ដោយៈបាយ័ន/សៀមរាបៈ រដ្ឋបាលខេត្តសៀមរាបប្រកាសថា ក្នុងព្រឹត្តិការណ៍ការឆ្លងរាលដាលនៃជំងឺកូវីដ-១៩ ចូលក្នុងសហគមន៍ ២០កុម្ភៈ នេះ ក្រុមគ្រូពេទ្យនៃមន្ទីរពេទ្យបង្អែកខេត្តសៀមរាបបានព្យាបាលជាសះស្បើយ អ្នកជំងឺកូវីដ-១៩ ថ្មី ចំនួនមួយនាក់ ឈ្មោះ ចាន់ ផុន ភេទស្រី អាយុ២១ឆ្នាំ រស់នៅភូមិកក្រាញ់ សង្កាត់សៀមរាប ក្រុងសៀមរាប ហើយក្រុមគ្រូពេទ្យបានអនុញ្ញាតឱ្យចេញពីមន្ទីរពេទ្យបង្អែកខេត្ត ត្រឡប់ទៅលំនៅឋានវិញ ដោយត្រូវបន្តការធ្វើចត្តាឡីស័ករយៈពេល១៤ថ្ងៃ។
មកទល់ពេលនេះ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន៣៦នាក់ និងបានព្យាបាល ជាសះស្បើយចំនួន១៣នាក់ នៅសល់២៣នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប៕សរន
