ដោយ​៖​តារា​រិ​ទ្ធ​/​ភ្នំពេញ​៖​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុ​ជានា​ព្រលប់​ថ្ងៃទី​៦ ខែមេសា​នេះ​បានចេញ​សារ​សម្លេង​ណែនាំ គណៈកម្មការ​ចំពោះ​កិច្ច​ចាក់​វ៉ាក់សាំងរៀបចំ​ផែនការ​ចាក់​វ៉ាក់សាំង​ជា​បន្តទៀត​ដោយ​ផ្តោត​សំខាន់​ទីក្រុង​ភ្នំពេញនិងខេត្តកណ្តាល​ជា​អាទិភាព​ដើម្បី​ធ្វើ​ឲ្យ​ទីក្រុង​ភ្នំពេញ​មាន​ភាពស៊ាំ ។ ជាមួយនេះ​សម្តេច​តេ​ជោ ហ៊ុន សែន ក៏បាន​រំពឹងទុក​ថា​ការចាក់​វ៉ាក់សាំង​នាពេលខាងមុខ​វា​លែង​ជា​វ៉ាក់សាំង​នឹង​ក្លាយទៅជា​វ៉ាក់សាំង​កាត​ព្ធ​កិច្ច ដែល​ពលរដ្ឋ​ត្រូវ តែ​ចាក់​វ៉ាក់សាំង​ទើប​ទទួលបាន​ការងារ​ធ្វើ ។​

 

 

​ប្រមុខ​រាជរដ្ឋាភិបាល​បាន​ថ្លែង​ទៅកាន់ លោក វ​ង្សី វិសុទ្ធ រដ្ឋលេខាធិការ​ក្រសួង​សេដ្ឋកិច្ច​និងហិរញ្ញវត្ថុ ដែលជា​ប្រ ធាន​គណៈកម្មការ​ចរចា​ទិញ​វ៉ាក់សាំង និងលោកស្រី ឱ វណ្ណឌី​ន ប្រធាន​គណៈកម្មការ​ចំពោះ​កិច្ច​ចាក់​វ៉ាក់សាំង គួរ តែរៀបចំ​ចាក់​វ៉ាក់សាំង​ជា​បន្តទៀត ។ សម្តេច​បន្តថា​ឥឡូវនេះ​គឺ​សម្រាប់​ដំណើរការ​ចាក់​សាំង​ទៅលើ​ក្រុម​អាទិភាព នៅក្នុង​ក្របខ័ណ្ឌ​ទូទាំងប្រទេស​បាននិងកំពុង​ដំណើរការ​ហើយ ។ ប៉ុន្តែ​បើ​ពិនិត្យ​អំពី​ស្ថានភាព​នៅពេល​ខាងមុខ​ហើយ​ទាក់ទិន​ជាមួយនឹង​ការរីក​រាលដាល​នៅ​ទីក្រុង​ភ្នំពេញ ជំហាន​បន្ត​របស់​យើង​គឺ​ត្រូវ​គ្រប់គ្រង​ទីក្រុង​ភ្នំពេញ​និង​ខេត្តកណ្ដាល​ឲ្យ​បាន ។ ជាពិសេស​ភ្នំពេញ​យើង​បានផ្ដល់​អាទិភាព​ខ្ពស់​ដែល​កន្លងទៅ ទាំង អា​ស្តា​ហ្សែ​នី​កា​បានផ្ដល់ ដោយ​ចាក់​សម្រាប់​ប្រជាពលរដ្ឋ​ច្រើន​ម៉ឺន​នាក់ និង ស៊ី​ណូ​ហ្វា​ម ៤០ ម៉ឺន​ដូ​ស ក៏បាន​ប្រើប្រាស់​នៅក្នុង​រាជធានី​ភ្នំពេញ​ផងដែរ ។ ក៏ប៉ុន្តែ​ដើម្បី​ធានា​ភាពស៊ាំ​នៅ​ទីក្រុង​ភ្នំពេញ ដែលជា​តំបន់​កន្លែង​លំហូរ​ប្រមូលផ្ដុំ​មនុស្ស​និង​លំហូរ​ចេញ​ក្រៅ​និង​ពី​ក្រៅ​ចូលមកក្នុង​ចាំបាច់​ត្រូវតែមាន​ភាពស៊ាំ​នៅ​ទីក្រុង​ភ្នំពេញ​និង​ខេត្តកណ្ដាល ។

​សម្តេច​តេ​ជោ​នាយករដ្ឋមន្ត្រី​បាន​សុំ​ឲ្យ​គណៈកម្មការ​ចំពោះ​កិច្ច​ចាក់​សាំង​ធ្វើ​ផែនការ​ថ្មី រៀបចំ​ធ្វើ​ផែន​ការចាក់​វ៉ាក់សាំង​បន្ត​នៅពេលដែល​វ៉ាក់សាំង​ថ្មី​មកដល់​ឆ្ពោះ​ទៅលើ​ភូមិ សាស្ត្រ​ទីក្រុង​ភ្នំពេញ​និង​ខេត្តកណ្ដាល ។ សម្តេច​បន្ត​ថាបើ​យើង​មិន​ធ្វើ​ដូច្នេះ​ទេ​យើង​ដាក់​ត្រង់នេះ​បន្តិច​ត្រង់នោះ​បន្តិច​ភាពស៊ាំ​នេះ​មិន​គ្រប់គ្រាន់​ទេ ។​ដូចនេះ​យើង​ត្រូវ​ផ្ដល់ អាទិភាព​ឲ្យ​ទីក្រុង​ភ្នំពេញ​តែម្ដង​សម្រាប់​ការចាក់​វ៉ាក់សាំង​ហើយ​ទីក្រុង​ភ្នំពេញ​មិន​សំដៅថា​ជា​នរណា​ទេ​ព្រោះ​យើង​បានកំណត់​គោលដៅ​អាទិភាព​នៃ​ត្រូវបាន​ចាក់​រួចមក​ហើ យ ។ ដូច្នេះ​គោលដៅ​បន្ត​ត្រូវ​ច្បាម​យក​ជាមួយ​មនុស្ស​ទាំងអស់​ត្រូវ​តែ​ចាក់​វ៉ាក់សាំង ។​

​សម្តេច​តេ​ជោ ហ៊ុន សែន បាន​បន្តថា​៖«​ឥឡូវនេះ​យើង​នៅ​ចាក់​វ៉ាក់សាំង​ដំណើរការ​ដោយ​ស្ម័គ្រចិត្ត ប៉ុន្តែ​សម្តេច​គិតថា​នៅពេល​ណាមួយ​ចាក់​សាំង​ក្លាយទៅជា​វ៉ាក់សាំង កាតព្វកិច្ច​តែ​នេះ​គ្រាន់តែ​ជាការ​គិតគូរ​ដោយ​យោល​ទៅ​សភាពការណ៍​ជាក់ស្ដែង​ដែល​កំពុង​វិ​វត្ត​នៅលើ​ពិភពលោក​ប្រទេស​ខ្លះ​ចាប់​ផ្ដើមធ្វើ​បដិកា​ជាមួយគ្នា​ដោយ​ចាក់​វ៉ា​ក់ សាំង​ហើយ​បន្ធូរបន្ថយ​ការធ្វើ​ច​ត្តា​ឡី​ស័ក​និង​ការ​ទៅមក​រកគ្នា​បាន​។​ប៉ុន្តែ​នៅក្នុង​ប្រទេស​របស់​យើង​ទីក្រុង​ភ្នំពេញ​និង​ខេត្តកណ្ដាល​និង​កន្លែង​ដទៃទៀត​នៅពេលដែល​ក្រុម ហ៊ុន សហគ្រាស​គេ​បាន​ចាក់​សាំង​អស់ហើយ​អ្នក​ដែល​មិនបាន​ចាក់​វ៉ាក់សាំង​អាច​មិន​ទទួលបាន​ការងារ​ធ្វើ​នៅ​ទីនោះ​ទៀត​ទេ​ហើយ​ការប្រលង​ជ្រើសរើស​បុគ្គលិក​ចូលធ្វើ ការ​បើ​មិន​បានទទួល​ការ ចាក់​វ៉ាក់សាំង​ទេ ពួកគេ​ក៏​អាច​នឹងមិន​ទទួលបាន​ការអនុញ្ញាត​ឲ្យ​ប្រឡង​ចូលធ្វើការ​ដែរ ។ អញ្ចឹងទេ​បន្តិចទៀត​នៅលើ​ពិភពលោក​អាច​ថា​វ៉ាក់សាំង ក្លាយជា​វ៉ាក់សាំង​កាតព្វកិច្ច​តែ​ម្ដ នេះ​ជាការ​ប្រមើលមើល​របស់​ខ្ញុំ​» ។

​សម្តេច​តេ​ជោ​បន្ត​ទៀ​ថា​៖​អ្នក​មិនបាន​ចាក់​វ៉ាក់សាំង​គឺជា​អ្នក​អភ័ព្វ អ្នក​ដែល​ពុំមាន​លទ្ធភាព​ទទួលបាន​ការងារ​ធ្វើ ឬ​ការស្វាគមន៍​ពី​អ្នក​ដែរ​បាន​ចាក់​វ៉ាក់សាំង​ដែលជា​ការ​រើស អើ​ង​មួយ ។ សម្តេច​បាន​សង្កត់ធ្ងន់​ថា​ចំណុច​នេះ​ជា​ចំណុច​ដែល​ត្រូវ​គួរ​យកចិត្តទុកដាក់ ។​

​សម្តេច​បាន​សង្កាត់​ធ្ងន់​ឲ្យ​លោកស្រី ឱ វណ្ណឌី​ន ពិភាក្សា​ជាមួយ​លោក វ​ង្សី វិសុទ្ធ នៅពេលដែល​វ៉ាក់សាំង​ថ្មី​មកដល់​ត្រូវ​រៀបចំ​ផែនការ​ដើម្បី​ចាក់​នៅ​ទីក្រុង​ភ្នំពេញ អ្នក​ខេត្ត កណ្ដាល ហើយ​អាច​តាមផ្លូវ​ជាតិ​លេខ​៤ ដែលជា​តំបន់​រោងចក្រ​គឺ​កម្មករ​ទាំងអស់​នឹងត្រូវ​ទទួលបាន​នូវ​វ៉ាក់សាំង ហើយ​តាម​ផ្លូវជាតិ​លេខ​៣ តាមផ្លូវ​ជាតិ​លេខ ២​និង​នៅតាម តំបន់​ផ្សេងទៀត ដែល​នៅ​កៀក​ក្រុងភ្នំពេញ​តែម្ដង ដែលមាន​មនុស្ស​ច្រើន​ត្រូវ​ទទួលបាន​វ៉ាក់សាំង ។ ដូច្នេះ​ត្រូវធ្វើ​ការងារ​ជាមួយនឹង​ក្រសួង​ការងារ​និង​បណ្ដុះបណ្ដាល​វិជ្ជា ជីវៈ ,​រដ្ឋបាល​រាជធានី​ភ្នំពេញ និង ខេត្តកណ្ដាល​ថា​តើ​មាន​ចំនួន​មនុស្ស​ប៉ុន្មាន​សម្រាប់​ការទទួល​វ៉ាក់សាំង​នេះ ទាំង​ប្រជាជន​ធម្មតា​អ្នក​ដែល​មិនទាន់​ទទួលបាន​វ៉ាក់សាំង តើ​នៅសល់​ប៉ុន្មាន ។ ដូចនេះ​យើង​អាច​សរុប​បាន​នៅក្នុង​ការទិញ​យកមក ឬក៏​ជា​ជំនួយ គឺ​ប្រើប្រាស់​ទៅលើ​គោលដៅ​នេះ​ជា​អា​ទី​ភាព​ខ្ពស់បំផុត ។​ដើម្បី​ផ្ដល់​ភាពស៊ាំ​ឲ្យ​អ្នក រស់នៅ​ទីក្រុង​ភ្នំពេញ នៅ​ខេត្តកណ្ដាល ដើម្បី​ឲ្យ​អ្នក​ចូលមក​ទីក្រុង​គ្មាន​ការចម្លង​ពី​អ្នកទីក្រុង​ទៅ​ជនបទ ,​អ្នកទីក្រុង​ទៅ​ជនបទ​មិនមាន​នាំ​ជំងឺ​ទៅកាន់​ជនបទ​ទៀត​ទេ ៕