​ដោយ​៖ ទេ​ពក​ង្រី / កំពង់ឆ្នាំង​៖ លោក ប្រាក់ សោ​ភ័​ណ្ឌ នាយក​ប្រតិបត្តិ សាខា​កាកបាទក្រហមកម្ពុជា ខេត្ត​កំពង់ឆ្នាំង បាន​ឲ្យ​ដឹង នៅវេលា​ម៉ោង ៥ ល្ងាច ថ្ងៃទី​៦ ខែឧសភា​នេះ​ថា គ្រោះធម្មជាតិ ដែលមាន​ភ្លៀង និង​ខ្យល់​​កន្ត្រាក់ យ៉ាងខ្លាំង នៅ​យប់​ថ្ងៃទី​៥ ខែឧសភា បាន​បង្ក​ឲ្យ​ផ្ទះ​ប្រជាពលរដ្ឋ សរុប​ចំនួន ១៧២ ខ្នង រង​ការ​ខូចខាត ក្នុងនោះ​មាន ១២ ខ្នង បាន​រលំ​ដួល​ដល់​ដី និង ១៦០ ខ្នង ខ្លះ​បាន​របើក​ដំបូល និង​ខ្លះ​របើក​ជញ្ជាំង ។​

​ប្រធាន​សាខា​កាកបាទក្រហមកម្ពុជា ខេត្តកំពង់ឆ្នាំង បាន​អោយដឹងទៀតថា នៅតាម​បណ្ដា​ស្រុក ដែល​រងគ្រោះ ដោយសារ​ភ្លៀងខ្យល់​កន្ត្រាក់ ខាងលើនេះ រួមមាន ១. ស្រុក​រលាប្អៀរ​ខូចខាត​ផ្ទះ ២៨ ខ្នង ក្នុងនោះ​របើក​ដំបូល ឬ​ជញ្ជាំង ២៨ ខ្នង ។ ២. ស្រុក​សាមគ្គី​មានជ័យ រង​ការខូចខាត ៨៣ ខ្នង ក្នុងនោះ​រំដួល​ដូរ​ដី​៥​ខ្នង និង​របើក​ដំបូល និង​ជញ្ជាំង ៨៤ ខ្នង ។ ៣. ស្រុក​កំពង់លែង ខូចខាត​សរុប ៣ ខ្នង ក្នុងនោះ របើក​ដំបូល​ជញ្ជាំង ៣​ខ្នង ។ ៤.​ស្រុក​កំពង់លែង ខូចខាត​សរុប ៣ ខ្នង ក្នុងនោះ របើក​ដំបូល និង​ជញ្ជាំង​៣​ខ្នង ។ ៥.​ស្រុក​ជល​គិរី ខូចខាត​សរុប ១១ ខ្នង ក្នុងនោះ​របើក​ដំបូល ឬ​ជញ្ជាំង​១១​ខ្នង​។ ៦.​ក្រុង​កំពង់ឆ្នាំង ខូចខាត​សរុប ១៣ ខ្នង ក្នុងនោះ របើក​ដំបូល ឬ​ជញ្ជាំង ១៣ ខ្នង និង​៧. ស្រុក​កំពង់ត្រឡាច ខូចខាត​សរុប ២០ ខ្នង ក្នុងនោះ​រលំ​ដួល​ដល់​ដី ៧​ខ្នង និង​របើក​ជញ្ជាំង ឬ​ដំបូល ១៤​ខ្នង​។​

​ដោយឡែក តាម​របាយការណ៍ ពី​អាជ្ញាធរ​ស្រុក ២ បាន​ឲ្យ​ដឹងថា គ្រោះធម្មជាតិ​ខាងលើនេះ នៅ​ស្រុក សាមគ្គី​មានជ័យ សត្វ​គោមួយ​ក្បាល បាន​ងាប់​ដោយសារ​ដើមត្នោត រលំ​សង្កត់ពីលើ ។ ចំណែក នៅឯ​ស្រុក​កំពង់​ត្រឡាច ស្ត្រី​ម្នាក់ បាន​រងរបួស ដោយសារ​ផ្ទះ​រលំ​សង្កត់ ពីលើ​ដែរ ។​

​នាយក​ប្រតិបត្តិ​សាខា​កាកបាទក្រហមកម្ពុជា​ខេត្តកំពង់ឆ្នាំង បាន​ឲ្យ​ដឹង​បន្តទៀតថា ប្រជាពលរដ្ឋ រងគ្រោះ​ទាំង ១៧០​គ្រួសារ ដែល​បាន​រងគ្រោះ ដោយ​គ្រោះធម្មជាតិ​ខាងលើនេះ សាខា​កាកបាទក្រហម ខេត្តកំពង់ឆ្នាំង បាន​ធ្វើ​របាយការណ៍ ជូនទៅ​គណៈកម្មាធិការ​សាខា​កាក​បា ទ​ក្រហម​ខេត្តកំពង់ឆ្នាំង និង​ទីស្នាក់ការ​កណ្ដាល កាក​​បាទក្រហមកម្ពុជា រួចហើយ ដើម្បី​ត្រៀម​លក្ខ ណៈ​ដឹកជញ្ជូន​សម្ភារៈ ដែលជា​អំណោយ​របស់​កាកបាទក្រហម ជួយសង្គ្រោះ ដល់​ពួកគាត់ ក្នុង​ពេ ល​ឆាប់ៗ ខាងមុខនេះ​។​

​សូមបញ្ជាក់ថា មកទល់នឹង​ម៉ោង​នេះ នៅ​ខេត្តកំពង់ឆ្នាំង ភ្លៀង និង​ខ្យល់ នៅតែ​បន្ត​ធ្លាក់ រហូត​ពី​តិច ទៅ​ច្រើន ៕/V​