​ប្រែ​សម្រួល : កញ្ញា​ដា​លី​ស ៖ អង្គការ​សុខភាព​ពិភពលោក (WHO)​បាន​រិះគន់​អ្វី​ដែល​ខ្លួន​ពិពណ៌នា​ថា​ជា​អតុល្យភាព​គួរ​ឱ្យ​តក់ស្លុត​ក្នុងការ​ចែកចាយ​វ៉ាក់សាំង​ការពារ​វីរុស​កូរ៉ូ​ណា​រវាង​ប្រទេស​អ្នក​​មាន​និង​អ្នកក្រ​។​

​ប្រមុខ​អង្គការ​នេះ​បាន​និយាយ​ថា​គោលដៅ​នៃ​ការមើលឃើញ​កម្មវិធី​ចាក់​វ៉ាក់សាំង​ដែល​កំពុង​ដំណើរការ​ឱ្យ​បាន​គ្រប់​ប្រទេស​ទាំងអស់​នៅ​ត្រឹម​ថ្ងៃ​សៅរ៍​នឹង​ត្រូវ​ខកខាន​។​

WHO បាន​អំពាវនាវ​ជា​យូរ​មក​ហើយ​ឱ្យ​មាន​ការ​ចែកចាយ​វ៉ាក់សាំង​កូវី​ដ​១៩ ដោយ​ស្មើភាព​គ្នា​។​

​អង្គការ​កំពុង​ដឹកនាំ​គម្រោង Covax ដែល​ត្រូវបាន​បង្កើតឡើង​ដើម្បី​ឱ្យ​ប្រទេស​ក្រីក្រ​ទទួលបាន​វ៉ាក់សាំង​។​

​រហូតមកទល់​ពេលនេះ​វ៉ាក់សាំង​ជាង ៣៨ លាន​ដូស​ត្រូវបាន​បញ្ជូន​ទៅ​ប្រទេ​ស​ចំនួន ១០០ នៅក្រោម​គម្រោង​នេះ​។​

Covax សង្ឃឹម​ចែកចាយ​វ៉ាក់សាំង​ជាង​ពីរ​ពាន់​លាន​ដូ​សដល់​ប្រជាជន​នៅក្នុង​ប្រទេស​ចំ​នួន ១៩០ ក្នុង​រយៈពេល​តិចជាង​មួយឆ្នាំ​។ ជាពិសេស​ខ្លួន​ចង់​ធានាថា​ប្រទេស​ក្រីក្រ​ចំនួន ៩២​នឹង​ទទួល​បាន​ការ​​ចាក់​វ៉ាក់សាំង​ក្នុងពេល​តែមួយ​ជាមួយ​ប្រទេស​អ្នក​មាន​ដែរ​៕

អង្គការ​កំពុង​ដឹកនាំ​គម្រោង Covax ដែល​ត្រូវបាន​បង្កើតឡើង​ដើម្បី​ឱ្យ​ប្រទេស​ក្រីក្រ​ទទួលបាន​វ៉ាក់សាំង​