ដោយ ៖ ភ្នំ​ស្វាយ / បន្ទាយមានជ័យ​៖ លោក អ៊ុំ រាត្រី អភិបាលខេត្ត​បន្ទាយមានជ័យ និង​លោកស្រី ជ័យ ណា​រី កាលពី​ព្រឹក​ថ្ងៃទី​១០ ខែឧសភា ឆ្នាំ​២០២១ បាន​អញ្ជើញ​ចែក​អំណោយ សប្បុរសធម៌​ជូន​ដល់ ពលរដ្ឋ​ជួប​ការលំបាក​ជីវភាព ពិការ ជរា មកពី​គោលដៅ​នានា ក្នុង​ខេត្ត រួម​ទាំងពី​ភូមិកំណើត​របស់លោក​ស្រី​ផង ចំនួន ៥៩ គ្រួសារ ។​

​ដោយ​អំណោយ​ក្នុង​១​គ្រួសារៗ ទទួលបាន​អង្ករ ២០ គ​ក្រ​, មី​១​កេះ​, ត្រីខ ១​យួរ , ទឹកត្រី​១​យួរ ទឹក​ស៊ី​អុ​ី​វ ១​យួរ និង​នៅ​មួយចំនួនទៀត ទទួលបាន​ថវិកា ។​

​លោក អ៊ុំ រាត្រី បាន​ពាំនាំ​ការសាកសួរ​សុខទុក្ខ និង​រំលែក​ការលំបាក ពី​ថ្នាក់ដឹកនាំ ក្រុមការងារ ថ្នាក់កណ្តាល ចុះជួយ​មូលដ្ឋាន​ខេត្ត ជូន​ចំពោះ​បងប្អូន​ប្រជាពលរដ្ឋ ដែល​បាន​នឹង​ជម្នះ​ការលំបាក ក្នុងអំឡុង​នៃ​ការឆ្លង​រីក​រាល នៃ​ជម្ងឺ​កូ​វីដ​១៩ ហើយ​ភ្ជាប់​ការណែនាំ ពលរដ្ឋ​អោយ​បន្ត​អនុវត្ត​វិធាន ៣​កុំ ៣​ការពារ របស់​សម្តេច​តេ​ជោ និង​ការណែនាំ​របស់ ក្រសួងសុខាភិបាល ដើម្បី​ប្រយុទ្ធប្រឆាំង ជម្ងឺ​កូ​វីដ​១៩ ។​

​គួរ​រំលឹក​ដែរ​ថា គិត​មកទល់​ថ្ងៃទី​១០​ខែឧសភា​ឆ្នាំ​២០២១ លោក អ៊ុំ រាត្រី បាន​ចូលកាន់​តំណែង​ជា អភិបាលខេត្ត​បន្ទាយមានជ័យ បាន ២ ឆ្នាំ ហើយ​លោក​មាន​អាយុ ៥៩ ឆ្នាំ​៕/V​