​ប្រែ​សម្រួល : កញ្ញា​ដា​លី​ស ៖ សរុប​ចំនួន​អ្នក​ឆ្លង​វីរុស​កូរ៉ូណា​នៅលើ​ពិភពលោក​ឥឡូវនេះ​គឺ​ប្រហែលជា​១៣៣ លាន​នាក់ ដោយ​ចំនួន​អ្នក​ស្លាប់​បាន​កើនឡើង​ដល់ ២,៨៨ លាន​នាក់​នេះ​បើ​យោង​តាម​វេបសាយ Baltimore នៃ​សាកលវិទ្យាល័យ​ច​ន​ហប់​ឃី​ន​នៃ​រដ្ឋ​ម៉ា​រី​លែ​ន​។​

​សហរដ្ឋ​អាម៉េរិក​នៅតែ​ជា​ប្រទេស​ដែល​រង​ផលប៉ះពាល់​ខ្លាំងជាងគេ ដោយ​មាន​ករណី​ឆ្លង​វីរុស​កូរ៉ូណា​ប្រមាណ ៣០,៩ លាន​នាក់​ខណៈ​ជនជាតិ​អាមេរិក​យ៉ាងតិច ៥៥៣.០០០​នាក់​បាន​ស្លាប់​ក្នុងពេល​​មាន​ជំងឺ​រាតត្បាត​នេះ​។

​សហរដ្ឋ​អាម៉េរិក​ត្រូវ​បាន​តាម​ពីក្រោយ​ដោយ​ប្រេ​ស៊ីល​ដែល​មាន​អ្នក​ឆ្លង​ប្រហែលជា ១៣ លាន​នាក់​និង​មាន​អ្នកស្លាប់​ជា​ង ៣៤០.០០០ នាក់​។​

​ក្នុងពេល​ជាមួយគ្នា​នេះ​ដែរ ឥណ្ឌា​បច្ចុប្បន្ន​មាន​ចំនួន​ឆ្លង​ច្រើន​បំផុត​ទី ៣ លើ​ពិភពលោក ហើយ​នៅ​ថ្ងៃ​ព្រហស្បតិ៍​នេះ​មាន​អ្នក​ឆ្លង​ខ្ពស់​បំផុត​រហូតដល់ ១២៦.៧៨៩ នាក់ (​ឆ្លង​សរុប ១២,៨​លាន​នាក់​​និង​មាន​អ្នកស្លាប់​សរុប​ជិត ១៦៦.០០០ នាក់​) ខណៈ​ម៉ិក​ស៊ិក​មានចំនួន​អ្នកស្លាប់​ខ្ពស់​ជាង​គេ​លំដាប់​ទី ៣ លើ​ពិភពលោក គឺ​ជាង ២០៥.០០០ នាក់ ដោយ​មាន​អ្នក​ឆ្លងកូវី​ដ​ប្រមាណ ២,២ លាន​នាក់​៕

ឥណ្ឌា​ជាប់​លេខ​៣​លើ​ពិភពលោក​ខាង​ឆ្លងកូវី​ដ​១៩