​ដោយ​៖ ភ្នំ​ស្វាយ / បន្ទាយមានជ័យ​៖ នៅ​សាលាខេត្ត​បន្ទាយមានជ័យ កាលពី​ព្រឹក​ថ្ងៃទី ៣ ខែឧសភា ឆ្នាំ​២០២១ គណៈកម្មាធិការ​សាខា កាកបាទក្រហមកម្ពុជា ខេត្តបន្ទាយមានជ័យ បានរៀបចំ​ពិធី​ប្រគល់ ទទួល​ថវិកា ពី​សប្បុរសជន ជា​អាជីវករ មកពី​ស្រុក​មង្គលបុរី និង​សប្បុរសជន ផ្សេងទៀត ព្រមទាំង​រតនាគារ​ខេត្ត ក្នុងឱកាស​ខួប​លើក​ទី​១៥៨ ទិវា​ពិភពលោក កាកបាទក្រហម អឌ្ឍចន្ទ​ក្រហម ៨ ឧសភា ឆ្នាំ​២០២១ ។​

​ថវិកា​សប្បុរសធម៌​នោះ បាន​សរុប​គិត​ជា​ប្រាក់​ចំនួន ១០.៣៨៨ ដុល្លារ​អាមេរិក ក្នុងនោះ មាន​អាជីវករ ពី​ស្រុក​មង្គល​បូរី ដែល​ដឹកនាំ​ដោយ​លោក អុ​ឹ​ង វ៉ាន់​ម៉ៅ តំណាង​សមាគម រោង​ម៉ាស៊ីនកិនស្រូវ , លោក លឹម សេង តំណាង​អាជីវកម្ម​ផលិត​ថ្ម ដែលមាន​ថវិកា គិត​ជា​ប្រាក់ ចំនួន ៨.១២៤ ដុល្លារ​អាមេរិក និង​លោក យុ​ត ស្វី​នី ប្រធាន​សាខា​រតនាគារ​ខេត្ត និង​សប្បុរសជន នៅ​ក្រុង ស្រុក​ខ្លះ គិត​ជា​ប្រា​ក់ជាង ២.០០០ ដុល្លារ​អាមេរិក ។​

​ក្នុងឱកាស​នោះ លោក អ៊ុំ រាត្រី ប្រធាន​គណៈកម្មាធិការ សាខា​កាកបាទក្រហម ខេត្តបន្ទាយមានជ័យ បាន​មាន​ប្រសាសន៍ថាៈ ” ដោយសារ​ការ​រាតត្បាត ជាស​កល នៃ​ជំងឺ​កូ​វីដ​១៩ សាខា​កាកបាទ ក្រហម​កម្ពុជា ខេត្ត​បន្ទាយ​មានជ័យ និង​មិន​មានការ​ប្រារព្ធ មិ​ទ្ទីង​ថ្នាក់​ខេត្ត ដើម្បី​អបអរ​ខួប​ទី ១៥៨ ទិវា​ពិភពលោក​កាកបាទក្រហម និង​អឌ្ឍចន្ទ​ក្រហម ៨ ឧសភា ឆ្នាំ ២០២១ នាពេលខាងមុខ​នេះឡើយ ប៉ុន្តែ​មិនបាន​លុបចោល ការស្នើសុំ​ជំនួយ​ទេ​។ សូម​ស្វាគមន៍ ទទួល​ជំនួយ​សប្បុរស រាល់ថ្ងៃ ទោះ​នៅទីណា មធ្យោបាយ ណា​ក៏បាន​។​

​លោក​បាន​បន្តថា​៖ កញ្ចប់​ថវិកា ដែល​រកបាន​ដោយ​លំបាក ដែលជា​ញើស ជា​ឈាម ក្នុង​កាលៈទេសៈ ដ៏​លំបាក បង្ក​ពី​ការរីក​រាលដាល នៃ​ជម្ងឺ​កូ​វីត ១៩ របស់​សប្បុរសជន​ទាំង​អ​សើ​នេះ នឹងត្រូវ​បាន​យក ទៅ​រួមចំណែក​ឆ្លើយ​តប អោយចំ​គោលដៅ នៃ​មុខសញ្ញា​រងគ្រោះ / ងាយ​រងគ្រោះ មានទុក្ខ​លំបាក ពិតប្រាកដ ៕/V​