​ដោយៈ​ប​.​ខុន / ភ្នំពេញៈ ក្រុមការងារ​ជា​តំណាង របស់លោក លឹម គាន ហោ រដ្ឋមន្ត្រីក្រសួង​ធនធានទឹក និង​ឧតុនិយម នៅ​ថ្ងៃទី​០១ ខែឧសភា នេះ បាន​នាំយក​នូវ​គ្រឿងឧបភោគ​បរិភោគ (​លើក​ទី​២) ឧបត្ថម្ភ​ដល់ ប្រជា​ពលរដ្ឋ​,​កម្មករ​-​កម្មការិនី នៅក្នុង​ស្រុក​ពញាឮ ដែល​រង​ផលប៉ះពាល់ ពី​ការឆ្លង​រាល នៃ​ជំងឺ​កូ​វីដ -១៩ ក្នុង​ព្រឹត្តិ​ការណ៍​សហគមន៍ ២០ កុម្ភៈ ចំនួន ១.៣៥៥ គ្រួសារ ដោយ​ក្នុង​មួយ​គ្រួសារ ទទួលបាន​អង្ករ ចំនួន ៥០ គីឡូ​ក្រាម​, ទឹកត្រី​មួយ​យួរ​, ទឹក​ស៊ី​អុ​ី​វ​មួយ​យួរ និង​ត្រីខ មួយ​យួរ ។​

​គួរ​និយាយ​ឱ្យដឹងថា លោក លឹម គានហោ រដ្ឋមន្ត្រីក្រសួង​ធនធានទឹក និង​ឧតុនិយម និង​ជា​ប្រធាន ក្រុមការងារ​រាជរដ្ឋាភិបាល ចុះជួយ​មូលដ្ឋាន ស្រុក​ពញាឮ ខេត្តកណ្តាល កាលពីពេល​ថ្មីៗ ទៅនេះ បាន​ឧបត្ថម្ភ​ដល់​ប្រជា​ពល​រដ្ឋ ដែលមាន​ជីវភាព​ខ្វះខាត ក្នុងស្រុក​ពញាឮ (​លើក​ទី​១) ចំនួន ២.០៣០ គ្រួសារ នូវ​អង្ករ​ចំនួន ១០២ តោន​, ប្រគេន​ទេយ្យទាន ដល់​វត្ត និង​សមាគម​ដូនជី ទាំង​៥១ រួមមាន អង្ករ​ចំនួន ២១ តោន​, ទឹកត្រី​ចំនួន ២៥៥ យួរ​, ទឹក​ស៊ី​អុ​ី​វ ចំនួន​២៥៥​យួរ​, ត្រីខ​ចំនួន ៥០​កេស និង មី ចំនួន ៥៧ កេស​ធំ​។​

​លោក​រដ្ឋមន្ត្រី ក៏បាន​ឧបត្ថម្ភ​ថវិកា (​កន្លងទៅ​) ដល់​មន្ត្រីរាជការ សាលាស្រុក​ពញាឮ ក្រុមគ្រូពេទ្យ កងកំលាំង​របស់​គណៈ​បញ្ជាការ ឯកភាព​ស្រុក ដែល​ប្រចាំការ និង​ការពារ​សន្តិសុខ សណ្តាប់ធ្នាប់ នៅតាម​មណ្ឌល​ច​ត្តា​ឡី​ស័ក ការត្រួតពិនិត្យ ការហាមឃាត់ ការធ្វើដំណើរ និង​ប្រជា​ការពារ​ភូមិ ចំនួន ២.០៣១ នាក់ ដែល​យាម​ប្រចាំ ការ​តាម​មណ្ឌល​សកម្មភាព ទាំង ១៥៤ មណ្ឌល​។​

​ចាប់តាំងពី​មានការ​ផ្ទុះឡើង នូវ​ជំងឺ​កូ​វីដ​-១៩ នៅក្នុង​ព្រះរាជាណាចក្រ​កម្ពុជា លោក លឹម គានហោ បាន​ឧបត្ថម្ភ ជា​បន្តបន្ទាប់ ដល់​ប្រជាពលរដ្ឋ​ទាំងអស់ នៅក្នុង​ស្រុក​ពញាឮ ដូចជា ថវិកា គ្រឿងឧបភោគ បរិភោគ សាប៊ូ​លាងដៃ អាល់កុល ម៉ាស់ និង​គ្រែ ចំនួន ២៥០ សម្រាប់​អ្នកធ្វើ​ច​ត្តា​ឡី​ស័ក នៅក្នុង​ស្រុក​ពញាឮ​ផងដែរ​៕/V​