​ដោយ​៖​ដេប៉ូ / ភ្នំពេញ​៖ ក្រសួង​ការងារ និង​បណ្តុះបណ្តាល​វិជ្ជាជីវៈ បានឱ្យដឹងថា គិត​មក​ត្រឹម​ថ្ងៃទី​១៦ ខែមេសា ឆ្នាំ​២០២១ នេះ ការចាក់​វ៉ាក់សាំង ស៊ី​ណូ​វ៉ា​ក់ ជូន​បងប្អូន​កម្មករ -​និយោជិត និង​ថ្នាក់ដឹកនាំ អង្គការ​វិជ្ជាជីវៈ បាន​ចំនួន​សរុប ៨៨.៨៩៩ នាក់​ហើយ​។​

​យោងតាម​សេចក្តីជូនដំណឹង របស់​ក្រសួង​ការងារ នៅ​យប់​ថ្ងៃទី ១៦ ខែមេសា ឆ្នាំ​២០២១ នេះ បានបញ្ជាក់​ថាៈ អនុគណៈកម្មការ​ចំពោះ​កិច្ច សម្រាប់​ចាក់​វ៉ាក់សាំង បង្កា​ជំងឺ​កូ​វីដ​-១៩ ជូន​បងប្អូន​កម្មករ -​និយោជិត និង ថ្នាក់ដឹកនាំ អង្គការ​វិជ្ជាជីវៈ សូម​ជម្រាបជូន សាធារណជន អំពី​លទ្ធផល​ការចាក់​វ៉ាក់សាំង ស៊ី​ណូ​វ៉ា​ក់ ជូន​បងប្អូន កម្មករ និយោជិត និង​ថ្នាក់ដឹកនាំ អង្គការ​វិជ្ជាជីវៈ ចាប់ពី​ថ្ងៃទី​៧ ដល់​ថ្ងៃទី​១៦ ខែមេសា ឆ្នាំ​២០២១ ដោយ​ថ្ងៃនេះ អនុគណៈកម្មការ ចំពោះ​កិច្ច បាន​បើក​ទីតាំង ចាក់​វ៉ាក់សាំង សរុប​ទាំងអស់ ចំនួន ២១​ទីតាំង ដោយ​ទទួលបាន លទ្ធផល​ដូចខាងក្រោម​៖

​ក​-​លទ្ធផល​ក្នុង​ថ្ងៃទី​១៦ ខែមេសា​
-​អ្នកស្ម័គ្រចិត្ត​ចាក់​វ៉ាក់សាំង​សរុប​ចំនួន ៩០៦​នាក់ (​បរទេស​ចំនួន​៤​នាក់​)
-​ចាក់​បាន​ចំនួន ៩០០​នាក់ (​បរទេស​ចំនួន ៤​នាក់​)
-​គ្រូពេទ្យ​មិន​អនុញ្ញាតឱ្យ​ចាក់​ចំនួន ៦​នាក់ (​បរទេស​ចំនួន ០​នាក់​)​។​

ខ​-​លទ្ធផល​គិត​ត្រឹម​ថ្ងៃនេះ​
-​អ្នកស្ម័គ្រចិត្ត​ចាក់​វ៉ាក់សាំង​សរុប​ចំនួន ៩១ ៨៦៨​នាក់ (​បរទេស​ចំនួន ៣ ៧៦៩​នាក់​)
-​ចាក់​បាន​ចំនួន ៨៨ ៨៩៩​នាក់ (​បរទេស​ចំនួន ៣ ៧៤៨​នាក់​) គ្រូពេទ្យ​មិន​អនុញ្ញាតឱ្យ​ចាក់​ចំនួន ២ ៩៦៩​នាក់ (​បរទេស​ចំនួន ២១​នាក់​)​។​

​ក្រសួង​ការងារ បានបញ្ជាក់​បន្ថែមថាៈ អនុគណៈកម្មការ​ចំពោះ​កិច្ច នឹង​បន្ត​រៀបចំ​ទីតាំង ចាក់​វ៉ាក់សាំង ជូន​បងប្អូន​កម្មករ និយោជិត នៅតាម​រោងចក្រ សហគ្រាស ជា​បន្តបន្ទាប់​ទៀត​៕/V