Home ព័ត៌មានជាតិ សង្គម ខេត្តសៀមរាប រ...

ខេត្តសៀមរាប រកឃើញ​អ្នក​វិជ្ជមាន​ជំងឺ​កូ​វីដ​-១៩ ថ្មី បន្ថែម ៦​នាក់ សរុប​៧​នាក់ នៅ​ថ្ងៃទី​៥​ឧសភា​នេះ​

ដោយ​: បាយ័ន / សៀមរាប​: រដ្ឋបាល​ខេត្តសៀមរាប មាន​កិត្តិយស សូម​ជម្រាបជូន​សាធារណជន​ឱ្យបាន​ជ្រាបថា ក្នុង​ព្រឹត្តិការណ៍​ការឆ្លង​រាលដាល​ជំងឺ​កូ​វីដ​-១៩ ចូលក្នុង​សហគមន៍ ២០​កុម្ភៈ​នេះ ខេត្តសៀមរាប បាន​រកឃើញ​អ្នក​វិជ្ជមាន​ជំងឺ​កូ​វីដ​-១៩ ថ្មី បន្ថែម ចំនួន​៦​នាក់ សរុប​៧​នាក់ នៅ​ថ្ងៃទី​០៥ ខែឧសភា ឆ្នាំ​២០២១ ដូច​មាន​រាយ​នាម​ខាងក្រោម​៖
១. ឈ្មោះ អង ហ៊ាន ភេទ​ស្រី អាយុ​៦៧​ឆ្នាំ មាន​អាសយដ្ឋាន​នៅ​ភូមិ​ដក​ពោធិ៍ សង្កាត់​ស្លក្រាម ក្រុង​សៀមរាប​។​
២. ឈ្មោះ កាន់ សុ​ភី ភេទ​ស្រី អាយុ​៥៩​ឆ្នាំ មាន​អាសយដ្ឋាន​នៅ​ភូមិ​ដក​ពោធិ៍ សង្កាត់​ស្លក្រាម ក្រុង​សៀមរាប​។​
៣. ឈ្មោះ សយ សុធា ភេទ​ស្រី អាយុ​៤៤​ឆ្នាំ មាន​អាសយដ្ឋាន​នៅ​ភូមិ​ដក​ពោធិ៍ សង្កាត់​ស្លក្រាម ក្រុង​សៀមរាប​។​
៤. ឈ្មោះ ហៃ ណា​ឌី ភេទ​ស្រី អាយុ​៣២​ឆ្នាំ មាន​អាសយដ្ឋាន​នៅ​ភូមិ​ដក​ពោធិ៍ សង្កាត់​ស្លក្រាម ក្រុង​សៀមរាប​។​
៥. ឈ្មោះ មុំ ម៉ាលី ភេទ​ស្រី អាយុ ១៧​ឆ្នាំ មាន​អាសយដ្ឋាន​នៅ​ភូមិ​ដក​ពោធិ៍ សង្កាត់​ស្លក្រាម ក្រុង​សៀមរាប​។​
៦. ឈ្មោះ ម៉ម ចាន់នី ភេទ​ស្រី អាយុ​៤​ឆ្នាំ មាន​អាសយដ្ឋាន​នៅ​ភូមិ​ដក​ពោធិ៍ សង្កាត់​ស្លក្រាម ក្រុង​សៀមរាប​។​

​អ្នក​ទាំង​៦​នាក់​ដូច​បាន​រៀបរាប់​ខាងលើ គឺជា​អ្នកពាក់ព័ន្ធ​ជាមួយ​ឈ្មោះ ម៉ន ប៉ូ​លីន ឈ្មោះ ស្រី ពៅ និង​ឈ្មោះ ម៉ម សុ​ខេន ដែល​វិជ្ជមាន​ជំងឺ​កូ​វីដ​-១៩ នៅ​ថ្ងៃទី​៤ ខែឧសភា ឆ្នាំ​២០២១​។​

​មកទល់ពេលនេះ ខេត្តសៀមរាប មាន​អ្នក​វិជ្ជមាន​ជំងឺ​កូ​វីដ​-១៩ ចំនួន​៦១​នាក់ បាន​ព្យាបាល​ជាសះស្បើយ​ចំនួន​១៧​នាក់ ស្លាប់​១​នាក់ និង​៤៣​នាក់ កំពុង​សម្រាក​ព្យាបាល​នៅ​មន្ទីរពេទ្យបង្អែក​ខេត្តសៀមរាប​។​

​ក្រុមការងារ​ស្រាវជ្រាវ និង​តាមដាន​បុគ្គល​សង្ស័យថា​មាន​ផ្ទុក​ជំងឺ​កូ​វីដ​-១៩ ខេត្តសៀមរាប នឹង​បន្ត​តាមដាន និង ស្រាវជ្រាវ​បន្ថែមទៀត ដើម្បី​លើក​យោបល់​ជូន​គណៈបញ្ជាការ​ឯកភាព​រដ្ឋបាលខេត្ត ចាត់វិធានការ​ឆ្លើយតប​បន្ទាន់​ក្នុងការ​ទប់ស្កាត់​ការឆ្លង​រាលដាល​ជំងឺ​កូ​វីដ​-១៩ ក្នុង​សហគមន៍​។​

​រដ្ឋបាលខេត្ត សូម​អំពាវនាវ​ឱ្យ​បងប្អូន​ប្រជាពលរដ្ឋ​រស់នៅក្នុង​ខេត្តសៀមរាប សូម​បង្កើន​ការប្រុងប្រយ័ត្ន​ខ្ពស់​ចូលរួម​អនុវត្ត​វិធានការ​ការពារ ៣​ការពារ ៣​កុំ និង​ត្រូវអនុវត្ត​កាតព្វកិច្ច​ពាក់​ម៉ាស និង​កាតព្វកិច្ច​រក្សា​គម្លាត​សុវត្ថិភាព ជាពិសេស​ត្រូវអនុវត្ត​វិធានការ​រដ្ឋបាល និង​វិធានការ​ច​ត្តា​ឡី​ស័ក​។ បុគ្គល​ទាំងឡាយណា​ដែល​ប្រព្រឹត្តល្មើស​នឹង​វិធានការ​នេះ នឹង​ប្រឈម​ការពិន័យ​អន្ត​ការណ៍ ឬ​ផ្តន្ទាទោស​តាមច្បាប់ និង​លិខិតបទដ្ឋាន​គតិយុត្ត​ជា​ធរមាន​។​

​ជាមួយគ្នានេះ រដ្ឋបាល​ខេត្តសៀមរាប សូម​ជម្រាបជូន​បងប្អូន​ប្រជាពលរដ្ឋ ដែល​បាន​ពាក់ព័ន្ធ​ដោយផ្ទាល់ ឬ​ដោយ​ប្រយោល​ជាមួយ​អ្នក​វិជ្ជមាន​ខាងលើ សូម​រួសរាន់​ធ្វើ​ច​ត្តា​ឡី​ស័ក​តាម​ផ្ទះ​ក្នុង​ក្រុមគ្រួសារ​រៀងៗ​ខ្លួន ដោយ​មិនត្រូវ​ពាក់ព័ន្ធ និង​ប៉ះពាល់​ជាមួយ​អ្នកដទៃ​ជាដាច់ខាត​៕​

ទីតាំងផ្សាយពាណិជ្ជកម្ម

Previous articleរដ្ឋបាល​រាជធានី​ភ្នំពេញ នា​ថ្ងៃទី​០៥ ខែឧសភា ឆ្នាំ​២០២១​នេះ បានចេញ​សេចក្ដីជូនដំណឹង​ស្ដីពី​ការស្នើសុំ​លិខិតអនុញ្ញាត​ធ្វើដំណើរ ឬ​ធ្វើ​ចរាចរណ៍​ឆ្លងកាត់ «​តំបន់​លឿងទុំ​» និង «​តំបន់​ក្រហម​» អំលុងពេល​នៃ​ការអនុវត្ត​វិធានការ​បង្ការ​ការឆ្លង​រាលដាល​នៃ​ជំងឺ​កូ​វីដ​-១៩ នៅក្នុង​ភូមិសាស្ត្រ​រាជធានី​ភ្នំពេញ​។
Next articleរដ្ឋបាល​ខេត្តសៀមរាប មាន​កិត្តិយស សូម​ជម្រាបជូន​សាធារណជន​ឱ្យបាន​ជ្រាបថា ក្នុង​ព្រឹត្តិការណ៍​ការឆ្លង​រាលដាល​ជំងឺ​កូ​វីដ​-១៩ ចូលក្នុង​សហគមន៍ ២០​កុម្ភៈ​នេះ ខេត្តសៀមរាប បាន​រកឃើញ​អ្នក​វិជ្ជមាន​ជំងឺ​កូ​វីដ​-១៩ ថ្មី បន្ថែម ចំនួន​៦​នាក់ សរុប​៧​នាក់ នៅ​ថ្ងៃទី​០៥ ខែឧសភា ឆ្នាំ​២០២១។
- Advertisment -

Most Popular