរបួស៤នាក់។
លោកវរសេនីយ៏ឯក ឡុង សំណាងអធិការ​ដ្ឋាននគរបាល​ស្រុកបន្ទាយស្រី​ បានឲ្យដឹងថាគ្រោះថ្នាក់ចរាចរណ៍នេះ បណ្តាលមកពីរថយន្តមួយគ្រឿងម៉ាក HYUNDAI ពណ៌​ ស ពាក់ផ្លាកលេខ​ កំពង់ចាម 3A- 6255 បេីកបរដោយឈ្មោះ​ នី​ គន្ធា​ ភេទ ប្រុស​ អាយុ​ ២៧ ឆ្នាំ រស់​នៅ​ភូមិ​ប្រស្រែលេី​ ឃុំវិហាលួងក្រុងសួង ខេត្តត្បួងឃ្មុំ​ មានអ្នករួមដំណេីរ​ ម្នាក់ បេីកបរមានទិសដៅពីត្បួង​ទៅ​ជេីង បុក នឹងរថយន្ត​មួយគ្រឿង​ម៉ាក​ TOYOTA CAMRY ពណ៌​ ទឹកប្រាក់​ ពាក់ផ្លាកលេខ​ រដ្ឋ​10​ 2-​ 0285​ បេីកបរដោយឈ្មោះ​ លិញ​ លោ​ ភេទប្រុស​ អាយុ​៣៤ឆ្នាំ​ រស់នៅភូមិ​ឪឡោក​ ឃុំបាគង​ ស្រុកប្រាសាទបាគង​ ខេត្តសៀមរាប​ មានអ្នករួមដំណេីរចំនួន៣នាក់​ បេីកបរមានទិសដៅពី​ ត្បួង​ ទៅជេីង។ក្នុងហេតុការណ៍​នេះបណ្តាល​ឲ្យរងរបួសមនុស្សចំនួន​ ០៤នាក់, ស្រាល០៣នាក់​ ធ្ងន់ម្នាក់​)និងខូចខាតរថយន្តចំនួន០២គ្រឿង​ ស្រាល០១គ្រឿង​ និងធ្ងន់០១គ្រឿង​។

មូលហេតុនៃគ្រោះថ្នាក់នេះដោយសារ អ្នកបេីកបររថយន្តពាក់ស្លាកលេខ កំពង់ចាម 3A-6255 បានបេីកក្នុងល្បឿនលឿន និង ខ្វះការប្រុងប្រយ័ត្ន​ បណ្តាលឲ្យបុករថយន្ត​ ពាក់ស្លាកលេខ​ ​រដ្ឋ​10​-2-​ 0285​ ពីក្រោយ។
ដោយឡែកបន្ទាប់ពីវាស់វែង និងធ្វើកំណត់ហេតុហើយ សមត្ថកិច្ចបានយក
វត្ថុតាង មករក្សាទុកនៅអធិការដ្ឋាននគរបាល
ស្រុកបន្ទាយស្រី ដើម្បីចាត់ការតាមនីតិវិធី៕