​ដោយៈ ស​រិ​ទ្ធ / ភ្នំពេញ​៖ នៅ​រសៀល​ថ្ងៃទី​១៧ ខែមេសា ឆ្នាំ​២០២១ នេះ សមត្ថកិច្ច បាន​បញ្ជូន​អតីត​ផ្កាយ ២ អ៊ុង ចាន់​ធួ​ក មាន​តួនាទី ជា​អនុប្រធាន​សេ​ធិ​ការ នៃ​អគ្គស្នងការដ្ឋាន នគរបាលជាតិ និង​បក្ខពួក ២ នាក់ ទៅ​អយ្យការ​អម សាលាដំបូង រាជធានី​ភ្នំពេញ ពាក់ព័ន្ធ​ការ​ព្រហើន បំពាន​សេចក្តីសម្រេច របស់​រាជរដ្ឋាភិបាល រៀបចំ​កម្មវិធី​ផឹកស៊ី រាំ ច្រៀង បាញ់​ទឹក និង ប៉ាត​ម្សៅ យ៉ាង​គគ្រឹកគគ្រេង ។​

​អតីត​ឧ​ត្ត​ម​សេនីយ៍​ទោ អ៊ុង ចាន់​ធួ​ក បាន​ត្រូវ​ដកហូត​ឋានន្តរស័ក្តិ នាយ​នគរបាល​ថ្នាក់​ឧ​ត្ត​ម​សេនីយ៍ និង​បណ្តេញចេញ ពី​ក្របខ័ណ្ឌ​មន្ត្រី​នគរបាលជាតិ​កម្ពុ​ជា នៃ​ក្រសួងមហាផ្ទៃ ។​

​ក្រោយ​ការសាកសួរ​រួច លោក ឡុង ជាប ព្រះរាជ​អា​ជ្ញា្​រង អម​ស​សាលាដំបូង​រាជធានី​ភ្នំពេញ បានសម្រេច​ចោទប្រកាន់ តាម​មាត្រា ៣ មាត្រា ៤ និង​មាត្រា ១១ នៃ​ច្បាប់​កូ​វីដ​១៩ រួច​បញ្ជូន​សំណុំ​រឿងនេះ ទៅ​បើកសវនាការ ជំនុំជម្រះ​ភ្លាម នៅ​រសៀល​ថ្ងៃនេះ តែម្តង​៕/V​