​ប្រែ​សម្រួល : កញ្ញា​ដា​លី​ស ៖ វៀតណាម​បាន​កំណត់​គោលដៅ​នាំ​ចេញ​បង្គា​ឱ្យបាន ៥ ភាគរយ​ស្មើនឹង ៤ ពាន់​លាន​ដុល្លារ​។​

​លោក ត្រឹន ដិញ លួ​ន ប្រធាន​មន្ទីរ​ជលផល បាន​និយាយ​នៅឯ​ពិព័រណ៍​វារីវប្បកម្ម​អន្ដរជាតិ VietShrimp នៅ​ទីក្រុង​កាន់ថឺ​កាលពី​ថ្ងៃ​ពុធ​ទី​១៤​មេសា​ថា វៀតណាម​ក៏​កំណត់​គោលដៅ​ទិន្នផល ៩៣០.០០០តោន​និង​មាន​កសិដ្ឋាន​ចិញ្ចឹម​ប​ង្គា ៧៤០.០០០ ហិកតា​ផងដែរ​។​

​លោក​រំពឹង​ថា​វៀតណាម​នឹង​ក្លាយជា​អ្នក​ចិញ្ចឹម​បង្គា​ធំជាងគេ​បំផុត​របស់​ពិភពលោក​នៅ​ត្រឹម​ឆ្នាំ ២០៤៥ ជាមួយនឹង​ទិន្នផល ៤ លាន​តោន​និង​ចំណែក​ទីផ្សារ​ពិភពលោក ២៥ ភាគរយ​។​

​បច្ចុប្បន្ន​មាន​កសិដ្ឋាន​ចិញ្ចឹម​បង្គា​បច្ចេកវិជ្ជា​ខ្ពស់ ២០០.០០០ ហិកតា ដែល ៩៥ ភាគរយ​នៃ​កសិដ្ឋាន​ទាំងនោះ​ស្ថិតនៅ​ខេត្ត​តាម​បណ្តោយ​ទន្លេមេគង្គ គឺ ខេត្ត​បាក់​លាវ និង​ខេត្ត​សុក​ត្រាំ​ង​ដែល​ភាគច្រើន​​ជា​របស់​ក្រុមហ៊ុន​បរទេស​។​

​លោ​កលួន​និយាយថា ការនាំ​ចេញ​បង្គា​ប្រឈម​នឹង​ការលំបាក​ដោយសារ​ថ្លៃដើម​បាន​កើនឡើង ២០ ភាគរយ​ខណៈ​ថ្លៃ​ដឹកជញ្ជូន​កើនឡើង ២០០ ទៅ ៥០០ ភាគរយ​ដោយ​លើកឡើង​ថា​ការដឹក​បង្គា​​ទៅ​អឺរ៉ុប​បាន​កើនឡើង​ពី ១.៥០០ ដុល្លារ​ទៅ ៦.៥០០ ដុល្លារ​និង ៧.៥០០ ដុល្លារ​។​

​កាលពី​ឆ្នាំមុន ការនាំ​ចេញ​បង្គា​បាន​កើនឡើង ១១,៧ ភាគរយ​ស្មើនឹង ៣,៨ ពាន់​លាន​ដុល្លារ​ហើយ​ទិន្នផល​ទទួល​បាន​គឺ ៩០០.០០០ តោន​៕

​កសិករ​ប្រមូល​ផល​បង្កង​នៅ​ខេត្ត​កា​ម៉ា​វ​