Home ព័ត៌មានសំខាន់ៗ រយៈពេល​៥​ថ្ងៃ...

រយៈពេល​៥​ថ្ងៃ ការចាក់​វ៉ាក់សាំង ស៊ី​ណូ​វ៉ា​ក់ ជូន​បងប្អូន​កម្មករ និយោជិត បាន​ជាង ៣៦.២១៧ នាក់​

ដោយ​៖ ដេប៉ូ / ភ្នំពេញ​៖ នៅ​ថ្ងៃទី​១១ ខែមេសា ឆ្នាំ​២០២១ នេះ ក្រសួង​ការងារ និង​បណ្តុះបណ្តាល​វិជ្ជាជីវៈ បានឱ្យដឹងថា គិត​ចាប់ពី​ថ្ងៃទី ៧-១១ ខែមេសា នៃ​ការចាក់​វ៉ាក់សាំង ស៊ី​ណូ​វ៉ា​ក់ ជូន​បងប្អូន​កម្មករ និយោជិត និង​ថ្នាក់ដឹកនាំ អង្គការ​វិជ្ជាជីវៈ បាន​ចំនួន​សរុប ៣៦.២១៧ នាក់​ហើយ​។​

​តាម​សេចក្តីជូនដំណឹង​របស់ ក្រសួង​ការងារ បានឱ្យដឹងថាៈ អនុគណៈកម្មការ​ចំពោះ​កិច្ច សម្រាប់​ចាក់​វ៉ាក់សាំង បង្ការ​ជំងឺ​កូ​វីដ -១៩ ជូន​បងប្អូន​កម្មករ និយោជិត និង ថ្នាក់ដឹកនាំ​អង្គការ​វិជ្ជាជីវៈ សូម​ជម្រាបជូន សាធារណជន អំពី​លទ្ធផល ការចាក់​វ៉ាក់សាំង ស៊ី​ណូ​វ៉ា​ក់ ជូន​បងប្អូន កម្មករ និយោជិត និង​ថ្នាក់ដឹកនាំ អង្គការ​វិជ្ជាជីវៈ ចាប់ពី​ថ្ងៃទី​៧ ដល់​ថ្ងៃទី​១១ ខែមេសា ឆ្នាំ​២០២១ ដោយ​ថ្ងៃនេះ អនុគណៈកម្មការ ចំពោះ​កិច្ច បាន​បើក​ទីតាំង ចាក់​វ៉ាក់សាំង ចំនួន ៧ ទីតាំង ដោយ​ទទួលបាន​លទ្ធផល ដូចខាងក្រោម​៖

​ក​-​លទ្ធផល​ក្នុង​ថ្ងៃទី​១១ ខែមេសា​
-​អ្នកស្ម័គ្រចិត្ត​ចាក់​វ៉ាក់សាំង​សរុប​ចំនួន ៨ ៦៩៣​នាក់ (​បរទេស​ចំនួន ៥១​នាក់ ចាក់​បាន​ចំនួន ៨ ៣៧២​នាក់ (​បរទេស​ចំនួន ៥១​នាក់​)
– គ្រូពេទ្យ​មិន​អនុញ្ញាតឱ្យ​ចាក់​ចំនួន ៣២១​នាក់ (​បរទេស​ចំនួន ០​នាក់​)​។​

​ខ​-​លទ្ធផល​គិត​ត្រឹម​ថ្ងៃនេះ​
-​អ្នកស្ម័គ្រចិត្ត​ចាក់​វ៉ាក់សាំង​សរុប​ចំនួន ៣៧ ៦២៦​នាក់ (​បរទេស​ចំនួន ១ ៦៥៧​នាក់ )
-​ចាក់​បាន​ចំនួន ៣៦ ២១៧​នាក់ (​បរទេស​ចំនួន ១ ៦៣៧​នាក់​)
– គ្រូពេទ្យ​មិន​អនុញ្ញាតឱ្យ​ចាក់​ចំនួន ១ ៤០៩​នាក់ (​បរទេស​ចំនួន ២០​នាក់​)​។​

​ក្នុង​សេចក្តីជូនដំណឹង ខាងលើនេះ បាន​បញ្ជាក់ដែរថា អនុគណៈកម្មការ​ចំពោះ​កិច្ច នឹង​បន្ត​រៀបចំ​ទីតាំង ចាក់​វ៉ាក់សាំង ជូន​បងប្អូន​កម្មករ និយោជិត នៅតាម​រោងចក្រ សហគ្រាស ជា​បន្តបន្ទាប់​ទៀត​៕/V​

ទីតាំងផ្សាយពាណិជ្ជកម្ម

- Advertisment -

Most Popular