កូនលោក , បំព្រង , ពពេច , រំគាល , សោភា​

ដោយៈ ដកស្រង់​ពី​វចនានុក្រម សម្តេច​សង្ឃរាជ ជួន ណាត​

​កូនលោក​

​នាមសព្ទ​

​ឈ្មោះ​បក្សី​មួយ​ប្រភេទ ពួក​ត្រយង​, រនាល តែ​តូច​ជាង មាន​ត្រី ខ្យង ខ្ចៅ ជា​អាហារ ។ ស្រុក​ខ្លះ​ហៅថា គោ​លោក​, ខ្លះទៀត​ហៅថា លា​លោក ។​

​បំព្រង​

​គុណសព្ទ​

​ស្រស់ត្រចង់​ឬ​ត្រយង់​ភ្លឺ​ថ្លា​
​ស្រស់បំព្រង​, មុខ​បំព្រង​, ល្អ​បំព្រង ។​

​ពពេច​

​នាមសព្ទ​

​ឈ្មោះ​សត្វ​ស្លាប​មាត្រ​តូច​មួយ​ប្រភេទ ពួក​ចាប មាន​សម្ដី​ច្រើន និយាយ​ចេចចាចៗ​មិនសូវ​ស្រាក ។ ( ព​. កា​. )
​ពពេច​ទំ​មែក​ពពូលថ្ម កុកស​ហើរ​ព្រាត​លើ​បឹង​ធំ ត្រយង​យំ​ថ្ងូរ​សូរ​រងំ វា​ទំ​លើ​មែក​ពពូលទឹក ។​

​រំគាល​

​កិរិយាសព្ទ​

( ព​. បុ​. ) រលស់​, ថយ​ចំនួន ( ព​. កា​. )

​ស្ដេច​ទតព្រះនេត្រ​យង់យល់ រំគាល​រេហ៍ពល ពុំ​អាច​តទល់​ទ័ព​បាន ។ . . . ទ្រង់​ក្រោធ​ច្រឡោត​អង្គ​ប្រាណ ព្រះទ័យ​ឥត​ក្សាន្ត បាន​ត្រាស់​បញ្ជា​ជាថ្មី ។ . . .

​គុណសព្ទ​

( ព​. បុ​. ) រលស់​, ថយ​ចំនួន ( ព​. កា​. )

​ស្ដេច​ទតព្រះនេត្រ​យង់យល់ រំគាល​រេហ៍ពល ពុំ​អាច​តទល់​ទ័ព​បាន ។ . . . ទ្រង់​ក្រោធ​ច្រឡោត​អង្គ​ប្រាណ ព្រះទ័យ​ឥត​ក្សាន្ត បាន​ត្រាស់​បញ្ជា​ជាថ្មី ។ . . .

​សោភា​

​គុណសព្ទ​

( បា​.; សំ​. ឝោ​ភា ) ល្អ​; ហ្មត់ហ្មង​; ភ្លឺ​ត្រចះ​, ត្រចង់​; ត្រយង់ ។​

​នាមសព្ទ​

​លំអ​; ពន្លឺ​, ពន្លឺ​ត្រចះ ។ ព​. កា​. ប្រើ​ជា សោភី ក៏បាន​; បើ​ស្ត្រី​ជា សោភិនី “​ស្ត្រី​ល្អ​, នាង​ល្អ​” ក៏បាន ។ ព​. សា​. សម្បូ​ណ៍​សោភិនី សម្បូ​ណ៍​គរគោក​យក​មិន​អស់ ។​

ទីតាំងផ្សាយពាណិជ្ជកម្ម

- Advertisment -

Most Popular