​ដោយ​៖ ទេព មង្គល / តាកែវ​៖ រដ្ឋបាល​ខេត្តតាកែវ បានចេញ​សេចក្ដីសម្រេច​មួយ នៅ​ថ្ងៃទី​៩ ខែមេសា ឆ្នាំ​២០២១ ស្ដីពី​ការផ្អាក​ជា​បណ្ដោះអាសន្ន នូវ​អាជីវកម្ម ការលក់ដូរ នៅក្នុង​ផ្សា​រយាយ​ត្រប់ ភូមិ​ថ្មី ឃុំ​រវៀង ស្រុក​សំរោង ដែលជា​តំបន់​មាន​អ្នក​វិជ្ជមាន​កូ​វីដ ១៩ បាន​ប៉ះពាល់​ដោយផ្ទាល់ និង​ដោយ​ប្រយោល ជាច្រើន​នាក់ ពាក់ព័ន្ធ​ក្នុង​ព្រឹត្តិការណ៍ សហគមន៍ ២០ កុម្ភៈ​។​

​រដ្ឋបាល​បាល​ខេត្តតាកែវ បានបញ្ជាក់​នៅក្នុង​សេចក្ដីសម្រេច​នេះ​ថា ត្រូវបាន​ផ្អាក​ជា បណ្ដោះអាសន្ន នូវ​អាជីវកម្ម ការលក់ដូរ​ទាំងអស់ នៅក្នុង​ផ្សា​រយាយ​ត្រប់ ភូមិ​ថ្មី ឃុំ​រវៀង ស្រុក​សំរោង ចាប់ពី​ម៉ោង ១២:០០ ថ្ងៃត្រង់ នា​ថ្ងៃទី​៩ ខែឧសភា ឆ្នាំ​២០២១ រហូតដល់ មានការ​ជូនដំណឹង​ជាថ្មី​។​

​សេចក្ដីសម្រេច​នេះ បានបញ្ជាក់​ទៀតថា អាជីវករ​លក់ដូរ​ក្នុង​ផ្សារ​ទាំងអស់​មាន​កាតព្វកិច្ច ផ្ដល់ វត្ថុ​សំណាក ទៅ​វិភាគ​រក​មេរោគ​កូ​វីដ ១៩ ដល់​មន្ត្រី​សុខាភិបាល​។​ក្រុម​ឆ្លើយតប បន្ទាន់ នៃ​មន្ទីរ​សុខាភិបាល​ខេត្ត នឹង​ចុះ​យក​សំណាក​ពី​អាជីវករ​ទាំងអស់ នៅ​ថ្ងៃទី​៩ ខែឧសភា ឆ្នាំ​២០២១ វេលា​ម៉ោង ១២:០០ នាទី នៅ​សាលា​ដំណាក់​ភូមិ​ថ្មី ឃុំ​រវៀង ស្រុក​សំរោង​។ ក្នុងករណី​បងប្អូន ខកខាន​មិនបាន​ទៅ​ផ្ដល់​សំណាក​តាម​កាលកំណត់ ខាងលើ ត្រូវ​ទៅ​ផ្ដល់​សំណាក នៅ​មណ្ឌល​សុខភាព ឬ​មន្ទីរពេទ្យបង្អែក​ដែល​នៅ​ជិត លំនៅដ្ឋាន របស់​បងប្អូន​ប្រជាពលរដ្ឋ​៕/V-PC

​សូម​អាន​សេចក្ដីសម្រេច ដែលមាន​ខ្លឹ​សារ​ទាំងស្រុង ដូចខាងក្រោម​៖​