​ដោយ​៖​តារា​រិ​ទ្ធ​/​ភ្នំពេញ​៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជណាចក្រកម្ពុជាបានបង្ហាញអំពីសុខភាពរបស់សម្តេចគឺមានលក្ខណល្អធម្មតា បន្ទាប់ពីសម្តេចវិលត្រឡប់មកពីចូលរួមកិច្ចប្រជុំកំពូលមេដឹកនាំអាស៊ាននៅទីក្រុងហ្សាការតា ប្រទេសឥណ្ឌូនេស៊ី បាន៤ ថ្ងៃមកហើយ ។

នៅក្នុងសារផ្លូវការតាមហ្វេសបុកនាព្រឹកថ្ងៃទី ២៨ ខែមេសា នេះ សម្តេចតេជោ ហ៊ុន សែន បានថ្លែងថា៖« ថ្ងៃនេះ​ជា​ថ្ងៃទី​៤​នៃ​ការធ្វើ​ច​ត្តា​ឡី​ស​ក័​របស់ខ្ញុំ បន្ទាប់ពី​វិលត្រឡប់​មកពី​ប្រជុំ​កំពូល​អាស៊ាន​នៅ​ឥណ្ឌូនេស៊ី ។ ម្សិលមិញ​មាន​ការបញ្ជូនសារ​ផ្ទាល់មាត់​ជូន ទៅ​សម្តេច ទៀ បាញ់ និង លោកជំទាវ ឱ វណ្ណឌី​ន លើ​ការចាក់​វ៉ាក់សាំង​ជូន​ប្រជាជន​នៅ​តំបន់​ក្រហម​ដោយ​កម្លាំង​កងទ័ព ។ មាន​បងប្អូន​មួយចំនួន​ចាប់អារម្មណ៍​លើ​សម្លេង របស់ខ្ញុំ​ដែល​ហាក់ដូច​ហត់​ខ្លាំង​ ។ ពិតជា​ហត់​មែន​តែ​មិនមែន​ជម្ងឺ​ទេ​គឺ​ហត់​ដោយ​ខ្ញុំ​និយាយ​ក្នុងពេលដែល​ខ្ញុំ​ធាក់​កង់​ហាត់ប្រាណ​។ សុខភាព​ខ្ញុំ​ល្អ​ធម្មតា​គ្រាន់តែ​កំសត់​ខ្លួន​បន្តិច ព្រោះ​ផ្ទះមួយ​នៅ​ម្នាក់ឯង​អត់​ប្រពន្ធ អត់​កូន អត់​ចៅ ដោយសារ​ខ្លួន​ខ្ញុំ​ត្រូវធ្វើ​ច​ត្តា​ឡី​ស័ក ។ រីឯ​ការពិនិត្យ​សម្រេច​និង​បញ្ជា​គ្រប់គ្រង​ប្រទេស​នៅ​ដំណើការ​ធម្មតា​មិនមាន​អ្វី​រាំង ស្ទះ​ឡើយ​៕​