​ដោយ​៖ ភ្នំ​ស្វាយ / បន្ទាយមានជ័យ​៖ រថយន្ត​គិលានសង្គ្រោះ ៣ គ្រឿង អំណោយ​ស្ថានទូត​ជប៉ុន​ជូន ក្រសួងសុខាភិបាល បានមក​ដល់ ខេត្តបន្ទាយមានជ័យ​ហើយ កាលពី​ថ្ងៃទី​៨ ខែឧសភា ឆ្នាំ​២០២១ ។​

​ជំនួយ​រថយន្ត គិលានសង្គ្រោះ (Ambulance) ដល់​ទៅ​ចំនួន ៣ គ្រឿង ក្នុង ១​លើក ដែល​មហាមិត្ត ប្រជាជន​ជប៉ុន ផ្តល់ជូន​ក្រសួងសុខាភិបាល នៃ​រាជរដ្ឋាភិបាល និង​ប្រជាជន​កម្ពុជា ហើយ​បង្វែរ​ភ្លាមៗ ជូន​មន្ទីរ​សុខាភិបាល ខេត្តបន្ទាយមានជ័យ​នេះ ចំពេល​ដែល​ខេត្ត​នេះ ពិសេស ក្រុង​ប៉ោយប៉ែត ដែល​ផ្ទុះ​ករណី​កូ​វីដ ១៩ ខ្លាំង​នោះ ពិតជា​បាន​ជួយ​មិត្ត ក្នុង​គ្រា​លំបាក​។​

​ប្រជាជន និង​មន្ទីរ​សុខាភិបាល នៃ​រដ្ឋបាលខេត្ត​បន្ទាយមានជ័យ សូម​ថ្លែងអំណរគុណ​ដឹងគុណ និង​សូម​ប្តេជ្ញាចិត្ត​ថា នឹង​យកទៅ​ប្រើប្រាស់ ឱ្យចំ​គោលដៅ នៃ​ការសង្គ្រោះ និង​លើកកម្ពស់​សុខភាព ។​

​សូមបញ្ជាក់ថា រថយន្ត​គិលានសង្គ្រោះ ជា​អំណោយ​របស់ រាជរដ្ឋាភិបាល និង​ប្រជាជន​ជប៉ុន ផ្តល់ជូន ក្រសួងសុខាភិបាល ហើយ​បាន​ផ្តល់ជូន មន្ទីរ​សុខាភិបាល ខេត្តបន្ទាយមានជ័យ ក្រោម​វត្តមាន​លោក មី​កា​មី ម៉ា​សាហុ​ី​រ៉ូ (Mikami Masashiro) អគ្គរាជទូត​ជប៉ុន​ប្រចាំ នៅ​ព្រះរាជាណាចក្រ​កម្ពុជា និង​លោកស្រី យក់ សម្បត្តិ រដ្ឋលេខាធិការ ក្រសួងសុខាភិបាល តំណាង​លោក​សាស្ត្រាចារ្យ ម៉ម ប៊ុនហេង រដ្ឋមន្ត្រី​ក្រសួងសុខាភិបាល នៅ​ឃ្លាំង​ឱសថ​កណ្តាល រាជធានី​ភ្នំពេញ កាលពី​ថ្ងៃទី​៧ ខែ ឧសភា ឆ្នាំ​២០២១ ៕/V​