Home ព័ត៌មានជាតិ សង្គម ទោះ​មិនអាច​ចេ...

ទោះ​មិនអាច​ចេញ​ក្រៅ​បាន​ក្តី តែ​ការរៀបចំ​រណ្តាប់​ទទួល​ទេវតា​ជា​រឿង​ចាំបាច់​

ដោយ​: បូកគោ / កំពត​: ទោះ​ក្នុងដំណាក់កាល នៃ​ការយាយី​ដោយ​ជំងឺ​កូ​វីដ​១៩​ក្តី អ្វី​ដែលជា​ទំនៀមទម្លាប់​ប្រពៃណី មិនអាច​ខកខាន​បាន​សម្រាប់​ឱកាស​បុណ្យចូលឆ្នាំថ្មី​រប​ស់​ពុទ្ធបរិស័ទ​នោះ គឺ​ការរៀបចំ​គ្រឿង​រណ្តាប់ ដើម្បី​ទទួល​ទេវតា​ចុះមក​ប្រោះព្រំ​ពរជ័យ​។ ដូច្នេះហើយ​ទើប​នៅ​ព្រឹក​ថ្ងៃទី​១៣ ខែមេសា ឆ្នាំ​២០២១ ពលរដ្ឋ​ក្នុង​ខេត្តកំពត​បាននាំគ្នា​សម្រុកចូល​ផ្សា​រទិញ​អីវ៉ាន់​សព្វសារពើ​ដើម្បី​រៀបចំ​ថ្វាយ​ទេវតា​តាម​ផ្ទះ​រៀងៗ​ខ្លួន​។

​លោក លាង រឿន​សុធី អភិបាលក្រុង​កំពត​បាន​បញ្ជាក់ថា តាម​ការសង្កេត​ជាក់ស្តែង នៅ​ព្រឹក​ថ្ងៃទី​១៣ ខែមេសា​នេះ​មាន​ពលរដ្ឋ​ជាច្រើន​បាននាំគ្នា​សម្រុក​មក​ផ្សារ​ទិញ​របស់របរ​ផ្សេងៗ​។ អ្វីដែល​គួរឱ្យ​កោតសរសើរ​គឺ​ពួគគាត់​បាន​ប្តូរ​ឥរិយាបថ​ចាស់ និង​មានការ​ប្រុងប្រយ័ត្ន​ខ្ពស់​ក្នុង​ការបង្ការ​ទប់ស្កាត់​ជំងឺ​កូ​វីដ​១៩ ដូចជា​ពាក់​ម៉ាស់​បាន​ត្រឹមត្រូវ មុន​ចូល​ផ្សារ​ទទួល​ការបាញ់ទឹក​អាល់កុល​ពី​សន្តិសុខ ការដើរ​មិន​ប្រជ្រៀត​គ្នា ពិសេស​មុននឹង​ទិញ​ទំនិញ​ណាមួយ​គឺ​ចង្អុល​ពី​ចម្ងាយ​ដោយ​មិនបាន​ប៉ះពាល់​ផ្ទាល់​ទេ​។ អ្នកខ្លះ​ក៏បាន​បាញ់​អាល់កុល​មុន និង​ក្រោយ​ទទួល​លុយ​ពីគ្នា​ផងដែរ​។ ពាក់ព័ន្ធ​នឹង​ពិធីបុណ្យ​ចូលឆ្នាំថ្មី លោក​អភិបាលក្រុង​បាន​រំលឹកថា ពលរដ្ឋ​អាច​រៀបចំ​ពិធី​តាម​ប្រពៃណី​នៅតាម​ផ្ទះ​រៀងៗ​ខ្លួន ប៉ុន្តែ​មិន​អនុញ្ញាត​ឱ្យមាន​ការជួប​ជុំគ្នា​ច្រើន​ក្រៅពី​សមាជិកគ្រួសារ​ខ្លួន​ទេ​។ បន្ថែម​លើ​នេះ ក្នុងនាម​រដ្ឋបាល​ក្រុង​លោក​សូម​អំពាវនាវ​ដល់​ប្រជាពលរដ្ឋ​ទាំងអស់​មេត្តា​បន្ត​រក្សា​វិធានការ​៣​ការពារ ៣​កុំ ក្នុង​ពិធីបុណ្យ​ចូលឆ្នាំថ្មី​ប្រពៃណីជាតិ ពិសេស​កុំ​ចេញពីផ្ទះ​ប្រសិនបើ​មិនមាន​ការចាំបាច់ ហើយ​ជៀសវាង​ឱ្យបាន​នូវ​ការជួបជុំ​ហូបចុក​ដែលមាន​គ្នាច្រើន​ដើម្បី​រួមគ្នា​ការពារ​ការឆ្លង​ជំងឺ​កូ​វីដ​១៩​។​

​លោក​នាក់ យិ​ត​ថូ ប្រធាន​មន្ទីរ​ធម្មការ និង​សាសនា​ខេត្តកំពត​បាន​ប្រាប់​ឱ្យដឹងថា​នៅតាម​ទីសាធារណៈ និង​គ្រប់​វត្ត​អារាម​សុទ្ធតែ​បាន​ចង​ទង់ជាតិ ទង់សាសនា​ដូច​រៀងរាល់ឆ្នាំ ប៉ុន្តែ​នឹងមិន​មាន រៀបចំ​កម្មវិធី​ផ្សេង​នោះទេ​។ និយាយ​រួម​គឺ​មានតែ​ព្រះសង្ឃ​ដែល​គង់នៅ​ក្នុង​វត្ត​ដែល​នឹងធ្វើ​ពិធី​សាសនា​សំ​ខា់ៗ​ដើម្បី​បង្គ្រប់កិច្ច​ប៉ុណ្ណោះ​៕​

ទីតាំងផ្សាយពាណិជ្ជកម្ម

Previous articleសាលារាជធានីចេញសេចក្តីណែនាំ ពីការទប់ស្កាត់ការរីករាលដាលជំងឺកូវីដ១៩ ក្នុងមូលដ្ឋានផ្សារចាស់ ក្រោយអាជីវករ១៨នាក់ ឆ្លងជំងឺកូវីដ១៩
Next articleទោះ​ក្នុងដំណាក់កាល នៃ​ការយាយី​ដោយ​ជំងឺ​កូ​វីដ​១៩​ក្តី អ្វី​ដែលជា​ទំនៀមទម្លាប់​ប្រពៃណី មិនអាច​ខកខាន​បាន​សម្រាប់​ឱកាស​បុណ្យចូលឆ្នាំថ្មី​រប​ស់​ពុទ្ធបរិស័ទ​នោះ គឺ​ការរៀបចំ​គ្រឿង​រណ្តាប់ ដើម្បី​ទទួល​ទេវតា​ចុះមក​ប្រោះព្រំ​ពរជ័យ​។ ដូច្នេះហើយ​ទើប​នៅ​ព្រឹក​ថ្ងៃទី​១៣ ខែមេសា ឆ្នាំ​២០២១ ពលរដ្ឋ​ក្នុង​ខេត្តកំពត​បាននាំគ្នា​សម្រុកចូល​ផ្សា​រទិញ​អីវ៉ាន់​សព្វសារពើ​ដើម្បី​រៀបចំ​ថ្វាយ​ទេវតា​តាម​ផ្ទះ​រៀងៗ​ខ្លួន​។
- Advertisment -

Most Popular