ដោយៈ ប​.​ជ័យ / បន្ទាយមានជ័យៈ គណៈបញ្ជាការ​កងឯកភាព ខេត្តបន្ទាយមានជ័យ បានដាក់​ពង្រាយ កម្លាំង​នគរបាល កងរាជអាវុធហត្ថ កងទ័ព​រាប់រយ​នាក់ នៅក្នុង​ភូមិសាស្ត្រ​ស្រុក ក្រុង​ទាំង ៩ នៃ​ខេត្ត​បន្ទាយ​មានជ័យ ដើម្បី​ប្រចាំការ តាម​ច្រក​ផ្លូវ​សំខាន់​។​

គណៈបញ្ជាការ​កងឯកភាពខេត្តបន្ទាយមានជ័យពង្រាយកម្លាំង​រាប់រយ​នាក់ដើម្បី​ប្រចាំការ(រូបថត ប.ជ័យ)

​យោង​កងកម្លាំង​នគរបាល ខេត្តបន្ទាយមានជ័យ ដែល​ពង្រាយ និង​ល្បាត​ច្រើនជាងគេ បានអោយដឹង នៅ​ថ្ងៃទី​១៦ ខែមេសា ឆ្នាំ​២០២១​ថា​៖ កម្លាំង​នគរបាល​ខេត្ត ស្រុក​ក្រុង វរ​សេនា​តូច​ការពារ​ព្រំដែន និង​ប៉ុស្តិ៍​រដ្ឋបាល បានចេញ​ចល័ត​ល្បាត និង​ដាក់​ប្រចាំការ លើ​គោលដៅ​ជាច្រើន តាម​បណ្តោយ​ផ្លូវជាតិ ផ្លូវ​ខេត្ត ឬ​កន្លែង​ផ្សេងទៀត ពោលគឺ​ប្រចាំការ និង​ល្បាត​ការពារ​សន្តិសុខ សណ្តាប់ធ្នាប់ សុវត្ថិភាព ក្នុង​ថ្ងៃបុណ្យ​ចូលឆ្នាំ ប្រពៃណី​ជាតិខ្មែរ​។​

​រយៈពេល ៣ ថ្ងៃ​មកនេះ មិនមាន​ព័ត៌មាន ពី​បាតុភាព​អី​កើតឡើង​ទេ ហើយក៏​ពុំមាន​ពលរដ្ឋ ពិសេស​យុវជន​ច្រើន​នាក់ មិន​ហ៊ាន​ចេញ ដើរលេង​កម្សាន្ត​ដែរ ពោលគឺ​ពួកគេ​បាន​គោរព អនុវត្ត​នូវ​សេចក្តីសម្រេច ការណែនាំ បទបញ្ជារ​របស់​រាជ​រដ្ឋាភិបាល ក្រសួងសុខាភិបាល និង​គណៈ​រដ្ឋបាលខេត្ត ។​

​ជាការ​លើកទឹកចិត្ត និង​យកចិត្តទុកដាក់ ដល់​កងកម្លាំង លោក អ៊ុំ រាត្រី អភិបាលខេត្ត​បន្ទាយមានជ័យ បាន​ចុះទៅ​សួរសុខទុក្ខ កងកម្លាំង​នគរបាល តាម​បណ្តា​គោលដៅ ក្នុង​ក្រុង​សិរីសោភ័ណ ដោយ​ក្នុង ១ គោលដៅ ទទួលបាន ទឹក​សុទ្ធ ១០ យួរ ទឹក​ផ្លែឈើ ៥ កេស​។​

​លោក​ក៏បាន​សួរសុខទុក្ខ និង​ផ្តល់​ថវិកា ឧបត្ថម្ភ​សំរាប់​បាយទឹក ជូន​កងកម្លាំង និង​ក្រុមការងារ​ប្រចាំការ កំពុង​ប្រចាំការ​ត្រួតពិនិត្យ តាម​គោលដៅ​ព្រំប្រទល់​ខេត្ត និង​ខេត្ត ជុំ​ទី​២ ក្នុង​ថ្ងៃបុណ្យ​ចូលឆ្នាំ ប្រពៃណី​ជាតិខ្មែរ ៕/V​/សរន

គណៈបញ្ជាការ​កងឯកភាពខេត្តបន្ទាយមានជ័យពង្រាយកម្លាំង​រាប់រយ​នាក់ដើម្បី​ប្រចាំការ(រូបថត ប.ជ័យ)

គណៈបញ្ជាការ​កងឯកភាពខេត្តបន្ទាយមានជ័យពង្រាយកម្លាំង​រាប់រយ​នាក់ដើម្បី​ប្រចាំការ(រូបថត ប.ជ័យ) គណៈបញ្ជាការ​កងឯកភាពខេត្តបន្ទាយមានជ័យពង្រាយកម្លាំង​រាប់រយ​នាក់ដើម្បី​ប្រចាំការ(រូបថត ប.ជ័យ)