ដោយៈតារារិទ្ធ/ភ្នំពេញ៖អស់​រយៈ​ពេល​ជាង​១ខែមក​ហើយដែល​កម្ពុជា​ត្រូវប្រយុទ្ធជាមួយ​នឹង​​ព្រឹត្តិការណ៍​សហគមន៍​២០​កុម្ភៈដែលជា​ព្រឹត្តិការណ៍​ឆ្លង​ជំងឺ​កូវីដ​១៩​ក្នុងសហ គមន៍​ជា​លើក​ទី​៣ និងជាព្រឹត្តិការណ៍ដែលមានលក្ខណៈធ្ងន់ ធ្ងរជាងពេល​មុន​ៗ​។គិត​រហូត​ម​កទល់​ពេល​នេះព្រឹត្តិការណ៍​សហគមន៍​ ២០ ​កុម្ភៈ នៅមិនទាន់ថមថយនៅឡើយ ទេមិន​ត្រឹម​តែមិនថមថយប៉ុណ្ណោះទេវានៅបាន​​វាយ​លុក​ពីរាជធានី​ភ្នំពេញ​រីក​រាល​ដាល​ទៅ​ដល់​បណ្ដា​ខេត្ត​ផ្សេង​ទៀត​ផងដែរ ។ដើម្បី​ទប់​ស្កាត់​ជំងឺ​នេះ​កុំ​ឲ្យ​រីក​រាល​ដាលកាន់​ តែ​ខ្លាំង​ថែម​ទៀតរដ្ឋបាលរាជធានីភ្នំពេញបានសម្រេចដាក់បំរាមគោចរក្នុងរាជធានីភ្នំពេញពីម៉ោង ២០ យប់ដល់ ម៉ោង ៥ ភ្លឺ ។ តើការ​ដាក់បំរាមគោចរណ៍នេះវាជាការចាំបាច់ឬនៅសម្រាប់រាជធានីភ្នំពេញ?

មិន​ដូច​ព្រឹត្តិការណ៍​សហគមន៍​មុន​ៗ​ទេ ព្រឹត្តិការណ៍​សហគមន៍​លើក​នេះមាន​លក្ខណៈ​ធំ​ធេងនិង​អូស​បន្លាយ​យូរ​។រហូត​មក​ទល់​ពេល​នេះចំនួន​ឆ្លង​ក្នុង​​ព្រឹត្តិការណ៍សហគម ន៍​២០​កុម្ភៈនៅ​តែ​មាន​ចំនួន​ច្រើននិង​ឆ្លង​រាល​ដាល​ពី​ខេត្ត​មួយ​ទៅ​ខេត្ត​មួយ​យ៉ាង​លឿន​រហ័ស ​។គិត​ត្រឹម​ថ្ងៃ​ទី ២ ខែ មេសា នេះកម្ពុជា​មាន​អ្នក​ឆ្លង​កូវីដ​១៩​ ចំនួនសរុប​ ២,៥៤៦នាក់(ស្ត្រី ១,១៨៩នាក់)ក្នុងនោះព្រឹត្តិការណ៍សហគមន៍២០កុម្ភៈមានចំនួន២,០១៧នាក់(ស្ត្រី ១,០០០នាក់), អ្នកព្យាបាលជាមានចំនួន ១,២៥៦នាក់ (ស្ត្រី ៥២៨នាក់)។ ដោយឡែកអ្នកកំពុងសម្រាកព្យាបាលជំងឺមានចំនួន ១,២៧០នាក់ (ស្ត្រី ៦៥១)។ អ្នកឆ្លងក្នុងព្រឹត្តិការណ៍សហគមន៍២០កុម្ភៈនេះនៅថ្ងៃទី២ មេសានេះ នៅក្នុងរាជធានីភ្នំពេញ ២៣​នាក់, កណ្តាល ១៣នាក់, ព្រះសីហនុ ៤នាក់ និងស្វាយរៀង ២៨នាក់ ។ ព្រឹត្តិការណ៍សហគមន៍២០កុម្ភៈនេះក៏បានបង្កឲ្យមានអ្នកស្លាប់កើន ឡើងដល់ ១៦ នាក់​ផងដែរ ។

នៅ​ចំពោះ​មុខ​ការ​ឆ្លង​រីក​រាល​ដាល​គួរ​ឲ្យ​បារម្ភ​នេះតើវិធានដាក់បំរាមគោចរពីម៉ោង ២០ យប់ដល់ម៉ោង៥ព្រឹករបស់រដ្ឋបាលរាជធានីភ្នំពេញ​​វាជាការចំាបាច់ឬទេ?វាអាច​ជួយ​ទប់​ស្កាត់ការរីករាលដាល​ជំងឺ​កូវីដ​១៩​ បានឬទេ ?​ ។

យើងគួរពិនិត្យមើលអំពីស្ថានភាពជាក់ស្តែងទូទៅរបស់រាជធានីភ្នំពេញបន្ទាប់​ពី​មាន​ផ្ទុះ​ព្រឹត្តិការណ៍​សហគមន៍​២០ ​កុម្ភៈ​បន្តិច ។ចាប់​តាំង​ពី​ថ្ងៃ​ទី ​២០ ខែ​កុម្ភៈ​រហូត​មកទល់​ពេលនេះក្រៅ​តែ​ពី​មាន​រកឃើញ​ករណីឆ្លង​កូវីដ​១៩​រាប់​សិប​ករណី​ក្នុង​មួយ​ថ្ងៃ​ ៗ អាជ្ញាធរ​រាជធានី​បាន​ដាក់​ចេញ​នូវ​ចំណាត់ការ​​ជា​ច្រើន​ដើម្បី​បង្ការ​ការ​ឆ្លង​រាល​ដាល​នៃ​ជំងឺ​កូវីដ​១៩ ​។ ចំណាត់ការ​ទាំង​នោះ​រួម​មានការ​ស្វែង​រក​អ្នក​ពាក់ព័ន្ធ​ដោយ​ផ្ទាល់​និង​ដោយ​ប្រយោល​នឹង​អ្នក​ជំងឺ​កូវីដ​១៩​ យក​ទៅ​ព្យាបាល និង ធ្វើ​ចត្តាឡីស័ក ពង្រឹង​សន្តិសុខ​នៅ​តំបន់​ធ្វើ​ចត្តាឡីស័ក បិទ​ខ្ទប់​តំបន់ដែលមានការ​ឆ្លង ដើម្បី​កាត់​ផ្ដាច់​បណ្ដាញ​ឆ្លង​នៃ​ជំងឺ​កូវីដ​១៩ ​។ សាលារៀន ក្លឹបហាត់ប្រាណ រោងកុន រោងល្ខាន សារមន្ទីរ ក្លឹបរាត្រី ខារ៉ាអូខេ ការរៀបអាពាហ៍ពិពាហ៍ ការជួបជុំនានាត្រូវ​បាន​បញ្ជា​ឲ្យ​បិទ ។ ជាមួយគ្នានេះរាជរដ្ឋាភិបាលបាន​បង្កើត​ច្បាប់​ព្រម​ទាំង​អនុក្រឹត្យ​បន្ទាន់ ​និង ​ចាំបាច់ដើម្បី​ទប់​ស្កាត់​ការ​ឆ្លង​រាល​ដាល​នៃ​ជំងឺ​កូវីដ​១៩ និង ​ជំងឺ​ឆ្លង​កាច​សាហាវ​និង​ប្រកប​ដោយ​គ្រោះ​ថ្នាក់​ធ្ងន់ធ្ងរ​ផ្សេង​ទៀត។ច្បាប់​និង​អនុក្រឹត្យ​ដែល​ត្រូវ​បាន​ដាក់​ឲ្យ​ប្រើ​ប្រាស់​ជា​បន្ទាន់​នេះបាន​កំណត់​ពិន័យ​អ្នក​បំពាន​វិធានការ​ការពារ​ជំងឺ​កូវីដ​១៩ ជា​ទឹក​ប្រាក់​ចន្លោះ​ពី​១​លាន​ដល់​២០​លាន​ រៀលនិង​អាច​ត្រូវ​ជាប់​ពន្ធនាគារ​ពី​៦​ខែ​រហូត​ដល់​​២០​ឆ្នាំ​ ។

ទោះបីជារាជរដ្ឋាភិបាលកម្ពុជាក៏ដូចជារដ្ឋបាលរាជធានីភ្នំពេញខិតខំប្រឹងប្រែងដាក់ចេញនូវវិធានការជាច្រើនហើយក៏ដោយតែគេសង្កេតឃើញថាប្រជាពលរដ្ឋខ្មែរមួយចំនួនដែលកំពុងរស់នៅក្នុងទីក្រុងភ្នំពេញពិសេសក្រុមយុវជនហាក់ដូចជានៅតែមើលស្រាលចំពោះជំងឺកូវីដ១៩ការជួបជុំគ្នានៅតាមហាងផឹកស៊ីនៅតែមានហើយថែទាំងបំពាន ទៅលើវិធានសុខាភិបាលទៀតផង ។ អ្នកធ្វើចត្តាឡីស័កនៅតាមផ្ទះតែងលួចចេញមកក្រៅដើម្បីដើរលេង ឬហូបចុកនៅតាមហាងបង្កឲ្យមានការឆ្លងរាលដាលស្ទើរគ្រប់ទីកន្លែងបង្កបញ្ហាដល់អាជ្ញាធរក្នុងការស្វែងរកប្រភ ពនៃការឆ្លងចម្លង។ «ឆាប់​ភ័យ ឆាប់​បាត់» នេះ​គឺ​ជា​ចរិត​លក្ខណៈ​របស់​ពលរដ្ឋ​ខ្មែរួយចំនួន​ដែល​គេ​សង្កេត​ឃើញ​មាន​ជា​យូរ​មក​ហើយ ​។ កាល​ពី​ខែ​មីនា២០២០ពេល​ដែល​កូវីដ​១៩​កំពុង​ផ្ទុះ​ឡើង​ដំបូង​ៗពលរដ្ឋ​ខ្មែរ​នាំ​គ្នា​ភ័យ​ស្លន់​ស្លោ នាំ​គ្នា​ដណ្ដើម​ទិញ​ម៉ាស​និង​អាល់កុល​លាង​ដៃ​រហូតទាល់​តែ​​អស់​ពី​ស្តុក​ ការ​ជួប​ជុំ​ផ្សេង​ៗ​ត្រូវ​គេ​កាត់​បន្ថយ ចំ ណែក​ការ​ដើរហើរ​ជា​ទូទៅ​ក៏​មិន​សូវ​អ៊ូអរ ។ ក៏ប៉ុន្តែបន្ទាប់មកពេលដែលអ្នកឆ្លងកូវីដ១៩ ថយចុះបន្តិចភាពសប្បា យភ្លេចខ្លួនបាន វិលត្រឡប់មកវិញ ដោយគិតថាកូវីដគ្រាន់តែជាជំងឺផ្តាស់សាយវាមិនងាប់នោះទេ។មកដល់​ខែ​វិច្ឆិកា​២០២០ កម្ពុជា​ស្រាប់​តែ​រក​ឃើញ​​ករណី​វិជ្ជមាន​កូវីដ​១៩​នៅ​ក្នុង​ប្រទេស តាម​រយៈ​ការ​ប្រាស្រ័យ​ទាក់​ទង​ជាមួយ​ជាមួយ​រដ្ឋ​មន្ដ្រី​ការបរទេស​និង​ពាណិ្ជកម្មរបស់​ហុងគ្រីដែល​មក​បំពេញ​ទស្សន​កិច្ច​នៅកម្ពុជានោះគឺជាការឆ្លងសហ គមន៍លើកទី ១ ដែលបានដាក់ឈ្មោះថាព្រឹត្តិការណ៍សហគមន៍៣វិច្ឆិកាមនុស្ស​រាប់​រយ​នាក់ត្រូវ​ធ្វើ​ចត្តាឡីស័កដាក់​ខ្លួន​ឯង​ឲ្យ​នៅ​ដាច់​ដោយ​ឡែក​រយៈ​ពេល១៤​ថ្ងៃ។ក្រោយមកទៀតព្រឹត្តិការណ៍សហគមន៍ ២៨ វិច្ឆិកា ដែលជាការឆ្លង សហគមន៍លើកទី២ និង ឈានចូលព្រឹត្តិការណ៍សហគមន៍ ២០ កុម្ភៈ ដែលព្រឹត្តិការណ៍នេះមានមនុស្សស្លាប់ទៀត ផង ។ បើ​ទោះ​បីអ៊ីចឹង​ក៏​ដោយគេ​សង្កេត​ឃើញ​ថាពលរដ្ឋ​ទូទៅពិសេសយុវជនហាក់​ដូច​ជា​ពុំ​បាន​ចាប់​អារម្មណ៍​ឬ​ភ័យ​ខ្លាច​ទាល់តែ​សោះ​ចំពោះ​ជំងឺ​កូវីដ ១៩​ អ្នកខ្លះគិតថាចារឿងនយោ បាយ អ្នកខ្លះថាជាការសំដែងទៅវិញ ​។

យើងពិតជាទទួលស្គាល់ថា​ជីវិតអ្នក​រស់នៅ​ក្នុងទីក្រុង ពេលថ្ងៃមានការមមាញឹកណាស់នៅពេលថ្ងៃ ព្រោះម្នាក់ៗត្រូវប្រកបការងាររកទទួលទានដើម្បីចិញ្ចឹមក្រពះ អ្នកខ្លះ ត្រូវរៀនសូត្រដូចនេះពេលទំនេររបស់ពួកគេគឺមានតែពេល យប់ប៉ុណ្ណោះ ។ អ្នកមានក្រុមគ្រួសារអាចនៅផ្ទះហូបបាយជុំគ្នា ។ ក៏ប៉ុន្តែសម្រាប់ប្រជាពលរដ្ឋដែលជាចំណាក ស្រុក មករស់នៅភ្នំពេញជួលផ្ទះគេស្នាក់នៅ រៀនសូត្រនិង ប្រកបការងារ ពួកគេតែងជួបជុំគ្នានៅតាមហាង ហូបអាហារ​ ផឹកស្រានិង ច្រៀងរាំសប្បាយ ដើម្បីបំបាត់ការហត់ នឿយពីការងារ​ដើម្បីកាត់ស្ត្រេស ។ ជាមួយគ្នានេះសកម្មភាពសេដ្ឋកិច្ចក៏មានភាពរស់រវើកផងដែរអ្នកប្រកបរបរលក់អាហារនៅតាមហាងនៅតាមសួនច្បារនៅតាមចញ្ចើម ផ្លូវ ក៏មានភាពមមាញឹកផងដែរ។ដូចនេះការដាក់បំរាមគោចររបស់រដ្ឋបាលរាជធានីភ្នំពេញវាមិនអាចចៀសផុតពីការ ប៉ះពាល់ទៅលើជីវភាពរបស់អ្នកលក់ដូរទាំងនោះទេ ។ បញ្ហានេះវាបាន​បង្ក​ឲ្យ​មាន​ភាពតានតឹង និង ការមិនពេញចិត្តពីពលរដ្ឋដោយសារតែ​ហេតុផល​សេដ្ឋកិច្ចព្រោះថាជីវិតរស់នៅទីក្រុងបើគ្មានប្រាក់ចំណូល គ្មានការងារធ្វើហើយពួកគេច្បាប់ជាត្រូវជួបការលំបាកច្រើនព្រោះត្រូវការហូបចុកផង ត្រូវការបង់ថ្លៃផ្ទះជួលបង់ថ្លៃទឹកភ្លើងនិងតម្រូវ ការការរស់នៅ​ប្រចាំថ្ងៃទៀត ។ក៏ប៉ុន្តែការលក់ដូររបស់ បងប្អូនក៏មានហានិភ័យផងដែរ ព្រោះយើងមិនអាចដឹងថាមនុស្សមួយណាមានកើតជំងឺកូវីដ១៩នោះទេ​​ វាអាចធ្វើឲ្យយើងឆ្លងជំងឺកូវីដ១៩ នេះបានដោយមិនខ្លួនផងដែរ ។

ក្នុងកាលៈទេសៈនេះប្រជាពលរដ្ឋត្រូវស៊ូទ្រាំមួយរយៈពេលខ្លីដើម្បីយើងឈានទៅបិទបញ្ចប់ព្រឹត្តិការណ៍សហគមន៍ ២០ កុម្ភៈឲ្យបានឆាប់ ។ យើងសុខចិត្តលំបាកក្នុងរយៈ ពេលខ្លីដើម្បីរក្សានូវប្រក្រតីភាពសម្រាប់រយៈពេលវែង ។នៅ​ក្នុង​បរិបទ​ភ្នំពេញ​សព្វ​ថ្ងៃពលរដ្ឋ​គួរ​តែ​ត្រឡប់​ទៅ​បារម្ភ​និង​ការពារ​ខ្លួនដូច​កាល​ពីខែ​មីនា​ឆ្នាំ២០២០ ឡើងវិញ​ព្រោះ​សូម ​កុំ​ភ្លេច​ថាជំងឺ​កូវីដ​១៩​នេះឆ្លង​ដោយ​ពុំ​រើស​មុខ​ទេ ហើយឆ្លងរហ័សទៀតផង ។ ពលរដ្ឋ​ត្រូវ​យល់​ថាការដាក់បំរាមគោ ចរណ៍ពីម៉ោង ២០ យប់ដល់ម៉ោង៥ភ្លឺនាពេលនេះគឺជាក្ដី​ព្រួយ​បារម្ភ​របស់​រាជរដ្ឋាភិបាលចំពោះអាយុជីវិតរបស់ប្រជា ពលរដ្ឋ វាពុំ​មាន​អ្វី​ខុស​ប្រក្រតី​ទេប៉ុន្តែ​ជា​រឿង​ត្រឹម​ត្រូវ​ទៅវិញដើម្បី​កុំ​ឲ្យ​ការឆ្លងរាលដាលនៃ​ជំងឺ​ដ៏​កាចសាហាវ​មួយនេះរាតត្បាតចូល​ទៅ​ក្នុង​សហគមន៍​កាន់តែធំនិងកាន់តែធ្ងន់ធ្ងរដែលនាំទៅដល់មានអ្នកឆ្លងកាន់តែច្រើននិងស្លាប់កាន់តែច្រើនឡើង ។ ដូចនេះការដាក់បំរាមគោចរពីម៉ោង២០យប់ដល់​ម៉ោង៥ ភ្លឺគឺ​ជា​រឿង​ត្រឹម​ត្រូវវាអាចកាត់បន្ថយបានការជួបជុំ ប្រមូលផ្តុំផឹកស៊ីសប្បាយភ្លេចខ្លួនដែលឈានទៅបំពានលើវិធានរបស់ក្រសួងសុខាភិ បាល ។ ការដាក់បំរាមនេះបង្ហាញពីប្រសិទ្ធភាពក្នុងការទប់ស្កាត់ការរីករាលដាលនៃមេរោគកូវីដ១៩ ។ ទោះបីជាវាមានការប់ះពាល់ទៅលើការប្រកបរបរទទួល ទានរបស់ប្រជាពលរដ្ឋក៏ដោយ​តែវាមិនបង្កឲ្យពលរដ្ឋដាច់ពោះស្លាប់នោះទេ អាជ្ញាធរនិងជួយឧបត្ថម្ភដល់បងប្អូន តែការរីករាលដាលនៃមេរោគកូវីដ១៩ទេដែលសម្លាប់ជីវិត ប្រជាពលរដ្ឋ ។

យើង​ត្រូវ​ចង​ចាំ​ថាបញ្ហា​ចំពោះ​មុខនា​ពេល​នេះ​គឺ​ការ​ប្រយុទ្ធ​ប្រឆាំង​នឹង​ការ​ឆ្លង​រាត​ត្បាត​នៃ​​ជំងឺ​កូវីដ​១៩ ដែល​ការ ងារ​នេះ​តម្រូវ​ឲ្យ​​ពលរដ្ឋ​ទូទៅ​ចូល​រួម​ជាមួយ​រាជរដ្ឋាភិបាល​​។ការ​ចូល​រួម​សំខាន់​បំផុតគឺ​នាំ​គ្នា​រក្សា​គម្លាត​សង្គមចៀស ​វាង​ការ​ប្រមូល​ផ្ដុំ ​ប្រយ័ត្ន​ប្រយែង​ និង ​ថែ​ទាំ​អនាម័យ​ព្រម​ទាំង​សុខភាព​ខ្លួន​ឯងអនុវត្តឲ្យបានបីការពារនិងបីកុំ។ ការងារ​នេះ​សំខាន់​ខ្លាំង​ណាស់​ដើម្បី​ធានា​ថាយើង​ម្នាក់​ៗមិន​ធ្លាក់​ខ្លួន​ជា​ជន​រង​គ្រោះ​នៃ​ជំងឺ​កូវីដ​១៩និង​មិន​ក្លាយ​ជា​ភ្នាក់ងារ​ចម្លង​ជំងឺ​នេះ​ទៅ​កាន់​អ្នក​ដទៃជា​ពិសេស​មនុស្ស​ចាស់​និង​អ្នក​ដែល​មានសុខភាព​ទន់​ខ្សោយ ​។ នេះ​គឺ​​​ការ​​​​​​រួម​ចំណែក​ដ៏​ធំ​ធេង​មិន​អាច​កាត់​ថ្លៃ​​បានរបស់​ពលរដ្ឋម្នាក់​ៗដើម្បី​កាត់​បន្ថយ​និង​ទប់​ស្កាត់​ការ​ឆ្លង​​នៃ​ជំងឺ​កូវីដ​១៩​នៅ​កម្ពុជា​៕