​ប្រែ​សម្រួលៈ​វាសនា​/​កា​ប៊ុល​៖​ការផ្ទុះ​គ្រាប់បែក​បង្កប់​ក្នុង​រថយន្ត​ដ៏​ខ្លាំង​មួយ​បាន​សម្លាប់​មនុស្ស​យ៉ាង​តិច​២៧​នាក់​និង​របួស​រាប់សិប​នាក់​ទៀត​នៅក្នុង​ខេត្ត​ឡូហ្កា នៅ​អា​ហ្វ​ហ្គានី​ស្ថាន​ខាងកើត​កាល​ពីល្ងា​ច​​ថ្ងៃ​សុក្រ​ទី​៣០​មេសា​។​សិស្សសាលា​ស្ថិត​ចំណោម​អ្នក​ស្លាប់​និង​រងរបួស​ក្នុង​ការផ្ទុះ​។​

​អ្នកនាំពាក្យ​ខេត្ត​បាន​និយាយថា​រថយន្ត​ផ្ទុក​រំសេវ​បាន​ផ្ទុះ​នៅ​ក្នុង​ទី​រួម​ខេត្ត​ឡូហ្កា​នៅ​ជិត​ផ្ទះ​អតីត​ប្រធាន​ក្រុមប្រឹក្សា​ខេត្ត​ដែល​បច្ចុប្បន្ន​ជា​ផ្ទះសំណាក់​។​

​លោក​បាន​និយាយថា ក្នុងចំណោម​អ្នកស្លាប់​និង​របួស​រួមមាន​សិស្ស និង​សមាជិក​កងជីវពល​ដែល​ស្នាក់​នៅក្នុង​ផ្ទះសំណាក់​នេះ​។​

​វា​នៅ​មិនទាន់​ដឹង​ថា​តើ​នរណា​នៅ​ពីក្រោយ​ការ​បំផ្ទុះ​គ្រាប់​នេះ ។​

​សូមបញ្ជាក់​ថា អំពើ​ហិង្សា​នៅ​អា​ហ្វ​ហ្គានី​ស្ថាន​បាន​កើន​ឡើង​នៅ​ប៉ុន្មាន​សប្តាហ៍​មក​នេះ ក្រោយ​ពី​ប្រធានាធិបតី​អាម៉េរិក​បាន​ប្រកាស​ដក​កងទ័ព​អាម៉េរិក​នៅ​យ៉ាងយូរ​ត្រឹម​ថ្ងៃ​១១​កញ្ញា​ដើម្បី​ប​បញ្ចប់​​វត្តមាន​យោធា​បរទេស​អស់​២​ទសវត្សរ៍​នៅ​ទីនោះ​។​

​ការសំរេចចិត្ត​នេះ​បាន​ធ្វើ​អោយ​ផ្ទុះ​កំហឹង​ក្នុងចំណោម​ពួក​បះបោរ​តា​លី​បង់​ដែល​បាន​ចុះ​កិច្ចព្រមព្រៀង​ជាមួយ​រដ្ឋាភិបាល​របស់​លោក​ដូណាល់ ត្រាំ​ដែល​បាន​កំណត់​អោយ​ទាហាន​អាម៉េរិក​ដកចេញ​ពី​អា​ហ្វ​​ហ្គានី​ស្ថាន​នៅ​យ៉ាងយូរ​ត្រឹម​ថ្ងៃ​០១ ខែ​ឧសភា​៕

​រដ្ឋមន្ត្រី​មហាផ្ទៃ​បាន​និយាយថា មនុស្ស​២១​នាក់​បាន​ស្លាប់​និង​៩១​នាក់​រងរបួស​ក្នុង​ការផ្ទុះ​កាលពី​ថ្ងៃ​សុក្រ