​ដោយ​:​ដេប៉ូ​/​ភ្នំពេញ​:​លោក​គឹម​សន្តិភាព​រដ្ឋលេខាធិការ​និង​ជា​មន្ត្រី​នាំពាក្យ​ក្រសួងយុត្តិធម៌​បានបញ្ជាក់​ក្នុង ទំព័រ​ហ្វេ​ស​ប៊ុ​ក​នៅថ្ងៃនេះ​ថា​ការអនុវត្ត​តំបន់​ក្រហម​តំបន់​លឿងទុំ​និង​តំបន់​លឿង​ចាប់ពី​ម៉ោង​សូន្យ ថ្ងៃទី​២៩​ខែមេសា​តទៅ​ហើយ​។​

​លោក​បាន​បញ្ជាក់ថា​”​សូម​ជម្រាបជូន​បងប្អូន​ប្រជាពលរដ្ឋ​ដែល​កំពុង​រស់នៅក្នុង​តំបន់​បិទ​ខ្ទប់​រាជធានី​ភ្នំពេញ និង​ក្រុង​តាខ្មៅ​ខេត្តកណ្តាល​មេត្តា​ជ្រាបថា​បើទោះបីជា​រដ្ឋបាល​រាជធានី​ភ្នំពេញ​បានកំណត់​អំពី​ភូមិសាស្ត្រ​ក្នុង​តំបន់​បិទ​ខ្ទប់​ជា​តំបន់​ក្រហម​តំបន់​លឿងទុំ​និង​តំបន់​លឿង​រួចហើយ​ក៏ដោយ​ក៏​វិធាន​ការដែល​ត្រូវ​យកមកអនុវត្ត​សម្រាប់​តំបន់​នីមួយៗ​ទាំងនោះ មាន​ប្រសិទ្ធភាព​អនុវត្ត​ចាប់ពី​ម៉ោង​សូន្យ នៃ​ថ្ងៃទី​២៩ ខែមេសា ឆ្នាំ​២០២១ តទៅ​”​។​
​លោក​គឹម​សន្តិភាព​បានបញ្ជាក់​បន្ថែម​ថា ហេតុនេះ ក្នុង​ពេលនេះ​រហូតដល់​មុន​ម៉ោង​សូន្យ​ថ្ងៃទី​២៩ ខែមេសា ឆ្នាំ​២០២១ សូម​បន្ត​អនុវត្ត​នូវ​រាល់​វិធាន​ការដែល​បាន​ដាក់ចេញ​កន្លងមក​ដដែល គឺ​វិធានការ​សម្រាប់​តំបន់​ក្រហម និង​វិធានការ​សម្រាប់​តំបន់​មិន​ក្រហម​៕srn