​ដោយ​៖ ពៅ​និមល / ភ្នំពេញ​៖ ទោះបីជា​ការបិទ​ខ្ទប់ ក្នុងភូមិ​សាស្ត្រ​រាជធានី និង​ខេត្តកណ្តាល នឹង​ឈានដល់ ចាប់ពី​ថ្ងៃស្អែក​នេះ​តទៅ ក្រុមអាជីវករ នៅ​បន់​លឿងទុំ ក្នុង​ខណ្ឌ​៧​មករា រាជធានី​ភ្នំពេញ បាន​អះអាង​ស្រដៀង​គ្នា នឹង​បន្ត​លក់​ជូន​ភ្ញៀវ តាមរយៈ​កា​រក​ម្ម៉​ង់ និង​វេច​ខ្ចប់​ដដែល ដើម្បី​ធានា​សុវត្ថិភាព និង​ទប់ស្កាត់ ការឆ្លង​ជំងឺ​កូ​វីដ​១៩​។​

​លោក ឡុង សុភា អ្នកលក់​កាហ្វេ ក្បែរ​សាលាបឋមសិក្សា​បាក់​ទូក បាន​ប្រាប់​រស្មី​កម្ពុជា នៅ​ព្រឹក​ថ្ងៃទី​៥ ខែឧសភា ឆ្នាំ​២០២១​នេះ​ថា ក្រោយ​ផ្ទុះ​ករណី​ឆ្លង​រាលដាល ជំងឺ​កូ​វីដ​១៩ និង​ឈានដល់​ការបិទ​ខ្ទប់ រហូតដល់ ៣ សប្តាហ៍​មកនេះ ធ្វើ​ឲ្យ​លោក​កាន់​តែមាន ការប្រុងប្រយ័ត្ន ជាពិសេស ការប្រកប​អាជីវកម្ម សព្វថ្ងៃនេះ ទោះ​ជាមាន​ការបើក​ខ្ទប់ យ៉ាងណាក្តី ក៏​លោក​នៅតែ​ប្រកាន់ខ្ជាប់ ការលក់​បែបនេះ រហូតដល់​កូ​វីដ ធូរស្រាល​ឡើងវិញ​។​

​ដោយឡែក អាជីវករ​លក់​បាយ​-​គុយទាវ នៅក្បែរ​ផ្សារ​អូរ​ឬ​ស្សី បាន​ឲ្យ​ដឹងថា ការលក់​សព្វថ្ងៃ ទោះជា​មិន​ដាច់​ច្រើន ដូច​ពេល​កន្លងទៅ យ៉ាងណាក៏ដោយ ប៉ុន្តែ​នៅពេល​ដំណើរ​អាជីវកម្ម ឡើងវិញ ក្នុង​ពេលនេះ ពួកគាត់​សុំ​ទទួល​តែ​ការលក់ និង​ក​ម្ម៉​ង់​វេច​ខ្ចប់ តែប៉ុណ្ណោះ ដោយ​មិន​ទទួល​ឱ្យ​ភ្ញៀវ អង្គុយ​ក្នុង​ហាង​ទេ ដើម្បី​ចូលរួម​អនុវត្ត តាម​ការអំពាវនាវរ​បស់​អាជ្ញាធរ និង​ក្រសួងសុខាភិបាល​។​

​សូមបញ្ជាក់ រាជរដ្ឋាភិបាល​កម្ពុជា បានសម្រេច​បញ្ចប់ ការបិទ​ខ្ទប់ ភូមិសាស្ត្រ​រាជធានី​ភ្នំពេញ និង​ក្រុង​តាខ្មៅ នៃ​ខេត្តកណ្តាល ចាប់ពី​ថ្ងៃទី ៦ ខែឧសភា តទៅ ដោយ​ជំនួស​មកវិញ នូវ​វិធានការ​ថ្មី សំដៅ​បង្ការ​ការឆ្លង រាលដាល​នៃ​ជំងឺ​កូ​វីដ​១៩​។​

​តាម​សេចក្តីសម្រេច​របស់ រាជរដ្ឋាភិបាល រដ្ឋបាល​ខេត្តកណ្តាល នឹង​ដាក់ចេញ​វិធានការ ចាំបាច់​ផ្សេងទៀត ដើម្បី​ប្រយុទ្ធ និង​ទប់ស្កាត់​ការឆ្លង រាលដាល​នៃ​ជំងឺ​កូ​វីដ​១៩ ក្នុង​ផ្នែក​ណាមួយ នៃ​ភូមិសាស្ត្រ​ទាំងនេះ​។ គណៈ​អភិបាល​រាជធានី ខេត្ត នឹងធ្វើ​ការហាមឃាត់ ឬ​ផ្អាក​នូវ​រាល់​ទីតាំង សកម្មភាព​ការងារ មុខរបរ ឬ​អាជីវកម្ម ក្នុងករណី​ថា នៅពេល​ទីតាំង នៃ​សកម្មភាព​ការងារ មុខរបរ ឬ​អាជីវកម្ម ជាពិសេស​ផ្សារ និង​ទីកន្លែង​លក់ដូរ គ្រឿងឧបភោគ​បរិភោគ និង​ភោជនីយដ្ឋាន -​អាហា​រដ្ឋា​ន ត្រូវបាន​រកឃើញ ឬ​មានការ​សង្ស័យថា មានការ​ឆ្លង​រាលដាល នៃ​ជំងឺ​កូ​វីដ​១៩ លើកលែងតែ​ចំពោះ សកម្មភាព​ការងារ ដែល​ចាំបាច់​បំផុត សម្រាប់​បម្រើ​ឲ្យ ភូមិសាស្ត្រ​របស់ខ្លួន ឬ​បម្រើ​ឲ្យ​ប្រយោជន៍ ទូទៅ​ប៉ុណ្ណោះ ដូចជា សេវា​ពន្លត់​អគ្គិភ័យ​, សេវា​ផ្គត់ផ្គង់​អគ្គិសនី​, សេវា​សង្គ្រោះបន្ទាន់ និង​សេវា​សុខាភិបាល ។​ល​។ …៕/V​