ដោយ​: អង្គរតូច / សៀមរាប: បុរស​ម្នាក់ បាន​ស្លាប់​នៅនឹងកន្លែង​កើតហេតុ ឯ​ស្ត្រី​ដែល​រួម​ដំណើរ​ម្នាក់ទៀត រងរបួស​ធ្ងន់ ក្នុង​ហេតុការណ៍​គ្រោះថ្នាក់ ដោយសារ​បើក​ម៉ូតូ បុក​គូថ​រថយន្ត ពីក្រោយ ដែល​កំពុង​ចត​ស្ងៀម​។ ហេតុការណ៍​នេះ បានកើត​ឡើង កាលពី​វេលា​ម៉ោង ៧ យប់ ថ្ងៃទី​៩ ខែមេសា ឆ្នាំ​២០២១ នៅលើ​ផ្លូវជាតិ​លេខ ៦ ត្រង់ចំណុច​ភូមិ​កំពង់​ថ្កូវ​២ ឃុំ​កំពង់​ថ្កូវ ស្រុក​ក្រឡាញ់ ខេត្តសៀមរាប។

​អាវុធហត្ថ​ស្រុក​ក្រឡាញ់ បាន​រាយការណ៍​ថាៈ ម៉ូតូ​រងគ្រោះ ម៉ាក​ហុងដា ឌ្រី​ម សេរី​ឆ្នាំ​២០១៧ ពណ៌​ខ្មៅ ពាក់​ស្លាក​លេខ ប​.​មានជ័យ 1P.9886 បើកបរ​ដោយ ឈ្មោះ អត សឿ​ប ភេទ​ប្រុស អាយុ ៥០ ឆ្នាំ រស់នៅ​ភូមិ​សំពៅ​លូន​ខាងលិច ឃុំ​ប្រាសាទ ស្រុក​ព្រះនេត្រព្រះ ខេត្តបន្ទាយមានជ័យ មាន​អ្នកជិះ​រួម​ដំណើរ​ជាមួយ ឈ្មោះ ផល្លី ភេទ​ស្រី អាយុ ៣២ ឆ្នាំ រស់នៅ​ភូមិ​ដូន​អាវ ឃុំ​ប​វិល ស្រុក​ប​វិល ខេត្តបាត់ដំបង បើកបរ ក្នុងទិសដៅ​ពី​ខាងកើត ទៅខាង​លិច (​អ្នកបើក​បរពាក់ មួកសុវត្ថិភាព ឯ​អ្នករួមដំណើរ មិន​ពាក់មួក​ទេ​។​

​ប្រភព​ដដែល បាន​បន្តថា ម៉ូតូ​បាន​បុក​រថយន្ត​ធំ មួយគ្រឿង ពីក្រោយ​ម៉ាក HINO ពណ៌​បៃតង ពាក់​ផ្លាកលេខ ភ្នំពេញ 3C.2940 បើកបរ ដោយ​ឈ្មោះ មិន​ស្គាល់​អត្តសញ្ញាណ បើក​មក​ឈប់ នៅ​ចិញ្ចើមផ្លូវ​ខាងស្តាំ បែរ​ក្បាល​ទៅ​ទិស​ខាងលិច​។ ពេល​កើតហេតុ​រួច អ្នកបើកបរ​រថយន្ត​ធុន​ធំ បាន​ចុះ​រត់​គេចខ្លួនបាត់​។ ក្នុង​ហេតុការណ៍ បណ្តាលអោយ​ស្លាប់​មនុស្ស ម្នាក់​ឈ្មោះ អត សឿ​ប​។ អ្នករួមដំណើរ​រងរ​បួស​ធ្ងន់ ឈ្មោះ ផល្លី និង រង​ការខូចខាត​ម៉ូតូ​ធ្ងន់ ១​គ្រឿង និង​រថយន្ត​ស្រាល ១​គ្រឿង​។ មូលហេតុ​គ្រោះថ្នាក់ បណ្តាលមកពី​អ្នកបើកបរ​ម៉ូតូ បើកបរ​មាន​ល្បឿន​លឿន ខ្វះ​ការប្រុងប្រយ័ត្ន និង​អ្នកបើកបរ​រថយន្ត ធុន​ធំ បើក​មក​ឈប់ នៅលើ​ផ្លូវថ្នល់​។​

​ក្រោយពេល​កើតហេតុ​រួច កម្លាំង​ជំនាញ បានប្រគល់​សព​ជូន ក្រុមគ្រួសារ​ជនរងគ្រោះ​។ ឯ​ជន​រង គ្រោះ​ម្នាក់ទៀត បាន​បញ្ជូនទៅ​ព្យាបាល នៅ​មន្ទីរពេទ្យបង្អែក ស្រុក​ក្រឡាញ់​។ ចំណែក​វត្ថុតាង​ទាំង ពីរ​គ្រឿង កម្លាំង​ជំនាញ​ចរាចរណ៍ បាន​យកមក​រក្សាទុក នៅ​អធិការដ្ឋាន ដើម្បី​ចាត់ការ តាម​នីតិវិធី​ច្បាប់​៕/V​